عآدي تبي ترحل

عادي عندي تبي ترحل
روح و أرحل !!!
بس لحظه ,,,
رد لي كل ماعطيتك وبعدها لو تبي ترحل ؟؟؟
روح و أرحل !!!
رد لي قلب خذيته يوم ب الصدفه لقيتك ،،
رد لي سر عطيته غيري يوم إني عطيتك ،,
ثم أرحل !!
ردني طفلن غرير مايعرف لل آلحب سيره ، ،
ردني ضحكه بريئه ماتعرف لل آلحزن ديره ، ،
ثم أرحل !!
ردني ماأعرف أكتب بيت أو أنظم قصيده ، ،
ردني ماعرف أغضب لاذكرت أنك بعيد ، ،
ثم أرحل !!
رد لي سنين راحت حتى ماتدري بعددها ، ،
وأحيي لي غصون ماتت من وفآ عشقك هلكها ، ،
ورد لي كل طاري لك ببالي لاذكرتك وأنا قايم ، ،
وكل حلم من حلومي لا لمحتك وأنا نايم ، ،
ورد لي كل دمعه من عيوني
وياكثر ذيك الدموع ، ،
حتى قلبي ياجنوني أحترق بين الضلوع ، ،
وإنت وينك ؟؟؟
وأنت ساهي مادريت أو داري بس تتجاهل ، ،
ويوم في غيري ألتهيت جاي تطلبني التنازل ، ،
وتبي ترحل !!!
ردني مالي ذنوب و لاخطايا
رافعه راسي رغم كل الصعاب ، ،
ردني بدون أسرار و خفايا واضحه وضح الشفق قبل ألغياب ، ،
ثم أرحل !!
ردني لاشفت زولك قلت لا ماقد لمحته ، ،
حتى صوتك لوسمعته أقول لا ماقد سمعته ، ،
وقبل ترحل ؟؟
رد لي ذيك الهديه يوم لك قلبي هديتك
رد نبضاتي الخفيه يوم تسرع لا لقيتك ، ،
رد لي الرجفه الغبيه لاعتراه الحزن صوتك ، ،
يومي اسأل بأهتمام وش علامك فديتك ، ،
رد لي كلمة فديتك . .
رد لي كلمة أحبك . .
عطني كل أللي عطيتك ؟!
ولعنبو من عاد ردك ، ،
روح وأرحل !! .
منقوول لعيونكم