ضرتي بس من رجال ثاني

1. زي ماشفتو من الموضوع عندي ضره بس من رجال ثاني


2. قالت ماعليك منه أي شي ياكله

السلام عليكم يافراشات
كيف حالكم ان شالله طيبين

زي ماشفتو من الموضوع عندي ضره بس من رجال ثاني

بنات انا بقولكم قصتي واحكموا لأني خلاص قربت انجن اسمعوا واقرو وشوفو اللي راح اكتبه واتمني كل وحده تقول رايها وياليت اللي عندها حل تفيدني
المهم ماطول عليكم انا متزوجه ولد عمي وعندي حماتي يعني تصير زوجه اخو زجي طبعا هي الأولى عند اهل زوجي انا لما تزوجت كانت حياتي كلها احلى من العسل وبعد كم شهر من زواجي طبعا انا زي ماتقولون علاقتي بزوجه اخوه رسميه جدا هي طبعا ماعجبها الوضع الحت على زوجها انو كل يوم نجي نتعشى عندهم طبعا ام زوجي متوفيه ماعندهم الا ثلاث خوات وكلهم متزوجين هي قعدت في بيت العايله عند ابو زوجي واحنا لنا بيت مستقل المهم اخو زوجي قاله لازم كل يوم تجون تتعشون عندنا قال اوكي على حسب ضروف شغلي طبعا رحبت بالفكره وكل مره اروح لهم كان يوم خميس يعني خواتهم بعضهم يصير موجود وبعضهم ولما كنت اروح لازم اخذ معاي شي اسويه في البيت بحكم اني ماشالله طباخه احب الطبخ بالحييل انا مامدح نفسي بس ناس كثير قالوا انو لي نفس بالطبخ ولما كنت احط عشاي بالمطبخ تجي هي وتقول وش رايك العشا اللي جبتيه نخليه لنا لأني ماكثرت عشاهم بحط عشاي كله لهم طبعا انا ماحب احد يستغفلني صحيح انا طيبه بس افهم كل شي يدور حولي
رديت عليها قلت لها بس زوجي يحب هاذي الطبخه ماعليش بحط شوي منها لهم
تصدقون يابنات انا لما دخلت المطبخ الشغاله قاعده تكرف والقدورماليه الفرن وتقول العشا مايكفي
المهم وحده من خواته فاهمتهازين قالت لي خلاص اذا زوجك يبها حطيله فشيله تطبخينه قدامه ولا ترسلين منه
الحرمه طبعا اول مره اجيهم ايقال انها استحت وسكتت بس من نظراتها عرفت ان والكلام ماعجبها
ولما جت حزه العشا قدمنا العشا ومن هنا نقطه البدايه قعدت تسالني زوجك وش يشرب لما ياكل عاده قلت ليش تسأين قالت عشان احطه له وعلمتها قلت يمكن الحرمه تبي تبيض وجه رجالها
وبعدين مره ثانيه رجعت وسألتني وش يحب ياكل سلطه ولا شي ثاني مع العشاء .... انا لاحضت ان الحرمه مهتمه بزوجي اكثر من زوجها قلت لها عدي أي شي
طبعا انا ارسلت من عشاي لهم المهم عدت الليله على خير اليوم الثاني تفجأت بزوجي يقول ترى اخوي عازمنا الليله ويقول لاتجيبون شي اليوم قلت طيب وش يحب ابوك ياكل وقالي زوجي ان ابوي عنده ضغط وسكر يعني حاولي تسوين شي يناسب مرضى الضغط والسكر قلت اوكي
طبعا عمي رجال كبير بالسن سويته حاجه كان يحبها وكان زوجي يقول ان ابوه يحب الطبخه الفلانيه من يدين امي الله يرحمها انا ماصدقت خبر رحت وسويتها لعمي ويشهد الله على ماكان في نيتي شي .. وامي الله يخليها لي علمتني على جميع الأكلات الشعبيه
المهم رحنا لعندهم وانا داخله ولما شافت معاي السله قالت انا مو قلت لاتجيبون شي قلت وش دراك زوجك اللي قال مو انتي قالت انا وزوجي واحد قلت عالعموم هاذي لعمي مو لكم

