طريقة سحب اللون من الشعر في المنزل

بسم الله الرحمن الرحيم ..
السلام عليكم ورحمة الله وبركاته ..
احيانا لما نروح للكوافيره ونبغى نصبغ شعورنا تجي تقول لك الكوافيره شعرك محتاج لسحب لون وطبعا سحب اللون عند الكوافيرات كيماوي ومره خطير يدمر الشعر كل اللي عملوه عندهم ندموا أشد الندم ، فأنا شعري محتاج لسحب لون وناويه في نهاية هذا الشهر اصبغه وفكرت سحب اللون عند الكوافيرات استبعدتها نهائيا ماني مستغنيه عن شعري
وبحثت عن طرق تكون طبيعيه وتأدي الغرض المطلوب وفي نفس الوقت ماتأثر على شعري ولقيت هذه الطريقه ذكرتها احدى الاخوات جزاها الله خير والطريقه هي :

• خمس حبات من فوار فيتامين سي .


• 2 ملعقه كبيره شامبو .

الطريقه :
نأخذ حباب فيتامين سي وندقها حتى تصير مثل الدقيق ونضيف لها ملعقتين الشامبو ونخلط المقادير والخلطه تصير مثل الكريمه ونحطها على الشعر مدة ساعه ونغطي الشعر بقبعه بلاستك وبعدين نغسل الشعر بالماء فقط .
وبإمكاننا إاعادة التجربه مره ثانيه بعد مرور 10 أيام .
ملاحظه : بإمكانك مضاعفة الكميه فأنا لأن شعري طويل لم تكفيني هذه المقادير فوضعت 10 حبات فيتامين سي + 4 ملاعق شامبو .