عاشقات الكحل الأسود زي دمعة المقهور يتفضلوا

أولاً : السلام عليكم ورحمة الله وبركاته .. هيدا أول موضوع إلي بعد رجوعي من السفر ..
ثانياً : بدون مقدمات أنا وحده من البنات اللي يعشقوا الكحل الأسود ولا يستغنوا عنه وكل يوم يجربوا شكل ..
طبعا أنا كتبت موضوع بصورة عن كحل ديانا أوف لندن وكيف إنه عجبني وحلو مرة وأسود فحم .. والكثيرات أيدوني ..
الآن طالعتلكم بكحل برضه أروع وأروع .. أنا عرفته من بنات خالي في الإمارات يحبوه .. وهو أسود ومايسيح .. لدرجة إني مرة كنت أبكي بشدة وهو في عيوني وماساح .. طبعا أنا دروتله في جدة لما دخت وكنت ألقاه وأفرح وأحط منه ولايعجبني يسيح مرة وأستغرب يعني اللي أعرفه إنه حلو وأرجع وأدور إلين عرفت إنو اللي حضرتي آخذه التقليد طبعا زعلت وفقدت الأمل وقلت الحمدلله عندي ديانا الحلو .. المهم وأنا مسافرة في اليمن رحت السوق وشفته .. وأقول آخذه ولا ماآخذه .. وكلمت البايع وقلتله ترى غشوني سبعين مرة في التقليد .. قلي لا أنا بوريكي التقليد والأصلي وإنتي شوفي .. لقيت الأصلي فيه علامة تلمع في البكت تبعه زي لما تبغي تعرفي الفلوس تمام ولا مزوره أما التقليد كرتونته عاديه .. المهم أخذت الأصلي وقلت أمري لله .. ورحت البيت أجربه إلا وهو يجن نفس اللي في نفسي .. وثاني يوم أرجع للبايع وآخذ كمية ليا وللزمن .. لأنه الكحل يخلص عندي بسرعة ماشاءالله تبارك الله وحتى خالاتي وبناتهم وصحباتي مرة عجبهم والله .. وإنتوا حتشوفوا ..
يووه تعبت من كثر الكلام مع الحماس ..
طيب .. تبغوا تعرفوا الكحل إيش هوه صح؟؟
هو ياحضرات الفراشات الكحل الهاشمي العربي الأصلي القديم .. عرفتوه ؟؟
طيب لو ماعرفتوه هذي صورته لو شفتوها متأكدة حتعرفوها ..
إن العيون التي في طرفها حور .. قتلننا ثم لم يحيين قتلانا
عرفتوه؟؟
طيب الحمدلله بالعافية عليكم العيون الحلوة الواسعة السودا و يلا ردوا علي بدعوة حلوة لاهنتو عشان تعبت حتى أوصل المعلومة
((صورة الكرتونة في صفحة رقم2 عشان تتجنبي التقليد))
دمتم بسلام ...
دموعة