طريقة تنظيف الحمام اعزكم الله

هند ام روان

30-06-2022 - 06:59 pm

السلام عليكم
بنوتات عشان تصرون ستات بيت تعلموا شلون تنظفون حماماتكم
أول شي أحب أقولكم إن الموضوع منقول من منتدى آخر ..
أخليكم مع الموضوع ...
حبيباتي كيف حالكم اليوم حبيت احط لكم طريقتي في تنظيف الحمامات (عزكم الله)
وهاذي طريقتي وان شاء الله تنفعكم
اولا
اجيب السائل او البودرة اللي يحطونه في فتحة المغسلة والبانيو فايدته انه يذوب العوائق الموجودة داخل فتحة المغسلة ويخلي الماي ينساب وقلت لك اتحطينه اول شي علشان يباله نص ساعة حتى يعطي مفعول
واذا ما عندك هاي المنظفات ممكن تستخدمين
بيكربونات الصودا
والخل
اول شي حطي الصودا وبعدين فوقه الخل وبيعطيك نفس المفعول ان شاء الله
ثانيا
حطي الهاربك باور على اطراف البالوعه والمرحاض(الله يعزكم)
وبعد يبا له 10-15 دقيقة
انا استخد الازرق لانه ينظف اكثر
ثالثا
يبي سطل او طشت وحطي فيه ماي مع الديتول لتنظيف الاسطح يمكن اضافه جف بعد
انا استخدم بريحة الافندر الصراحة وايد روعة
وبعد ممكن اضيفين الكلور اذا تبين مع الديتول
وجيبي الفرشاة مال التنظيف
رشي الماي المخلوط مع الديتول في كل اركام الحمام (الله يعزكم)
بعدين عاد جلسي افركي بالبروش (الفرشاة)

التعليقات (7)

هند ام روان

30-06-2022 - 10:13 pm

رابعا
نظفي المرحاض (عزكم الله) بفرشاتها
خامسا
ورشي الماي على المغسلة ونظفيها بعد باليفة والصابون
سادسا
رشي الماي النظيف على كل اركان الحمام وبعدين اشطفيها
اخر شي يالحلوات بللو قطعة بالماي والكمفرت وابدأي بمسح جميع الاركان حتى اتم ريحة حلوة وفترة طويلة
انا احب الازرق
سابعا
لا تنسي المرايات وتنظيفا ولاكيف بنشوف اشكالنا الحلوة
ولا تنسي اتعلقين المحارم امام المرحاض فهذا يدل على الذوق والاتكيت وفوق كل شي على التنظيف
وبالنسبة للتعطير ترى منتجات ايرويك ترس الدنيا ممكن تستخدمين منها للروائح المختلفة
وفي الختام ما اتمنى منكم الا الدعاء من ظهر القلب
يالله اريد الردود الحارة

رمش الحسا

30-06-2022 - 11:14 pm

تسلمين خيتو على الطريقه
الله يجزيك كل خير

&~غلاها ~&

01-07-2022 - 01:16 am

مشكوره عيوني الله يعطيك العافيه بالصراحه انا كثير استفدت من اللي قلتيه

هدى888

01-07-2022 - 02:17 am

مشكوره اختي ولاتنسون تنظيف الجدران والشباك

فراولة حب

01-07-2022 - 03:18 am

يسلموا