طيحة الحلم الكبير اول رواية لي أتمنى الكل يقراها

1. ام سلطان متوفيه من بعد ماجابت مي ..


2. رائد يغير السالفه:"اوكي طالع طريقك ولاتكثر حكي .."


3. طلال يضحك:" طيب.."

بسم الله الرحمن الرحيم ..
طيحة الحلم الكبير ..
أول رواية لي .. قعدت أكتبها 6 شهور بالسنة الماضية .. للمعلومية بس ..
بقلم :: ^iIgiiigO^
اولاً نبدأ بالتعريف بالشخصيات ::
عائلة أبو طلال .. بالشرقية ..
أبو طلال : ساكن بالخبر ويملك شركة فيها وعنده ولد واحد اللي اهو (طلال) وعنده 3 اخوات : أم رائد , وام راكان , وام سلطان ..
أم طلال : أول ماتزوجت من ابو طلال ماكانت تقدر تجيب عيال .. الا لما عالجت بعد فتره طويله ورزقها الله ب (طلال) . . اللي يسوى عيونها ..
طلال : شاب عمره 27 سنة ساكن عند عمته من يوم كان عمره 19 سنه والحين اهو بآخر سنه بالجامعه لأنه كان ياخذ السنه بسنتين .. وكان يحب دينا بنت عمته بشكل جنووني من كانوا صغار .. : طويل وجسمه معضل / ولون بشرته أسمر فاتح , شعره كثيف أسود وناعم ... عيونه واسعه وسوداء والاحلى نظراته الحاده, حواجبه كثيفه ومرسومه .. فمه متوسط الحجم / و(عنده غمازات بخدوده ) وله عوارض خفيفه ,,
بالرياض ::
عائلة أبو رائد . .
أبو رائد : مهندس معماري .. شخصيته قوية والكل يحترمه ..
أم رائد : طيبه وحنونه عندها : رائد ودينا وهند .. واهي تصير أخت أبو طلال ..
رائد : عمره 22سنه .. طويل ورشيق / ابيض / وشعره ناعم وأسود وعيونه واسعة ولونها بني وفمه صغير وله شنب خفيف ..
دينا : عمرها 19 سنه تدرس بثالث ثانوي ,, وكانت تبادل طلال هذا الحب ..
, بيضاء وشعرها طويل وناعم واشقر .. عيونها واسعه وبنيه / رموشها كثيفه, وفمها صغير .. وجسمها حلو كثير واللي محليه أكثر خصرها النحيل ..
هند : عمرها 18 سنة تدرس بثاني ثانوي ,, بيضاء ونحيفه , شعرها ناعم ولونه أسود ,, ملامحها صغيره بس حلوه ..
عائلة أبو راكان . .
أبو راكان : معه شهادة الماجستير واستاذ بالجامعه . .
أم راكان : عندها راكان ومرام ومحمد . .
راكان : عمره 26 سنة , .. ويموت في ندى بنت خالته , .. اسمر وطويل / شعره بني داكن / كثيف وناعم ,, عيونه متوسطه الحجم وعسليه / : فمه مليان وابتسامته جذابه ..
مرام : عمرها 19 سنة تدرس بثالث ثانوي .. وبنفس فصل ندى بنت خالتها ..
لون بشرتها أسمر فاتح , وشعرها كيرلي طويل لنص ظهرها بني داكن , اما بالنسبه لعيونها صغيره لكن لها سحر خاص بلونها العسلي الفاتح ورموشها الكثيفه وكانت مميزه بجسمها الرشيق وطولها ..
محمد : عمره 15 سنة يدرس بثالث متوسط ..
عائلة أبو سلطان . .
ابو سلطان : شغلته (اعمال حره ) وكان دايم مشغول عن عياله .. واكثر اوقاته يا اما يكون مسافر بحكم شغله او طالع مع ربعه ..

ام سلطان متوفيه من بعد ماجابت مي ..

