طريقة عمل ألعاب زوجية بنفسك بس مع لولي

-لولي-

25-02-2022 - 05:15 am

السلام عليكم ورحمة الله وبركاته
موضوعنا اليوم هو طرق لعمل مجموعة من الألعاب الرومانسية
صعب جداً الحصول على مثل هالألعاب بالخليج العربي
واللي يبيها يحصلها من النت ... مثلاً محل لا سنزا يبيع مجموعة من الألعاب الجميلة
لكن هالألعاب ما تنزل عندنا بالخليج.. واذا نزلت فهي قليلة جداً وكميتها محدودة
فالحل الأمثل هو عمل هالألعاب بنفسنا.. طبعاً كل وحده وفنها في تزيين الألعاب
بنزل اليوم طريقة عمل مجموعة من الألعاب، واذا الردود عجبتني بنزل مجموعات أكثر.. طبعاً الردود مو بالعدد بس بالكلام الزين والتشجيع ترا ازعل وما انزل مجموعة ثانية
بسم الله ابدأ
:: لعبة ال naughty nights ::
لعبة سهلة العمل جداً جداً
كل اللي بنحتاجه أوراق ملونة فقط،، يفضل تكون سميكة عشان تدوم وما تخترب
نقص أوراق صغيرة ملونة،، كلهم بنفس المقاس
بكل ورقة نحط أمر، والأمر يكون عمل يقوم به الزوج للزوجة أو العكس
وماله داعي اعلمكم شنو نوعية الأوامر.. انتوا متزوجين وابخص بهالسوالف عيب طفلة بريئة مثلي تتكلم بهالمواضيع
المهم، بعد الانتهاء من الكتابة،، لصقي الأوراق ببعضها نفس الصورة
واللعبة انه يفرد البطاقات ويمسك وحدة،، والأمر اللي يطلع له لازم يسويه
بعدين تتبادلون الدور
:: الشيكات ::
اعتذر عن عدم عرض الصورة لأنها مخلة للآداب
بس اللي محتاجينه بعد مجرد أوراق ملونة
نسوي فيهم دفتر شيكات،، نقصص أوراق بحجم الشيكات
ونكتب من: -------
وإلى: ------------
وخطوط فاضية لكتابة الفعل اللي راح تسوينه لزوجج
مثلاً تكتبين: ليلة رومانسية جداً والتفاصيل اللي تبينها على راحتج
وتسلمينه الشيك في الصباح مثلاً
ولازم يسلم الشيك عشان ما يستخدمه أكثر من مرة
:: لعبة ال Love Doctor Prescription ::
نحتاج أوراق بيضة،، مع فايل مثل تبع المستشفيات اللي يخلونها لمعلومات المريض
بالأوراق لازم ينكتب التالي:فلان ---- لديه موعد مع دكتور الحب
بتاريخ: ---------- الساعة: ----------
للعلاج: