طريقة وضع المكياج الأحترافي بالصور

السلام عليكم رحمة الله وبركاته ..
شلونكم بنات على كيفك الحلوات كلهم ..
إن شاء الله يكونون بخيروصحة وعافية .. وأهلهم يارب ..
جبتلكم طريقه مكياج إحترافي جداً .. ورسمة العين تشابه رسمات عيون خبراء التجميل اللي نشوفهم بالمجلات ..
المهم خلينا نبدي الدرس مع بعض ..
أول شي مثل ما تعودنا .. نحط كريم الأساس ..
والباودر .. والكونسيلر .. والبيس .. وكل هالأمور اللي متعودين عليها ..
ونحط بودر نثر على عظمة الخدين .. من أعلى .. لنظافة المكياج ..
ونرسم الحواجب ونحط تحت الحاجب اللون الأبيض اللؤلؤي ونوزعه بهالطريقه ..
الخطوة الثانية .. نحط الكحل داخل العين ويكون اللون الأسود ..
وباسفنجة الشدو الصغيرة .. نبللها بشوية ماي .. وناخذ اللون الوردي المتوسط الدرجة ..
مش فاتح ولا غامج .. ونحطه على الجفن المتحرك للعين فقط ..
في نوع من أنواع الكحل الجاف يكون أصبع صغير مثل أصبع الروج ..
نجيبه ونحطه بهالطريقه ..
وباسفنجة الشدو الصغيرة نحط شوية فيها شدو أسود ..
علشان يساعدنا بالتمديد ..
بعدين نجيب نفس الشدو الوردي اللي حطيناه في البداية ..
ونوزعه حول العين كلها .. بس نحطه خفيف من تحت عند العين من الداخل ..
ندمج الأسود والوردي من فوق ومن تحت ..
وندمج الوردي مع الأبيض من فوق ..
وناخذ اسفنجة الشدو وناخذ لمسة شدو أسود علشان نحاول نسحب اللون الوردي والأسود
على طرف العين ..
يعني نبدي نحط الاسفنجة فوق الكحل الأسود واللي يبقى في الاسفنجة نبدي نسحبه
لي برا وندمجه مع اللون الوردي ..
نجيب الكحل السائل .. ونخط خط خفيف جداً من فوق ..
وبخط واضح شوي من تحت ..
وأخر خطوات نحط ماسكار .. ونشيل الباودر ..
ونحدد الخشم .. ونحط البلاش والروج ..
أتمنى فعلاً يعجبكم الدرس ..
وجربوه.. ترى سهل .. بس يطلع جنان ..
وتقدرون تحطون بنفسجي بدال الوردي او اي لون على حسب لبسكم ..
ولكم جزيل الشكر والتقدير ..
منقول
أختكم..سائلة الفردوس