طفل يجوع يقول ماما ابي هم

السلام عليكم و رحمة الله وبركاته ..
قصيده اعجبتني فأحببت ان انقلها لكم
طفل يجوع : يقول ماما أبي هَمّ ..!!
مايدري أن الهَمْ ماتت به أرواح ...
لا يحب ولا يهتم ..
ولايبكي .. ولايندم على الي راح ..
مادرس.. أو ..تعلم ..
وماتعلم كيف أحبابه يبادلونه جراح ..
ماعرف أبجديات الكلم ..
وماعرف طعم الألم .. وريحة الكذب لافاح ..
مادرى عن دنيا تصدم من ضحك .. أو .. تبسم
مادرى عن عالم يفقد طعم الإنشراح ..
وأنا كيف أشرح لطفل كم بيتجرع ألم ..؟
كم بيعايش من معاناة أليمه ماتباح ..!
كيف أشرح له شعور شخص
متهم ..
عايش هم أطفال وهم اطلاق السراح ..
كيف أشرح له شعور
وحاله عدم ..
غارق بهم الديون وهم طفله اذا صاح ..!
كيف أشرح له شعور واحساس
..
يبغى يشرح أويقول وكل مشاعره ماتباح ..!
كيف أشرح له شعور واحد من .
.
يشوف من حوله يتشاور وماسمع الإقتراح ..!
كيف أشرح له شعور شخص
وماتم ..
عايش تحت رحمة ..عاش مكسور الجناح ..!
كيف أشرح له شعور
لاأب ولاأم ..
تايه وسط الحياه بين هم وبين كفاح ..!
كيف أشرح له شعور من
خال وعم ..
وعايش وسط ذكرى وذكريات ماتزاح ..!!
كيف أشرح له معاناة تشرب من أحبابك سم ..
ويخطون ويجرحون ويجون يطلبونك سماح ..!!
كيف أشرح شعور
الدمع دم ..
تبكي أنت طول يومك ليلك وحتى الصباح ..!
كيف أشرح له شعور شخص
ومغرم ..
وتاركه ذاك المحب وهاجر عنه وراح..!!
وكيف أشرح له العِشَره بكل سهوله تنهدم
ويموت قلب الحب ذاك ويندفن وسط الجراح ..!!
كيف أشرح وكيف أقول انكسر سن القلم ..
وماتت أبياتي وضاعت أحلامي وسط تيار الرياح ..
كيف أشرح ذا لطفل يبتسم ويبغى له هَمّ ..؟!
وش أعطيه من هُمُومي وأصغرها ماتباح .؟!
ياحبيبي روح ألعب ثم تعال نرسم(علم ) ..
ونلونه بألوان طيف زاهيه فيها طعم الإرتياح ..
وسكر الدفتر حبيبي وخله بأدراجك يتم ..
وافتحه لاضاقت همومك واعرف الهم ماهو مزاح ..
واذكر أنك أنت قلت: ماما أنا أبي هم ..!
هذا همك ياحبيبي ومابينفعك الصياح
تقبلوا تحياتي