ضيقه ف

الغوالي قلبي

11-12-2022 - 09:19 pm

خواتي الغاليات أسأل الله لي ولكم التوفيق في الدنيا والاخره
خواتي لي 3 اسابيع من يوم سقطت احس نفسيتي تعبانه حيل
ماني قادره اتصرف في بيتي جاني خبال على التنظيف لان فترة حملي على ظهري الين سقطت
فخليت مافي خاطري في البيت وتنظيفه
والحين مشكلتي ماعرفت اتصرف انا معوده بيتي اني على طول فرفوشه وانا الي ادير رغبات البيت من طلعه وتمشيه وغيرها وكنت كل يوم استايل
الحين لالالالالا نفسي ضايقه ماعرفت اضحك ولا عرفت افرفش متضايقه حيل وزوجي بينطق مني
وانا اتمنى انه يغير علي جو يسفرني لكن ميزانيته ماتسمح وودي يغير علي جو المدينه الي انا فيها بس لازم انا الي اضحك واسولف واذا شافني صاكته يزعل ويقول كلام ماهو زين والمشكله حتى امه صارت تتضايق من حركتي هذي وصار زوجي يزيد فيها ووانا ماني ملك نفسي وعييو يفهمون
انصحوني الله يجزاكم الجنه
الله يرزقني واياكم الذريه الصالحه يارب

التعليقات (9)

أعذاب

12-12-2022 - 12:49 am

طيب ياختي إجلسي معاه وقولي له هالكلامقولي أحس إني صرت متضايقه وتعبانه نفسيا وأنا موعاجبني حالي أخاف يكون معي إكتئابوأنتي بعد إنتبهي على نفسك والله يعوضك إن شاء الله

الغوالي قلبي

12-12-2022 - 01:50 am

تسلمين يالغلا هويعرف ودايم اقول له اني طفشانه وودي هو من نفسه يغير علي جو بس

الغوالي قلبي

12-12-2022 - 02:51 am

زوجي مسكين يقول ويش الي تبغين واسويه بس البلى من نفسي ماقدرت اتحكم فيها بأطلع في الحوش اشوي اغير جو ووبأجي اشوف ردودكم لعلى وعسى

أم سنا

12-12-2022 - 03:52 am

الله يوسع صدرك ويعوضك خير اقرأي القرآن وعليك بالاستغفار والدعاء وإذا أمكن تطلعون تتمشون لوبدون سفر في مدينتك اللي انتي فيها اكيد فيها منتجعات ومطاعم والخ....... وان شالله ينشرح صدرك بالإيمان وطاعة الرحمن..

ام حمادة الأمور

12-12-2022 - 04:53 am

حبيبتي انا اشوف انك تحاولي ماتفكري في الموضوع كثير لانك لو فكرتي حتفضلي مكتئبه على طول وهذا مو بصالحك ياعمري يمكن يزيد مع الوقت حاولي تشغلي نفسك باي شي وتقربي الى الله بالصلاة و قراءة القران و رح تشوفي الفرق كل ماتبدئي تفكري اشغلي نفسك باي شي الله يعوض عليكي يارب و يرزقك و كل المسلمات الذريه الصالحهتقبلي مروري ..............قلبي معاكي

عروس الفرح

12-12-2022 - 05:54 am

هذا طبيعي يالغالية ماعليك
انتى اللة يعوضك شكلك تبين الحمل ومتعلقة فيةةةةةةةةةةة حيل
وشكلك مصدومة ممكن عند اكتئاب
لانك فقدت جنين وكنت حاطة افكار اذا جاء النونو وكذا...... بتسوين شغلات وحركات...........
بس فترة وتعدى اهم شي رددي
اللهم اشرح لي صدري ويسر لي امري
وتعوذي من ابليس
زوجك بيطفش منك وبيطلع بر البيت
حاولي تغيرين وضعك لبس وتكشخ ورحي مطعم اتعشو وناموا احلا نومة
وقومي وخليك مرة وشوفي بيتك
واللة يعوضك يارب
انت عندك اطفال؟

عروس الفرح

12-12-2022 - 06:55 am

اسال الله الواحد الاحد الفرد الصمد الذي لم يلد ولم يولد
ان يررزقك بتوامين اصحاء معاافين
وفيهم الصلاح والخير يارب امين

مليونيرة بزنس

12-12-2022 - 07:56 am

شوفي انا دائما تجي الحالة اللي قلتي عليها وتتعب نفسيتها بس اجلس استغفار تهدى نفسها واروح البس واغير من شكلي تزين نفسيتي والجا لربك في هالحالة وراح تضبط حالك اسالي مجرب

الغوالي قلبي

12-12-2022 - 08:57 am

الله يجزاكم الجنه يأخوات
والله اني احاول قد مااقدر
عسى الله يفرجها لي ولكم
بس احس الشي مو بيدي

للاهميه لاتقولين لزوجج هالامور والمفروض مايعرفها←
مشكلتي مع زوجي ارجو المساعده→