عايشة في جحيم

حبيبتي هدي نفسك الله يخليك ويشرح صدرك .....
من كلامك ياروحي انكم توكم عرسان وهذا الشي يصير وربي بين العرسان .... والسبب هو تغير الحياة صارت مسوولية وزي وان هو مسول عن انسانه ف عشان كذا انا اقول هدي نفسك ياروحي ...... حبيبتي انا راح اقولك كلام قالته لي امي (( الكلام الزين يقضي في الدين )) يعني ياروحي خلك الطف واهدى في الفتره هذي قد ما تقدري هي الفتره الحساسه بين الزوجين بس يعني مو انتك تتقبلي الاهانه والالفاظ خلك حكيمه الرجل مثل الطفل الكلم الزين دائما ينهي نقاشه استخدمي تعامل الطفل مع الرجل . راح تجدي انه راح يتغير معك خلك انتي من يكون لسانها رطب الالفاظ الحبيبه ولا تدخلي في نقاشات معه مهما كان الامر في الفتره هذي خليك انتي الفتاه الرومنسيه استمري انتي في سنة العسل الى ان يمر هو في هذي الفتره . هي فتره صعبه عليه
وكون قريبين الى الله الله يوفقك ويشرح صدرك ويسر امرك
وشي ثاني اشوف انك فراشه جديده واتشرف ان تكوني صديقة الجديده

ياربي رحمتك لامتزوجه مرتاحه ولاعازبه مرتاحه .... الشكوى لله
اختي اوصي نفسي واياك بالاستغفار ففيه صلاح للحال جربيه ... واكثري منه
ولاتنسين الدعاء ... في كل الاوقات
ومعليش لو شفتيه رايق اجلسي معه وصارحيه باللي بنفسك وقوليله انتي وش حاسه ......
وخلي املك بالله كبير .... واقري سورة البقره بالبيت
والله يصلح الحال

amal07
والله العظيم اني اقرا كلامك واصيح لانك اول وحدة اتكلمني في الموضوع
انا وايد شايله في خاطريه عليه
والله انا ساكتة عن الاهانة بس عشان اختلق له اعذار اقول يمكن عنده ضغط عمل يمكن فيه مشكل مااعرف عنه
لكن المدة قاعدة طول وهو نفس الشي
واحنا بعد شهرين بنكمل سنة زواج يعني بس الحين بدت تبان عيوبي و انه كانت عندي علاقة قبل الزواج
ماكان عارف قبل لاياخذني
ويحصل لي الشرف اكون صديقتك حبيبتي
الله يسعدك اختي دنيا وآخرة و يرزقك من حيث لاتحتسبين

رادار قلبي
والله مااحد مرتاح
لكن على الاقل وانتي مو متزوجة تكوني مضايقة بينك وبين نفسك وتحليها بينك وبين نفسك
لكن لو متزوجة والله الهم والحزن يكون مضاعف
الله يجزاك خير اختي على النصيحة
والله يرزقك الزوج الصالح المخموم القلب الصدوق اللسان

عطر فرنسي2011
اللهم امين ياقلبي ... وربي يفرجها عليك من حيث لاتحتسبين

الله يفرج همك يا رب .. و يريح بالك

الله يعينك اختي ويريح بالك.

اجلسي معاه واساليه وحاولي تفهمي ايش اللي مضايقه وموعاجبه ولما يقول لاتعارضيه او تزعلي اوتنكري شي من اللي يقوله
فقط اسمعي وافهمي لانك ماسالتيه الا عشان تحلي المشكلة ماسألتيه عشان تتخاصمي معاه وتزعلي
وانتي قوليله اللي موعاجبك ومضايقك
واضح اللي ناقصكم تفاهم وتواصل ويمكن شخصياتكم وطباعكم تختلف
طبيعي الخلافات وسوء الفهم يصير في احسن العائلات وبين كل الناس يعني مو نهايه العالم
المهم انه تعرفي كيف تحلينها وتتعاملين معاها
ماانصحك تستعيني بأحد من اهلك او صديقه لك او اي احد
كل ماصارت مشاكل او خلافات حاولي تحلينها داخل بيتك ولاتخرج لانها كل ماخرجت وتوسعت وتدخل فيها كل احد كل ماكبرت وطولت
شي بينك وبين زوجك حليه بينك وبينه
الان لا انتي فاهمه شخصيته ولا هو فاهم شخصيتك وسنة ترى مو كافيه انكم تتعرفون على بعض وتفهمون بعض ويمكن قبل الزواج او في بداية الزواج محد فيكم حط في باله انه الطرف الثاني مختلف عنه او توقعتوا ان الحياة بتكون عسل على عسل بدون ماتعملوا حساب لاي شي ثاني هي ممكن تكون الحياة عسل بس لو كنتوا عاملين حسابكم وعندكم فكرة عن طبيعة الحياة واللي بتواجهونه
تفاهموا بهدوء واعطوا بعض فرصه
اقري كتب عن الشخصيات وانواعها وصفات كل شخصية
فيه كتب كثيره تساعد المتزوجين الجدد ابحثي عنها لان الزواج يعني حياه جديده مختلفه وحياة مع شخص جديد يمكن يكون مختلف تماما بطباعه وشخصيته عنك وعن الشخصيات اللي تعاملتي معاها قبل في حياتك
الحياه هذه تحتاج جهد وتعب من الطرفين عشان تنجح العلاقه وتستمر
اجتهدي واصبري واستعيني بالله دايما وابدا
والله يوفقك

يا قلبي انتي لا تصيحي فديتك ان شالله .....
وربي تهون ...
حبيبتي انتي لا تحطي في بالك انك انتي تضحي او انك تتحملي .. الحين انتي تبني بيتك وبيتك راح يتعرض لمشاكل كثيره من ناس ما تصدقين بس انتي في هذي الحاله تكون الحمكه عندك .
وعشان اليكون البيت من اساسات كويسه اول شي تبدي فيه هو ذكر الله والدعاء وقيام بالطاعة الله . بعدين نجي للاهم هو الزوج في البدايه لا تبني له انك تغيرتي بين يوماً وليله خلي التغيرات تتبداء في ايام يعني ابدي بالمهم شي انك ماتشوفي في الدنيا غيره وانك ما تشوف الدنيا الى من اعيونه وانك بدونه ولاشي وحاولي توضحي له انا الله رزقني باحسن زوج عوضني خير في الدنيا .
خليه يفكر انه فعلا حياتك راح تبدا من عنده . بس زي ما قلت لا تكون عجله مره شوي شوي ونرجع نقول هو طفل اذا اعطيته كل الالعاب يمل من اللعب . شوقه بالالعاب .
وانتي لعباتك هي المدح والثناء المباشر له بحيث يكون حاسس ان مافي احد يقدر يعيش بدون .
انا على يقني انه يشوف انه هو مو مالي عينك. فيفكر ويتلفظ بهذا الكلام .
الله يوفقك ويخليك ويهدي ما بينكم .
اختي ان شالله واذا احتجتي شي لا تتردي اختى يس ما تنشري غسيلنا ههه ع الخاص
الله يوفقك