سلطان : عمره 25 سنه .. متوسط الطول وعريض / أسمر وشعره أجعد بس ناعم ولونه أسود وملامحه شرسه ..
ندى : عمرها 19 سنه .. بيضاء وشعرها لحد اكتافها ومدرج , ناعم ولونه أسود / عيونها بنيه وفيها بريق ,., فمها مليان وخدودها مليانه / اما بالنسبه لجسمها فإهي دبدوبه شوي لكن ماكانت طويله وهذا الشئ اللي مخليها ناعمه ..
مي : عمرها 15 سنه تدرس بثالث متوسط .. (اشباهها طفوليه وناعمه و تشبه أختها كثير ).
الجزززء الأول ::
طلال بالسياره ومعاه رائد طالعين من البيت . .
رائد :"هاا طلال ناوي تنجح هالسنه والا ..؟"
طلال يضحك :"وش قصدك يالثور .. لا ان شاء الله اني بأنجح وبتفوق مع مرتبة الشرف بعد .."
رائد :"ايه هين .."
وطلع طلال (السيجاره) وحطها بفمه يبي يولعها . .
رائد بمزح :"عطني وحده ابي اجربها ."
طلال بحزم :"لاء .."
رائد :"يؤؤؤ وليه ؟؟ اذا خايف اخلصه عليك لاتشيل هم .. اعطيك ثمنها ودبل .."
طلال بجديه :"لا مو كذا السالفه انت ووجهك بس انا مابيك تطيح باللي طحت فيه فهمت ؟؟"
رائد :"والا مصدق اني ممكن اسويها .. انا مستحيل اسوي شئ يضر صحتي .."
طلال يتنهد:"ياليتني كنت مثلك .."
رائد:"بس انت كنت اصغر مني لما طحت باللي طحت فيه الحين .."
طلال:"لاء .. لما كنت اصغر منك كنت بس ادخن .. وكنت اقدر اخليه لأني مو مدمن .. لكن لما صرت بعمرك طحت باللي اعظم منه مليون مره .."
رائد:"ودك تتركها ..؟"
طلال:"اكيد .. بس خلاص صارت صعبه الحين بعد ماتعود جسمي عليها .."
رائد:"ولاعمرك حاولت طيب مجرد محاوله ..؟"
طلال:"لاء .. ذي يبي لها اروح للمستشفى واعالج ومو بسرعه حتى أتشافى وارجع مثل اول .."

رائد يغير السالفه:"اوكي طالع طريقك ولاتكثر حكي .."

طلال يضحك:" طيب.."

رائد كان يعز طلال من بد الشباب اللي يعرفهم كلهم .. لأنه طيب كثير ومتواضع ويخاف عليه من كل شئ .. وطلال نفس الشئ كان لرائد عنده قدر كبير .. لأنه اصغر منه ودايم معاه غير كذا أخو حبيبته دينا .. مع العلم ان رائد ماكان يعرف شئ عن حب طلال لأخته . .
..
اما ندى ف كانت مستغله غياب اخوها وقاعده بغرفته .. جالسه ع النت وداخله المسن وتكلم حبيبها مشعل .. اللي تعرف عليه من الشات .. واللي طيحوها فيها صديقات السوء ..!!
مشعل:"اخيرا دخلتي كنت انتظرك من ساعه وبغيت اطلع لما تأخرتي .."
ندى:"وشسوي توني اصحى من النوم .."
مشعل:"اوكي خلينا من هالسالفه .. ابي اطلب منك طلب ..؟"
ندى:"انت تامر امر مو بس تطلب .."
مشعل انبسط على كلامها بس قال يمكن انها تحسب طلبي عادي وماراح تتوقع الطلب اللي ابي اطلبه منها ..
مشعل:"ام اول شئ انتي ش قد تحبيني ؟؟"
ندى :"والله ماتتصور يامشعل شكثر أحبك .. ومستعده اسوي المستحيل عشانك .."
مشعل :"حتى انا وربي ياندى احبك واموت فيك ..بس قولي تم .."
ندى:"تم .."
