عجزت أفهمه

{بسم الله الرحمن الرحيم} إلى أخواتي العزيزات أنا عندي مشكلة وإنشاءالله ألاقي الحل عندكم
أنا زوجي متزوج علي من سنة وهي مطلقة وعندها ولدين وعايشين معها وعمرها38 وماهي حلوة وطاير فيها ومسكنها فوقي
في شقة وحامل وزادت فرحته بها ومن خذاها وهو متغير علي أهو عادل في الجلوس عندي في يومي بس قصر في الصرف شوي
صار كل طلب نطلبه منه يقول ماعندي وتغيرمعي في النوم بعد صار ماينام معي لين أطلب وأحيانآ إذا طلبت منه يقول
خليه يوم ثاني أنا معي فتور حتى معاها كذا بعد وأنا ماأصدقه جربت معه كل الإغراءات والتودد
بس ماجاب نتيجة أحيانآ يلين معي ويشتاق لي بس أحس أنه يصطنع هالشي مع العلم إني جميلة وكشخة وسني 43 سنة بس شكلي أصغر من سني
وعندي 5 أطفال وبعدين صرت أحمل وأسقط 3 مرات وألحين ودي أحمل زيها بس خايفة أسقط وألحين هي عند أهلها عشان الوحم
وأنا أحاول أتقرب منه أكثر بس هو مطنشني وطول وقته أشغال
وبرا ماأدري وش صار لرغبته الجنسية معي برود جدا حتى لو هي ماهي موجودة
معليش طولت عليكم أرجوكم عطوني حل عجزت وأنا أهين كرامتي له وأطلب حقي في الفراش وهو ولامعبرني جربت أطنشه طنشني أكثر ولاهمه تكفون وشلون أتعامل معه؟؟؟؟