طريقه في إزالة شعر البكيني تفضلو نو شيرة نو ليزر نو موس

1. وهذا هو:


2. نجي عند مكان الشعر اللي بالشفرتين القريب جدا من الاماكن التناسليه

انا صراحه مستغربه من اللي يستخدمون الشيره للمنطقه الحساسه > البكيني < ... بدون لا تسمعين انها ترهل انتي اصلا لما تشيلي بالشيره :-
قاعده اتمططين بالبشره ويا الشيره
تعور
المهم
الشمع يا بنات
كل الاجانب يستخدمون الشمع للبكيني لاحظت سمعت بالبرامج وبسوالفهم بالافلام وشفت باليوتيوب وقريت بالنت ان افضل طريقة لازالة الشعر للوجه والبكيني هي الشمع لا حلق بالموس ولا بالخيط (بالنسبه للوجه)
وانا قلت مو معقوله الاجانب امطيحين فيه وهوا مو زين
شفت نتجيه ترضي القلب..وصراحة قلت لازم اقولكم عليها وخصوصا اللي ماعرفت تشيل بشرائج فيت او اللي غاب عن فكرها شرائج فيت الشمعية.
نعومه وصفاء يهبلون صارلي اسبوعين من شلت وطلعت شعيرات ناعمه
ما ياخذ وقت طويل

• مريح بالاستخدام لا يدبق ولا ييتعب
• العوار اخف من الشيره

تفضلوا طريقتي :-
شي طبيعي الكل يعرف شرائج فيت الشمعية الحجم الكبير ( مناسب للسيقان والذراعين)
وهذي صورته .....راح نحتاجه للبكيني للمساحات الكبيره اللي هو فوق
وراح نحتاج شرائح فيت الشمعية الحجم الصغير مكتوب عليه (لمنطقة الابطين وخط البكيني)
وراح نستخدمه بالاماكن الوعرة الضيقه اللي هم جانبين الافخاذ من الداخل وجانبي بالقرب من المناطق التناسلية
وهذي صورته
اول شي راح ناخذ الشريحة الكبيرة نقصها بالمقص نصين لان احنا نبي الشريحة تكون عريضه بس مو طويله:
طبعا مكتوب بالورقة اللي معاه انج اتسخنينه بايدك عشان يتسخن الشمع عشان تقدرين تفتحين الشريحة اللي هي اصلا عباره عن شريحتين لاصقين ابعض
وانا اقولك لا تضحكين على نفسك اتسخنينه بأييدك وسخني بالاستشوار عشان يتوزع الشمع بالشريحتين بالتساوي قبل ما تفصلينهم عن بعض :
وقبل ما تحطينه عالبكيني اخذي شريحة وحده من اللي فصليتهم ثم وجهي على الاستشوار الحار خمس ثواني خل الشمع يذوب ويصير حار (حراره يتحملها جلدك) لان يا بنات اذا ما كان الشمع حار ولا ذايب مرح تحصلين على نتيجه مرضيه ..

وهذا هو:

قولي بسم الله وحطي عالبكيني من فوق في المساحات الكبيره وامسحيه عليه مسحه مسحتين ثلاث (بأتجاه نمو الشعر) لين تحسين برد على جلدك نص برده ولا تشيليه وهو توه حار لان راح يدبق.. خليه يبرد نص برده وامسحيه عليه وقولي بسم الله واسحبي بعكس اتجاه نمو الشعر بسرعه متوسطة...بليز لا تشيلين بقوه شديدة و لا تشيليه ببطء
بتشوفين الشعر انشال بسهوله وبتشوفين جلدج ناعم ...ثم اخذي الشريحه الثانيه وسوي فيها نفس الطريقة الاولى سخنيها بالاستشوار وحطي عالاماكن الثانيه من المساحات الواسعه فوق
ولي خلصتي من المناطق العليا..وبدا موعد المناطق الوعرة اللي هو جوانب الافخاذ الداخلية استخدمي الشرائح الصغيره اللي مكتوب عليها مخصصه للبكيني وسخنيه بدون لا تقصينها بالمقص لانه حجمهم مناسب جدا بعدين افصليهم عن بعض وبعدها سخني شريحة وحده بالاستشوار وقولي بسم الله وحطي وامسي مسحه مسحتين ثلاث وشيليه ولا ترددين ولا تفكرين.. شيليه وتوكلي على الله..صدقيني ان عواره اخف من الشيره...
من كثر ما الشرائح مريح استخدامها راح تتجرئين وتروحين لي الاماكن اللي ورا بعد...لان لو خفتي وتوهقتي راح تسحبين الشريحه على طول .. ههه <<<< مجربه كل شي

نجي عند مكان الشعر اللي بالشفرتين القريب جدا من الاماكن التناسليه

اذا قدرتي تشيليه كان بها والحمدلله وانتي بأذن الله راح تقدرين تشيلين نصه خصوصا الاتجاه المقارب للافخاذ الداخليه .. وان قدرتي تشيلين المقارب للامكان التناسليه شيلي واذا حسيتي نفسك مبتدئه وخفتي عاد هذا خليه للموس احسن وراح اقولك اي موس تستخدمين
وبعده ما تخلصين من شيلة الشعر بالشمع المنطقة راح تكون متحسسه شوي خصوصا اللي أول مره... مع العلبه يجي منديل مبلول تمسحين فيه المنطقه وهو يهدي المنطقه
وبعدين روحي غسلي بماي بارد وحطي كريم فيسودين يخفف الاحمرار والالتهاب ويمنع ظهور الحبوب ... وقولي الحمدلله واستانسي بدون شعر ههه
هنك ملاحظة عالموس
معلومة خاطئة:
الموس يسبب حكه وشعر خشن ويطلع حبوب
المعلومة الصحيحه:
نوعيه شفرات الموس هي اللي تحدد ظهور الحكة والشعر الخشن وحبوب
وطبعا الموس لا غنى عنه ابدا...
خصوصا للحالات الطارئه اذا كنتي مو فاظيه للشمع وماعندج وقت وخصوصا للمتزوجات
اقدم لكم احلى مووس استخدمته مريح جدا جدا
هو:
فينوس بريس
Venus breeze
وهذا صورته:
وبس خلصنا سالفتنا وابنتظار ردودكم منقول