مشعل:" حلو .. يعني مهما كان الطلب صعب راح تنفذينه .. "
ندى سمعت صوت .. عرفت ان اخوها سلطان وصل للبيت ..
ندى :"اوكي حبيبي معليش انا طالعه اخوي وصل .."
مشعل :"اوهوه وبعدين مع اخوك هذا ؟؟ مايخلينا نسولف ولو عشر دقايق ؟؟ انتي ليش ماتشترين لك جهاز خاص فيك وتحطينه بغرفتك ؟؟"
ندى تكتب بخوف :"قلت لك من قبل اخوي معقد .."
مشعل:"طيب متى اقدر اكلمك عشان اقولك وش بغيت منك .. ؟؟"
ندى:"مادري اذا قدرت بعطيك خبر .."
مشعل :"اوكي بس حاولي الليله .. باي "
ندى:"باي .."
وطلعت من المسن بسرعه ولما جت بتقوم .. دخل سلطان عليها وواضح انه تعبان ..
سلطان :"وانا اقول ليش الغرفة منوره .. اثرك موجوده .."
ندى تحاول تكون طبيعيه:"النور نورك ياخوي .."
سلطان يرمي نفسه على السرير بقوه:"اخ تعباان حيل .. الله يعافيك ممكن تذلفين وتقولين للخدامه تحط لي الغداء ؟.."
ندى تقوم :"اوكي بقول لها الحين ."
وطلعت للخدامه حتى تقول لها واهي تحمد ربها مليون مره ان سلطان ماشك فيها وتقول بخاطرها (الله يستر لو يكشفني وش راح يسوي فيني ..)
بعد ماقالت للخدامه راحت تدق على مرام عشان تجيها لأنها بتموت الا شوي من الطفش ..
رد عليها راكان :"هلاا .."
ندى بخاطرها(حتى على الجوال ماسلمت منك):"يقولون هذا جوال مرام .."
راكان يضحك , بعدين قال:" ندى ..؟"
ندى بخاطرها(ومسوي برئ بعد):"لا الهام .."
راكان:"والله انا جوالي مافيه بطاريه و كنت بطلع ضروري ف اخذت جوال مرام لأني راح احتاجه .."
ندى:"طيب تقدر تستخدمه بدون ماترد على الاتصالات اللي تجيها لأنها مو لك ."
راكان:"انا عارف انها مو لي .. بس والله ماكنت ادري انك ندى .."
ندى بعناد:"الا تدري ونص وعشان كذا انت راد علي.."
راكان يبتسم:"لاء كنت بقول ان الجوال مو معها عشان لو احد يبغاها ضروري يدق على التلفون .."
ندى:"لاوالله ..؟"
راكان بمزح:"اي والله .."
ندى بعناد:"ماأصدقك .."
وسكرتها بوجهه وراحت تدق على التلفون عشان تكلم مرام .. اما هو عصب من تصرفها لكن مابيده شئ . . !
أم رائد بملل:"الحين يادينا ماتقولين لي ليش ماتذاكرين دروسك الله يهديك .. تدرين انك محتاجه نسبه حتى تدرسين بالجامعه ؟؟ "
دينا :"يمه افهميني تكفين انا اكره شئ اسمه دراسه ولما افتح الكتاب يجي حالة غثيان .. واصلا ذاكرت والا ماذاكرت مصيري اجلس بالبيت .."
ام رائد :"يمكن تغيرين رايك وتفكرين تكملين دراستك .."
دينا:"هذا المستحيل بعينه .. (وقامت تطالع التلفزيون):"اقول هند ذا المسلسل بتشوفينه والا شسالفه ..؟"
هند باستهبال:"شسالفه .."
وغيرت القناة ..
دينا:"هنوده قلبي خلي هالفيلم تكفين انا انتظره من سنة جدي .."
هند تغير القناة :"وع هذا الناقص اطالع هنود .."
دينا :"اذا ماتبينه غيرك يبيه .."
