طريقه تقسيم المهر اذا كان قليل

لودي الف الف مبروك ياقلبي ربي يتمم لك على خير
ياعمري اهم شي ادعي ربي يبارك لك فيه وتصدقي لوبمبلغ بسيط
اول شي جيبي اظرف
واكتبي عليه ملابس بيت مثلا والسعر
وكذا
كل شي اكتبي عالظرف وحطي المبلغ المناسب
فستان الفرح حطي له ميزانيه 3000وانصحك دوري اجار اوفر لك عشان تستفيدي من نص المبلغ
ملابس زيارات 3000
ملابس بيت 2000
ملابس داخليه 500
شنط وجزم 1000
مكياج 1200
عطور وكريمات جسم 1300
قميص ليلة الدخلة خذي بحدود 400 فلور عنده اشكال روعه
والصندل 85 انا اخذته من عنده
وطقم الديشمبر 500 وشويه
يعني كلها حدود 1000
اكسسوارات 300
استشوار وماكينة وفير وبنس ومكر 700
طقم شنط السفر فيه محل بقربان عنده اطقم جنان اخذت صحبتي منه بحدود 480 و 500 بس ماتذكر اسمه بالضبط :(
وعباية 500
انتي خذي اللي يناسبك من اللي قسمته لك وممكن تنقصي وتزودي حسب حاجتك
ربي يسعدك ويبارك لك فيه

من الأغلاط اللي سويتها وقت مابديت اجهز بملابس البيت
كنت حاطة ميزانية لملابس البيت 3000
وماتنازلت قلت الا ماركة وبالأخير ماطلعت الا كم قميص ماتكفيني حق اسبوعين تخيلي !
ولمن رحت البدر اخذت ب 700 ريال شي يكفيني فوق الشهر تخيلي !!!!!!!
فنصيحه لك روحي المجمعات خذي منها القمصان وملابس البيت بتلاقي اشياء روعه عند البدر والهرم وسيتي ماكس وسنتر بوينت .

اها انا ما احب البدر مرا
شكلو بروح سيتي ماكس
والهرم
واقضي منهم
مدري اجهز دحين ولا استنى التخفيضات
لانو الفرح بعد شهرين

هلا اختي ادا تحبي اوفر الك فستان زفاف اسعاري تبدا من 2000 ريال وفي فساتين ب3000 ريال روعه

فستان الفرح لو اخدت ب 2000 او 3000 مابقي شئ من المهر

حبيبتي انا مهري ب 20 الف جهزت ب 10 الاف و 10 الاف ذهب
بدأت بالملابس اول شي وحددت مبلغ لهم تقريبا 5 الاف
المكياج 600 اخذت الي احتاجه والمهم
العطور اخدت 4 عطور تقريبا
قمصان نوم وبيجامات اخدتهم من الهرم وانصجك فيه وبقوه القمصان الستان اخت تقريبا 5 من البوادي بوابة رقم 4
الجزم والصنادل اخدت تقريبا 10- 3 جزم والباقي صنادل اسود وابيض ذهبي موف احمر اخضر ابيض زحاف
الاكسسوارات اخدت المهم واخدتهم من مهجه عنده اكسسوارات حلوه وشيك واخت من عزيز مول واحد سلسال ب 15 واسوره ب 10 شيك
اخدت مجموعه وحده من نكتار ومزيل عرق وبودرة للجسم بطعم ولمعه تقريبا كلوو 700
احزمه اخدت الالوان الاساسيه
استشوار اخدتو من البلد هناك ارخص من اي مكان مااعرف من وين بالزبط لأنه خالتو راحت جابتلي هوا والبروان تقريبا كلهم ب 400
واخدت 2 هيلاهوب واحد اسود وواحد ع لون جسمي
ولفستان الزواج رفعت من المهر 1000 وللصبغة شعري 500
انتي حاولي تقسمي المهر وانصحك لا تاخدي كل شي ماركه لأنه لو صرتي تاخدي ماركه راح المهر كلوو والفستان خذيه ايجار انا اخذته ايجار من الكندره مول مدري اذا في شي ناقص ماكتبته يعني انصحك تاخدي المهم المهم جداا
والله يوفقك يارب ويتمم لكي ع خير

طبعا الاسعار مو فاكره بالزبط كل شي بس تقريبا جهزت ب 8 الاف بالزبط وماشاء الله اخدت كل مانقصني شي انتي مثلا لمن تبدئي في الملابس خدي شويا منها ووقفي بعدين مثلا ابدئي في الصنادل لكي الكرامه ووقفي المكياج وكده وبعدين ارجعي للملابس وهيك وكده تقدري تاخدي كل شي تبيه ومايكون ناقصك شي
وان شاء الله اكون افدتك يارب والله يتمم لكي ع خير
دعواتك يتحدد زواجي عن قريب ويتمم ليا ع خير

العمر كلو ربي يسعدك
طيب كوفيره وشغلات ومسكه وكوشه اغراض الفرح احسو ينقص عليكي