عجينتي في المعجنات والبيتزا كلن يسألني عنها أحلى من تصليح المطاعم تعالوا هنا

السلام عليكم فراشات
عندي لكم عجينه معجنات وعجينه بيتزا
روعه
وين ما أخذها معي كلن يسألني كيف طريقتها
وكم مقاديرها
لدرجه مره خالتي أم زوجي قالت :
هذي من أي مطعم جايبينها ..
=================================
نجي للبيتزا:
تشهي صح >>> عاد هذي بيتزا هت مب بيتزا Ro0oro
المقادير:
عجينه البيتزا :
2 كوب دقيق
2 م ص خمريه فوريه
1 م ص ملح
ربع م ص بيكينج بودر
2 م ك سكر
2 م ك زيت ذره
4/3 الكوب ماء دافيء جداً بس مب مغلي !!
=====
الطريقه:
اعجني العجينه ثم خليها تخمر لمده لا تقل عن نصف ساعه
وان خليتيها ساعه يكون أحسن وأحسن عشان تتخمر زين
أفرديها بس فرد مضبوط لازم تكون نحيفه حتى تطلع لذيذه
وحطي عليها عااد صوص البيتزا والحشوه والى آخره
===========
نجي لحشوه البيتزا :
طبعاً كل واحد وما يشتهي
مثلاً الصوص :
جيبي كوب عصير طماطم + 3 م ك صلصه + بصله مفرومه +
ربع ملعقه ثوم بودره (( حسب الرغبه )) + كزبره مطحونه +
م ص صلصه الصويا..
خليها تطبخ مع بعض لحد ما تثقل وأضيفي بالأخير بقدونس
مفروم ناعم مره..
عاد حطي اللي تبين فوقها ..
زيتون شرائح + فلفل بارد + طماطم شرائح + مشروم شرائح
+ بصل شرائح
مورتديلا + اللي تبين حطيه واللي ما تبين لا تحطينه
حسب رغبه كل شخص ..
وفيه طريقه حلوه اللي يحب البيتزا البحريه ..:
جيبي روبيان حجم متوسط واسلقيه بقدر لحاله وحطي معه
فص ثوم + كمون حب + ليمونه صغيره + عود دراسين
+ ربع م ص بهارات سمك
لمن يخلص شيليه وأضيفيه للصلصه...تطلع جنان وخطيره
طبعاً بعد هالحوسه كلها تضيفين الجبن الموزريلا و
تدخلينها الفرن
وبالعافيه...
===================================
نجي اللحين للمعجنات :
المقادير:
2 كاس دقيق
2 م ك خميره فوريه
2 م ك سكر
2 م ك بيكينج بودر
2 م ك حليب بودره
بياله زيت وحده
4/3 كاس مويه واذا حسيتي انها تنشب في يدينك وبثره زودي شوي مويه
ذره ملح
===========
الطريقه :
تعجنينها وتخلينها تتخمر لمده ساعه تقريباً في مكان دافي
وافرديها زين حتى ما تكون معجنه وثقيله
عاد انتي تفنني بالحشوات..
===============
يعني عندك لحمه مفرومه
دجاج مفروم + خضار
حشوه كودو
زعتر وزيت زيتون
جبنه بيضاء وبقدونس مفروم
نقانق
سبانخ
جبنه سايله أو جبن كرفت
لبنه مع زيتون
يعني تقدرين تشكلين اللي تبين
للمعلوميه عجينه المعجنات هذي تنفع بعد عجينه بيتزا ...
وبالعافيه ...