صينية الخضار بالقشطه روعه يابنات لذيذه

GLORIOUS

21-05-2022 - 06:49 pm

السلام عليكم ياحلوات
حبيت اقدم لكم صينيه لذيذه من جد حلوه وسريعه(يعني مو سريعه بالحيل لكن ما تاخذ وقت كبير)
بالنسبه للمقادير:
باذنجان
كوسه
طماطم
بطاطس
بصل
يكونون مقطعين مكعبات مثل السلطه او اكبر شووي
(تقدرين تحطين اي نوع من الخضار وممكن تشيلين اي نوع كمان)
بعد كذا تقلين كل نوع لحاله طبعا البصل والطماطم بدون قلي...
تحطينهم بعد كذا في صينيه وتخبصينهم على بعض يعني تحركينهم بحيث يصيرون مثل السلطه ..
وتكونين يا طويلة العمر طاحنه طماطه مع 2 ملعقه صلصه طماط وشوية مويه في الخلاط بعدين تسكبينها على الصينيه..وتحطينها بالفرن
الفكره نفس المصقعه بس التقطيع مكعبات وبدون لحم
بعد كذا وهذا هو اللي راح يعطيك الطعم الروعه والنكهه اللي تجنن
الصوص...
تجيبين علبة قشطه
ملعقه كبيره جبن سايل
وشوية ما يونيز .. ربع ملعقه او اقل حتى...
تخلطينهم بالخلاط
وتسكبينه على الصينيه بالتساوي بعد ما تستويوتطلعينها من الفرن(لحد ما تشوفين الطماط بدا يستوي ويذوب)
بنات روعه جربوها راح تعجبكم
ولا تنسوني من دعواتكم وردودكم
وسوري طولت عليكم..

التعليقات (8)