هند :"قالولك فيه تلفزيون ثاني .. انقلعي عنده وحطي ع اللي تبين ولاتسوين لي ازعاج .."
دينا تروح :"صدق ماعندك احترام لأختك الكبيره .."
وطلعت فوق لغرفتها وحطت على الفيلم وتذكرت طلال ومسكت جوالها (ليش كل ماارسل له مايرد علي )
فكرت ترسل له مسج عتاب ..
خانتني الدمعه وطاحت وصديت ..
ملعوون ابو التفكير يذبح خويه ..!!
البارحه مابين يمكن وياليت ..
وابليس يتركني ويرجع عليّه !!
فكرت لو طوّل غيابك ولاجيت . .
يعني كذا روحه ومن غير جيّه ؟؟
كان طلال جالس مع ربعه بالاستراحه كعادته .. شاف المسج وابتسم .. قال بخاطره (مسكينه دايم اطنشها بأرد عليها هالمره ..)
ارسل لها ..
ياامرحبا بأغلى واعز المسايير ..
واغلى المشاعر بيت اهلها تدله ..
عروق قلبي لك دلال مباهير ..
صفيتها دله ودله ودله ..
مدري صباح الخير والا مسا الخير ..
مير الوكاد بوجهك الخير كله ..
دينا بغت تموت من الفرحه على ان المسج كان عادي .. لكنها تمنت انه يذكرها بدون ماتذكّره بنفسها ..
ومن طبعها ماتخلي شئ بقلبها مهما كان .. عشان كذا كتبت له مسج وارسلته له :
(وهذي عادتك ياطلال ماتفكر ترسل لي الا لما ارسل لك مية رساله !!)
ارسل لها //
(ههه اهم شئ اني ارسل لك بالاخير .. والا شرايك انتي ؟؟)
دينا انقهرت من رده وارسلت :(لا مو اهم شئ .. انا اتمنى انك تذكرني بروحك .. وبعدين انت مو دايم ترد على مسجاتي نفسي اعرف ليه ؟؟)
طلال توهق مايدري وش يرد عليها .. حط جواله وراح يلعب كوره ..
دينا كانت تنتظر منه الرد .. آخر شئ عرفت انه ماراح يرد زي كل مره .. قفلت جوالها ونامت ..
من بكره بالمدرسه .. وفي حصة التاريخ ..
كانت ندى سرحانه تفكر بمشعل وبالطلب اللي ماتوقعته . .
المعلمه بنص الشرح تصرخ :"ندى .."
ندى ارتاعت ورفعت راسها :"نع .. نعم استاذه ."
المعلمه بملل :"وين وصلتي ؟؟"
ندى نزلت راسها ماتدري وش تقول ..
المعلمه:"من بداية السنه وانا ملاحظتك دايم تسرحين , أبي ادري انتي عندك عيال عندك مشاكل عائلية والا وش قصة هالسرحان في حصتي ..؟؟"
البنات قاموا يضحكون على ندى واهي ساكتة ومتفشله ..
وبعد ماانتهت الحصه وطلعوا البنات ..
مرام بمزح تطق كتفها بكتف ندى :"هاا ماجاوبتي (وتقلد صوت المعلمه):"وش قصة هالسرحان في حصتي .."
ندى بضيق :"انطمي ترى مالي خلقك .. يكفيني اللي جا منها .."
مرام:"لالا صدق ندى شكلك متضايقه من مزعلك ؟؟ والا (وهي تغمز):"تفكرين بحبيب القلب ؟؟"
هنا لمست الوتر الحساس عند ندى ..!!
ندى بخوف :" اي حبيب قلب انتي بعد ؟؟"
مرام:"وفيه غير راكان ؟؟"
ندى بملل:"اقول مالت عليك لاتجيبين طاري اخوك ذا مع احترامي لك . ."
مرام:"اقول على تبن تراه امس معصب منك بالمره .. ولو انه احد غيرك كان شرشحك ولا رضى انك تكلمينه بهالطريقه .. لكن عشانه يحبك سكت عنك وهو مو من طبعه يسكت .."
