طريقه ممتعه وتثبت المعلومة بسرعه في مذاكره الفيزياء والكيمياء والاحياء والانجليزي نص

حبيت احط لكم بعض النصائح وان شاء الله تفيدكم .. وهي من دوافير واوائل على دفعاتهم
مثلا
مادة الفيزياء
لو فيه درس يتكلم عن الحركه
تخيل الاشياء من حولك
والافضل تخيل العاب الاطفال
وما تذاكر هالمادة بدون قلم وورقه
لازم تكتب لان الكتابه تثبت المعلومات
مثال
تتناسب سرعة الجسم تناسباً عكسياً مع الزمن
عشان ما تنسى العبارة السابقه
اضرب مثل من واقع حياتك:
مثلا
لما يعطيني الدكتور اسئله طويلة مره مره احلها في 2 دقيقه ( زمن قصير ) كيف بتكون سرعتي ؟؟
ج / بحلها بشكل سريع جدا ( سرعه عاليه )
حل المسائل :
في الكتاب لما قرأت المسأله عرفت تحلها لكن بالامتحان .. ما عرفت .... ليه ؟؟
السبب لانك قبل الامتحان فاتح الكتاب وعارف الدرس وعارف قوانينه
لذا اكتب المسائل كلها بورقه خارجيه تحت بعض عشان تعرف تحل وقت الامتحان
كيفيه حل المسائل
اقرأ المسأله كامله
1 // ارسم دائرة حول المعطيات .. واكتب مثلا هذي سرعه وهذي مساحه
2 // حدد المطلوب
3 // اكتب جميع القوانين المؤدية للحل اعتماد على المعطيات واختر الانسب للحل
4 // عوّض عنه
5 // لا تنسى كتابة الوحدة لانها مهمة جدا جدا وغالبا ما يكون عليها درجة كاملة
مشكله /
انا انسى القوانين بسرعه
الحل / اسردها ورى بعض في ورقة خارجيه
مثلا
الحجم = الكتله / الكثافه
من القانون السابق تقدر تستتنج قانونين
الكتله = الحجم × الكثافه
الكثافة = الكتله / الحجم
احيان تخربط بين القسمة والضرب
احفظ قانون واحد مثلا الحجم = الكتله / الكثافه
واعرف ان اللي في البسط هو الملك
لانه فوق وهو اللي رح يكون قانونه فيه ضرب
وفي المثال السابق هو ( الكتله ) يعني الكتله = الحجم × الكثافه
انا احوس في التحويلات بين الوحدات
مثلا
اكلم = 1000 م
كيف احول ضرب .. والا قسمه ..
بما ان كلم اكبر من م
وفي حياتنا الاخ الكبير هو الي يضرب اخوه الصغير
اذن لما احوّل من كلم الى متر اضرب في 1000
ماده الكيمياء :
المعادلات الكيميائيه تطفش في الحفظ
لذا اسردها ورى بعض بورقه خارجيه
ولاتنسى كتاب بالبيد مهم جدا
وفيه ملحق يتكلم كيف تكتب صيغه المركب بتبادل الايونات
للعناصر الموجودة في المركب
اذكر مره حصل لي موقف
سألت صديقتي
الحين الحمض لما يتفاعل مع الكحول وش يطلع بالاخير !!
جاوبت صديقتي
الاستر
وقالت الثانيه من باب الضحك
استر عليها << عربجه
هههاي
والحركات العربجيه والله تثبت المعلومات بشكل رهيب
ايضامثال اخر
درس مركبات الصوديوم واستخداماتهاوتحضيرها وتفاعلاتها
غالبا مثل هالدروس لو تحفظها 20 مره تنساها بسرعه .. وقتك
بيضيع وبتحس باحباط وكآبه ويمكن يغمى عليك
تبي تذكر الدرس هذا في وقت قصير جدا جدا وما تنساه ابد ؟؟
ج / طريقة المقارنه برسم الجداول تثبت المعلومات
ارسم جدول
اذا الدرس فيه رسمات متشابهة .. احفظ وحده والباقي قول هذي
نفس الرسمة الثانيه بس بدل ما نحط كذا نحط كذا ( مقارنه )
مادة الاحياء
مادة تلخبط
خصوصا اذا كان فيها شرح وبيجي في الامتحان أشرح كيف يتم كذا و كذا ؟؟
استخدم طريقة الاسهم وكاتبه بعض الملاحظات فوق الاسهم وهذي طريقة الدوافير
مثلا
النبات كائن حي يقوم بعمليتين
التمثيل الضوئي
والتنفس مثل الانسان
والتمثيل الضوئي يكون في وجود اشعه الشمس بينما التنفس في حالة عدم وجوده
الاسهل تسوي كذا
ايضا
ممكن يجي سؤال عدد
مثال
عدد اسس تصنيف الكائنات الحيه بالترتيب !!
والجواب
مجموعه - شعبه - طائفه - قبيله - فصيلة - جنس - صنف
يمكن تنساها
الاسهل
تحفظ اول حرف من كل كلمه
وتحطه بكلمة واحده
مثل
مشط قف جص
م : مجموعه
ش : شعبه
ط : طائفه
ق : قبيله
ف : فصيله
ج : جنس
ص : صنف
همسة في اذن طالبات الجامعه
اذا الدكتورة سعوديه وتخصصك علوم
اعرفي ان الاسئله موضوعيه صح وخطا واختيارات .. الخ
اما الاجنبيه
اعتبري كل سؤال انه اكتبي كل ما تعرفين عن ذلك !! احيان شي
ما له داعي اكتبيه ترا يبون حتى الاضافات اللي ما لها داعي
ماده الانجليزي
مشكلة / ما اعرف احفظ القطع
الحل /
اولا ترجمها
واحفظ الترجمه
ثم احفظ معاني الكلمات اللي فيها بالانجليزي
مثلا طعام بالانجليزي يعني food
وكذا مع بقيه الكلمات
وبعدها تكتشف انك حفظتها
وفيه طريقة ممتعه
احفظ القطعه بالانجليزي على انها اغنيه
وسو لها لحّن وغنّي
بتحس انك مطرب
والمهم
ما رح تنسى القطعه باذن الله
وعسى ربي يوفق الجميع
وأخيراا حبايبي ..
أتمنى منكم دعوة من قلب
بالنسبة العالية وتسهيل الأختبارات
لي ولكل البنات أنشاء الله