طالبتكم لا تردوني

لالالالالالالالالالالالا وين طباخات المنتدى..؟
بليز ساعدوني لأني جد ماأعرف أسويها....
أنتظركم...

ياعمري رحمتك والله...على فكره هذي أول مشاركه لي في هذا القسم...وكنت داخله آخذ طبخات بس شفت طلبك ورحمتك...
الصراحه..الصراحه وبدون زعل ماتوقعت انه فيه أحد مايعرف يسوي لحم السمبوسه... بس ماعليه خذيها..
المقادير:
بصل مفروم ( مقطع صغار) وبما ان شكلك ميح في الطبخ فأنا دايم أحط على كل كيس نصف بصله اذا كانت كبيره واذا كانت صغيره أحط كامله..
ملعقتين زيت
-ثوم مفروم واحد
-لحم مفروم
-بصل أخضر مقطع صغار
فلفل بارد مقطع صغار
بقدونس حسب الرغبه
ملح وبهارات
الطريقه:
يوضع البصل مع الزيت والثوم على النار حتى يذبل ومن ثم يوضع البصل الأخضر ( أنا أحط البصل قبل لايستوي اللحم بخمس دقايق) والفلفل... ثم يوضع اللحم عليه.. ويحرك اللحم جيدا حتى يتفرق اللحم عن بعضه..ثم يوضع عليه البهارات والملح والجزر المبشور صغار( ويمكن الاستغناء عن الجزر حسب الرغبه) ويغطى على نار هادئه ويحرك كل مده قصيره جدا... يترك على النار حتى ينتهي استوائه ( تعرفين انه استوى.. جمعي اللحم في جهه من القدر واضغطي عليه بالملعقه اذا طلع منه مويه معناها ماأستوى)... بعد مايستوي طفي النار عليه وحطي عليه البقدونس ( تقدرين تحطين مع البقدونس كراث اذا تحبين) وحركيه واحشيبه السمبوسه... بالعافيه
اتمنى اني أكون أفدتك وفهمتيني...

مشكورة اسيرة الذكريات كفيتي ووفيتي
انا اعمل لحم السمبوسة بنفس الطريقة لكن استبدل البصل الاخضر بالشبث(الشث)

قريبا بنزل طريقه لذيذه جدا وبالخطوات المصوره لعمل السمبوسه بحشوه اللحم المفروم

انا اعمل نفس طريقه الاخوات وان شاء الله تكوني عرفتي وموفقه يالغلا

والله ياقلبي انا مثلك ميح بالطبخ بقوة
بس ماشاء الله عليهم البنات ماقصروا

لالالا لالالالالالالالالا حرام عليك والله حرام والله أني أاحب الطبخ وطبخي حلو دايم يمدحون فيه (( مو مدح في نفسي بس ذي الصراحة ))
بس ما أعرف أسوي لحم السمبوسة لأنة أمي ألي تسويه دايم مو أنا وذا مو معناتة أني ميح في الطبخ !!!
عالعموم مشكوره أسيرة الذكريات عالطريقة والله يعافيك ,,,,