ندى باستهبال:"ياي خفت !! يستاهل اصلا كان عارف اني المتصله عشان كذا رد علي .."
مرام:"لاوالله مادرى .. انا مسجلتك شايله جمال الكون . يعني هو وش دراه انك شايله جمال الكون يالشيفه .."
ندى تضحك وتقلب عيونها :"لأني شايله جمال الكون صدق ..اقول تعالي بس نشتري شئ ناكله .. ميته جووع "
مرام:"خليك انتي هنا انتظريني .. انا بروح اباشر لك .. "
ندى مفتحه عيونها ع الاخر:"احلى وش هالتطورات صايرين يباشرون بعد مع خششهم .."
مرام بفخر:"احم احم اجل تحسبين الناس كلهم زيك بخيلين .."
ندى انتبهت لوفاء اللي جايه ناحيتها ..
ندى واهي تطالع وفاء :"اوكي طسي انتي الحين والمره الثانيه باباشرلك عشان ماتقعدين تصيحين علينا.."
راحت مرام .. اما وفاء وصلت عند ندى وسلمت عليها وقاموا يسولفون ..
ندى:"تخيلي ياوفاء وصلت انه يطلب صورتي .."
وفاء باستغراب :"و وش فيها ؟؟ ترى من حقه يطلب صورتك .."
ندى:"وين مجنونه انتي . .؟؟"
وفاء :"مو انتي حبيبته ؟؟؟.."
ندى :"هاا الا بس مادري احس اني متردده .."
وفاء تبي تجرها :"اقول لاتترددين ولا شئ .. انا لو كنت بجمالك ذا ماترددت ولادقيقه اني ارسل صورتي .."
ندى باحراج :"السالفه مو سالفة جمال بس انا ..."
وفاء تقاطعها :"يووه صدق انتي ممله .. اذا راح يدوّر غيرك لاتقولين ليش .. ياقلبي يافيصل .. تدرين لما طلب صورتي وش قلت له ؟؟."
ندى بحماس:"وش قلتي له ؟؟."
وفاء:"قلت له تامر امر من عيوني .. بصراحه مايهون علي يطلبني واقول له لاء .."
قامت ندى تفكر ..
وفاء تغمز:"ترى ذا شئ بسيط .. سوينا اللي اعظم منه .."
ندى بذهول:"وش سويتي ؟؟؟؟؟؟؟"
وفاء تتكلم وكأن الموضوع عادي :"ام يعني طلعنا مع بعض كم مره .."
ندى:"بس ماتحسينها صعبه ؟؟"
وفاء تبغى تروح لأن مرام قربت منهم .. ربتت على كتف ندى واهي تقول :"مافي شئ يصعب على اللي يحب .."
مرام بعد ماراحت وفاء قامت تكلم ندى بعصبيه :"انتي كيف تكلمين هالبنت ؟؟ انا كم مرة حذرتك منها وقلت لك ان سمعتها بالارض ؟؟"
ندى :"والله مافيها شئ بالعكس مره حبوبه .. ولما تجلسين معها راح تتأكدين ان كل كلام الناس عنها اشاعات .."
مرام:"اي اشاعات ياشيخه .. والله لو مالنا عيون ونشوفها كل يوم طالعه مع واحد .. مااقول الا الله لايبلانا"
ندى تبلع ريقها بصعوبه وتقول بخاطرها (والله لو تدرين يامرام وش وراي انا بعد )
طلال كان يبغى يطلع من البيت لأن رائد رفع ضغطه باستهباله ..
رائد ينادي:"تعال يالجحده وين بتروح وتخليني ..؟"
طلال:"جهنم . تروح معي ..؟"
رائد:"ههه لا عاد لاتستهبل قل الصدق .."
طلال:"بطلع مع ربعي .. أي خدمه .."
رائد:"بروح معك .."
طلال :"ام بس اللي بروح معهم انت ماتحبهم .."
رائد بضيق:"لاتقول سلمان ومشاري وباقي الشله ؟؟؟.."
