طريقه حفظ الثوم والزنجبيل والجبن بلفريز

مرحبا الغاليات..
طبعا كثير منا يروح السوبر ماركت ويشتري اغراض ممكن اذا رجع البيت يلاقيها زايده عن حاجته..
او ممكن البعض منكم بتعامل بطريقة الكراتين اوفر له..
بس احيانا تحتار ربة المنزل في كيفية حفظ هالطعام لمدة اطول بحيث مايخرب ويبقى طعمه وطراوته لاخر طبخه
فهنا بحط لكم بعض الافكار اللي نستخدمها لحفظ الطعام وبتجربة..
اولا..
المسواك..
عن عائشة رضي الله عنها عن الني صلى الله عليه وسلم قال: (السواك مطهرة للفم مرضاة للرب). رواه البخاري
قبل كل شي..الكل يعرف فضل المسواك وفائدته..وياكثر مانشتري ويجلس كم يوم ويصير يابس..
فهذي طريقه لضمان حفظ المسواك لاطول مده..
اولا نحتاج..ل كيس بلاستيكي حجم صغير..
تغليف نايلون..
منديل..
اول شي نجيب المساويك ونغلف كل حبه بنايلون جيدا..
[] ]
بعدين نحطهم كلهم بمنديل ونغلفهم كويس..يعني نطوي المنديل من الجهتين على المساويك ونلف المنديل عليهم باحكام..طبعا الافضل تحطين كل 3 مساويك مع بعض عشان ماياخذون حجم..
] ]
واخيرا نحطهم بالكيس..ونلفه عليهم كويس نضعه بالفريزر بمكان جاف..
ثانيا..
الثوم..
بتقولون ايه عارفين الطريقه وكم طريقه انكتبت فيه..صحيح بس هنا طريقه جديده بالنسبه لي اشوفها افضل واسهل وعمليه اكثر..
نحتاج لعلب بلاستيكيه صغيره مثل اللي تجي لما تطلبون مثلوثه من المطعم..ويحطون لك فيها الصوص الحار..
مبشره..
اولا جيبي كرتون الثوم عندك..وقشريه او خلي خدامتك تقشره وتنظفه زين..بعدين ابشريه وانصحكم بالمبشره الكهربائيه مرره مريحه وسهله..
حطي كميه مناسبه من الثوم بالعليه وسكريها..ورتبيها بطريقة منظمه بالفريزر..واجلسي فتره طويله بدون تعب تقطيع الثوم وهرسه ورائحته القويه بالبيت..
شوفوا كيف..
ثالثا..
الزنجبيل..
[] ]
جيبي الزنجبيل..طبعا طازج ونقي النظيف..والخربان ابعديه..قشريه..وابشريه..
ضعي كميه مناسبه في كيس بلاستيكي صغير وكرري العمليه حتى تنفذ الكميه اللي معاك..
رتبيها بالفريزي..ومتى ماحتجتي زنجبيل..طلعي الكيس واغليها..والله يابنات ماتفرقينها عن الزنجبيل اللي لسه شاريته من السوق..
2
رابعا..
الغجر..او الكركديه..
طبعا نعرف اهميته في خفض ضغط الدم..وطعمه اللذيذ خصوصا لاصار مع عصير الاناناس ام
جيبي ثمرات الغجر..ونظفيهم من الشوائب..حطي تقريبا كل 6 حبات بكيسه صغيره..لحد ماتخلص الكميه اللي معاك..{تبيهم بطريقه جميله بالفريزر..
] ]
[]
طبعا شكله هنا اسود مع التجميد..لكن اذا سويتيه بتلاقينه روعه وكانه ماتجمد..
خامسا..
الجزر
طبعا نعرف الجزر وكيف يعطي نكهه ولون وطعم للاكلات وخصوصا مع الحشوات..فهنا باحط لكم طريقته وللامانه جربته بس بالطبخ وماستخدمته مع السلطه..
جيبي جزر اغسليه وقشريه وابشريه..حطي كميه اللي تناسبك بكيسه مثل كيسة اللحم..افرشي الجزر في الكيسه واطويها على بعض واضمني انها تسكرت وصفيها بالفريزر..
طريقة تسهل عليك تعب البشر وتفيدك باوقات الزنقه
وهذي الصور
[]
وهذي من جوا..
[]
" />
سادسا..
جبن المواتزريلا..جبن البيتزا..
طبعا كثير يشترون الاكياس اللي تجي صغيره وجاهزه من السوبرماركت..بس هنا بحط طريقه افضل واوفر..وتحطي على قد ماتبغين للاستخدام..
اشتري مكعب جبنه كبيره..مثل جبنة برايد الحجم الكبير..
جيبيها البيت وخليها تذوب شوي..وابشري الجبنه كلها..طبعا اذا سويتيها بالمبشره الكهربائيه ماراح يتعبك..
او قسميها على ايام وابشري قطعه قطعه
جيبي الاكياس الصغيره وحطي قد ماتبين للبيتزا..يعني كم تحتاجين تقريبا..
طبعا باليوم اللي تفكرين تسوين معجنات..طلعي الجبنه وانتي تعجنين العجينه..وبظرف نص ساعه بتلاقينها ذايه وجاهزه للاستخدام..وتقدرين ترجعين الباقي منها للفريزر للاستخدام مرة اخرى..
طبعا هنا وفرت سعر الاكياس الجاهزه..حيز بالفريزر..
شوفوا كيف مرتبه..
[]
والى هنا وصلنا للنهايه..
اتمنى تعجبكم هالافكار وتفيدكم..واذا اعجبتكم واستخدمتوها مابي غير دعوه منكم في ظهر الغيب للوالده ولي..
منقول....