قالت ماعليك منه أي شي ياكله

الحرمه انتهزت عدم وجود خوات زوجي وبدت تبدع فيني ولما دخلت المطبخ اكتشفت ان الحرمه مصلحه نفس الصينيه اللي كنت مصلحتها البارح ولما شافتني انتبهت لها قالت ايه نسيت اقولك انا سويت الصينيه عشان خاطر زوجك قلت ليه وزوجك ماله خاطر عندك قالت الا لأنه زي اخوه نفس الشخصيه
المهم قعدنا على القهوه وبدت تطلع البلاوي قامت تسألني زوجك يحب السمينه ولا النحيفه اشوفك نحيفه وطاير فيك قلت والله بابنت الحلال الرجال دوبي معه مالي شهرين كيف تبيني اعرف وش يحب وش يكره ردي على وقالت طيب وانك عرفتي وش يحب من الأكل قلت هذا شي وهذا شي المهم الحرمه زودتها شوي وقالت وش يحب تلبسين ملابس ضيقه ولا واسعه وكملت كلامها وقالت بسرعه الله يعينك اذا كان مثل زوجي يحب الملابس الواسعه قلت لا هويحب الجينزات الضيقه اللي تبرز شكل الجسم بس انا مو دايم البس له كذا .... انا قلت بحسن النيه وبقولها واعتبرها زي وحده من خواتي
بس الصدمه يابنات انو الحرمه صارت كل مره نجيهم تلبس جينزوضيق يبين مفاتنها عاد الحرمه عليها جسم مو صاحي وفوق هذا بدت تدخل وتسلم على زوجي بالمجلس تخيلوا يابنات ماتلبس الا طرحه تغطي بس وجهها وكامل الجسم طالع ولايفوتك النهد نصها واضح ولا زوجها ألأمعه قاعد يطالع والوضع عادي عند انا انجنيت قلت حشى هاذي مو حماه هاذي ضره
المهم لماطلعنا من عندهم انا ماقدرت اتحمل قلت ليش ترد عليها وتسلم عليها قال اصلا من قبل اخذك وهي تسلم علي بس ماكانت تكشخ كذا وقلت وزوجها عادي عنده قال اوه اخوي من زمان غاسل يده منها ماعليه منها تسلم ماتسلم عاادي
انا شوي وانهبل قلت بمسك نفسي ومن بكرى باخذ اجازه مع نفسي واترك الروحه لهم وقول لزوجي لمده اسبوع ماراح نروح لهم لحد ماعرف سيرتها الذاتيه قبل ماخذ زوجي وقبل مادخل عليهم المهم فعلا انقطعنا اسبوع الحرمه انهبلت صارت كل شوي اتصالات انتم وين وين رحتو اذا ماردينا تخلي بناتها يكلمون عمهم عمو انت وين ياناس ياعالم انا خلاص قربت انجن منها صارت زي ضلي ولا فيه اشياء كثيره ماقلتها لأني وانا اكتب لكم الحين احس ضغطي ارتفع ولا زوجي شو يقول ماعليك منها اهم شي انتي عندي عاد انا اقول اذا ماجالك ضره تطيح عليك غصب يابنات ريحوني وقولو لي شو اسوى معاها انا خلاص ماعاد اتحمل تصرفاتها البايخه
اتمني تتفاعلون معاي
ونسيت اقولكم صارت تقلدني بالصوت وبالمشيه وبالعطر والملابس واي شي يطري على بالكم تراها تسويه
اللهم اني ادرئك في نحرها واعوذ بك من شرها
اختكم في الله ألأميره كادي