طلال:"ايه .."
رائد:"طلال شلون تكلمهم ؟؟ ذولي ادشر شباب على سطح الكره الارضيه .. مافيه شئ ماسووه .."
طلال بابتسامه:"يعني من زيني انا .."
رائد يمشي ناحيته :"صدقني انت لو تخليهم بتصير احسن واحد بالعالم .."
طلال:" اقول رائد لاتريشني ترى اروح بخرايطها الحين .."
رائد بجديه:"تراني اتكلم جد يالتيس .."
طلال يبي يسكر الموضوع:"طيب خلاص صدقتك بس بطلع الحين عشان ماأتأخر عليهم .. تبي اجيب لك شئ وانا جاي ..؟"
رائد :"شايفني امك تسألني .. لو بغيت شئ اعرف اجيبه .."
طلال يضحك:"هذي جزاتي ماحبيت اتعبك .. يالله سلام .."
رائد:"ظف وجهك .."
وطلع طلال ورائد ضايق خلقه (طلال ذا مافي امل يتغير)
ولما وصل طلال للاستراحه ..
سلمان ينفث دخانه :"هلا وين الناس .."
طلال باستهبال:"مدري عنهم توني جاي .."
سلمان:"اقول اقعد يالظريف عندي لك شئ .."
طلال يجلس :"وش عندك .."
سلمان:"بغيت اقول ترى البضاعه وصلت .."
طلال:"ايه عارف وانا وش جايبني الا عشانها .."
مشاري:"افا ماتوقعتك مصلحجي .."
طلال يغمز:"كل واحد يدور مصلحته بهالدنيا والا انا غلطان .."
مشاري وسلمان :"لا بالله صادق .."
وكملوا الشباب سهرتهم . . (كان طلال مو عاجبه حاله لكنه فاقد الامل انه يتغير)
بعد يومين كان ابو طلال وزوجته بالطريق جايين للرياض ..
ام طلال:"عزمت كل خواتك بالاستراحه ..؟"
ابو طلال:"ايه .. كلمتهم كلهم ومحد تعذّر عن الجيّه .."
ام طلال:"كويس اجل .. بعد عمري طلال والله وحشني .."
ابو طلال يضحك:"بتشوفينه ان شاء الله وبتملين من كشرته بعد .."
ام طلال بزعل:"طلال ماينمل منه ومافي ام تمل من شوفة ولدها الوحيد .."
ابو طلال:"اللي يسمعك يقول توّه ابو عشر سنين .."
ام طلال بحنيه:"مهما كان عمره يبقى صغير امه .."
ام طلال كانت تحب ولدها لدرجة خياليه وتكره اي شئ ممكن يكون سبب في ضيقته .. اكيد واهو ولدها الوحيد ومالها غيره ..
مع ان طلال يتضايق احيانا اذا اهتمت فيه وكأنه طفل صغير الا انه ماينكر حبه الشديد لها وان رضاها اهم ماعنده بالدنيا كلها . .
ندى كانت بالبيت ومعصبه من مي اختها لأنها توها متهاوشه معها كعادتها .. فكّرت تدق على مرام بتسألها اذا بتجي للاستراحه والا لا ؟؟ لأن مرام قالت لها انها تعبانه عشان كذا توقعتها ماراح تجي ..
دقت على جوالها ماردت .. دقت على التلفون ..
ندى:"الو .."
راكان :"هلا .."
ندى بحزم :"وين مرام ؟؟"
راكان:"طيب سلمي ع الاقل .. !!"
ندى بعصبيه :"رجاءا لاتزودها معي وعطني مرام ابي اكلمها .."
راكان باستغراب:"طيب ليش معصبه ؟؟؟"
ندى:"مالك شغل فيني !! عطني مرام اقولك .."
راكان بعناد :"لاء .."
ندى بذهول :"انا تقول لي لاء ..؟؟"
راكان بعصبيه:"لا أمي .."
ندى:"اف.."
وسكرتها بوجهه وراحت تبدل ملابسها واهي معصبه حدها من راكان اللي ماخلاها تكلم مرام ..
اما راكان ف كان يستغرب تصرفات ندى اللي مالها مبرر .!!
مي واهي داخله:"احول ياندى كل هالعصبيه عشانك تهاوشتي معي .."
ندى تطالع نفسها بالمرايه وتعدل شعرها:"لاء .. راكان رد على التلفون ورفع ضغطي وعصبت .."
مي باستغراب :"ليه ش قال ؟؟."
ندى:"مو راضي يعطيني مرام .. يبي يسولف معي حضرته ولما عصبت سألني قوي الوجه ليش انا معصبه .."
مي:"ندى انتي تعقدين الامور .. يمكنه ماكان يبي شئ بس استغرب عصبيتك .."
ندى:"والله عاد كيفي اعصب مااعصب مو شغله حتى يسألني .."
مي:"طيب خلاص هدي اعصابك ترى السالفه ماتسوى .."
ندى:"انا لازم اكلم مرام بخصوصه عشان توقفه عند حده .."
مي بذهول :"وش تبين تقولين لها .. لا الظاهر انتي انهبلتي .."
ندى :"لاء انا مهبوله اذا سكت عنه .. اليوم يرد بكره اشوفه يدق علي بعد .."
مي تهز راسها بالنفي:"لالا انتي تبالغين .. المهم تجهزي ترى سلطان بيجي بعد شوي يودينا .."
ندى:"انا جاهزه.."
..
طلال ببيت عمته وفي غرفته تحديدا يتجهز لعزيمة ابوه الليله .. لبس ثوب وغتره وقعد يطالع نفسه بالمرايه ..
ام رائد تدخل:"الله الله وش هالكشخه .. اللي يشوفك يقول بتعرس.."
طلال يغمز:"وليش لاء .."
ام رائد:"ههه ان شاء الله وبعدين احنا ماقلنا لاء بس انتظر لما تخلص من دراستك وهي لك .."
طلال:"طيب وطي صوتك لاتسمعك وبعدين من اعترض وقال ابيها الحين هاا ؟؟"
ام رائد:"خلها تسمع عشان تنبسط .."
طلال بجديه:"لاء كل شئ بوقته حلوو .. اهم شئ لاتنسين وعدك لي .."
ام رائد:"وانا عند وعدي متى ماكنت انت على وعدك بعد .."
طلال يبتسم :"اي وعد انا مااذكر اني وعدتك بشئ.."
ام رائد بجديه:"هالامور مافيها ضحك ياطلال .. انا ابيك تترك هالسموم اللي تتعاطاها ومن عرفتها وانت حالتك حاله .. انا مااقول الا الله يعظم اجر امك .. مادري وش بيصير فيها لو تدري .."
طلال بضيق:"عمتي طلبتك مهما صار لاتقولين لها .. والله خايف عليها .."
ام رائد تلطف الجو :"زين بعد اللي كشفتك عشان ماتغشني وتاخذ بنتي وانا مادري وش الطبخه .."
طلال بصدق:"مستحيل اغشك ياعمتي .."
ام رائد:"المهم .. انت رجال وطيب وماتنرد .. لكن هالعيب اللي فيك بحد ذاته مشكله .."
طلال:"تدرين شغلته طويله وصعبه .."
ام رائد واهي طالعه:"عالج ..!! والا انسى دينا.."
طلال باستغراب:" انساها ؟؟ لا حشى ماانساها بس بحاول اتركها بدون مستشفيات وخرابيط واوعدك قريب تسمعين خبر يسرك .."
ام رائد بخاطرها (امين الله يسمع منك) .. راحت لغرفة دينا وشافتها تحط ميك اب وجنبها هند جالسه ..
ام رائد بعصبيه:"انتي شقاعده تسوين ؟؟ هذي ثالث مره ادخل عليك واشوفك تتزينين .."
دينا:"يمه شفيك معصبه .. خليني امارس هواياتي .."
ام رائد:"وهالهوايات ماتطلع الا بالخرابيط هذي .."
دينا تروح لأمها تبي تحط لها روميل ..
ام رائد تدفها :"انهبلتي انتي تحطين لي وانا حرمه وش كبري وش بيقولون خالاتك اذا شافوني.."
هند:"بالعكس يمه انتي توك شباب .."
دينا باستهبال:"اي والله انك صادقه .. انتي اللي يشوفك يقول عمرك 17.."
ام رائد تتجاهلها :"اقول خلصوا بس ترى رائد بينزل بعد شوي ومايبي ينتظركم كثير .."
خلصت دينا وهند ونزلوا مع امهم تحت ينتظرون رائد وطول مانزل ..!!
دينا:"شفتي يمه انتي بس تحطين حرتك فينا احنا البنات .. وذا ولد شوفي كم قعد بغرفته ."
هند:"ايه والله هذا واهو ثوب وشماغ ويخلص .."
دينا تطلع جوالها وتدق على رائد :"هاا يالحبيب ماودك تنزل .."
رائد يضحك :"انا نازل الحين .."
دينا:"المهم .. استعجل والا ترى بنمشي ونخليك .."
رائد باستهبال:"لاتكفين انتظري بروح اعدل الميك اب حقي وبجي .."
دينا تضحك:"اقول اقلب وجهك .."
وسكرتها ورائد توه وصل عندهم .. شغل السياره ومشوا ..
في الاستراحه .. كانوا كلهم مجتمعين ,, الرجال وحريمهم وعيالهم ..
ندى:"الجو يخنق هنا .. خل نروح عند الغزلان نتفرج عليهم .."
مرام:"وع من زين ريحتهم .."
دينا:"اجل نروح عند المسبح وناخذ راحتنا بالسوالف , تدرون الحريم يكرهون ازعاجنا .."
ندى:"ايه والله مانبي نتفشل مثل كل مره .."
وطلعوا البنات ,, وقابلهم محمد يركض ويتنفس بصعوبه لأنه جاي من الملعب ..
محمد:"خالي فهد (أبو طلال)بالخيمه والرجال بالمجلس الثاني تعالوا سلموا عليه .."
وراحوا البنات لخالهم وسلموا عليه ولما جوا بيطلعون ..
ابو طلال:"اجلسوا عندي سولفوا علي من زمان ماشفتكم .."
هند:"بس ياخالي اخاف يجي احد من الشباب .."
ابو طلال:"لا ماعليكم .. الشباب قاعدين يلعبون كوره ماراح يجون .."
وقعدوا يسولفون شوي معه بقت دينا مع خالها .. اما هند ومي رجعوا لمجلس الحريم .. وندى سحبت مرام تبي تكلمها بموضوع راكان ..
مرام:"آآي يدي ابيها .."
ندى:"اقول انطقي بس يالدلوعه .."
وبعد ماجلسوا ..
مرام:"عيونك تقول عندي سالفه خطيره .."
ندى بعد تفكير:"راكان اخوك بدى يخربها معي .."
مرام بذهول :"ليش وش سوى .؟؟"
ندى:"كل ماادق على تلفونكم يرد علي ويرفع ضغطي وكل مااقول له عطني مرام يغير الموضوع .."
ندى كانت قاصده انها تبالغ حتى تكبر السالفه عند مرام ..
مرام:"غريبه !!.."
ندى:"يعني ماتصدقيني .."
مرام بطيبه:"لاء مو كذا بس انا استغربت تصرفات راكان .."
ندى:"المهم كلميه وقولي له ان ندى ملّت من حركاتك .. ورجاءا اذا دقيت مابيه يرد لا على جوالك ولاعلى تلفونكم .."
مرام:"انتي يمكنك تحسبينه يشوف الكاشف ويتعنّى يرد عليك .."
ندى:"لاء حبيبتي انا قصدي خليه يشوف الكاشف عشان ما يرد .."
مرام:"اوكي خلاص انا بقول له .. يالله خلينا نروح عند ا