عجينه الزنقات انعم واخف من القطنه

هلا حبيباتي اتمنى تقبلون مني اول مشاركه لي في قسم الطبخ
وهي تطبيقي لعجينه مو قطنه اخف وانعم من القطنه وراح تدعون لي صدقوني
ومتأكده وواثقه بعد وتقدري تسوي منها أي شيئ اللي تحبيه لانها عجينه شامله
(( البيتزا_ السنيبون_الكرواسون_خليه النحل_
جبل القرفه_الاقماع_السبانخ_الدونات_وكل
مايخطر ببالك من معجنات وحلويات وصدقيني راح تخدمك كثير)))
ومكوناتها سهله وفي كل بيت ولاتحتاج تخمر يعني تنفع للزنقات يالله نبدء المقادير والطريقه مع بعض:
اولا/ تحطي في العجانه 4 اكواب دقيق كويتي أي كوب لكن الكوب ذا راح تستخدميه كمقياس +4 ملاعق سكر بودره +6 ملاعق حليب بودره+2 ملاعق
اكل خميره فوريه+ملعقه شاي صغيره ملح وبعدين تشغلي العجانه على سرعه
هادئه عشان مايطرطش عليك الدقيق واذا حسيتي ان كل النواشف اختلطت
صبي على الدقيق نص كوب زيت مازولا بنفس الكوب اللي حطيتي فيه الدقيق
ولما تحسي ان الدقيق تفلفل مع الزيت صبي عليهم بنفس الكوب السابق كوبين
مويه فاتره وخليها تنعجن وتعالي شوفي القطن ولا بلاش
وعلى طول استخدميها لاتخمر ولا يحزنون وعلى فكره اللي تبغى نتيجه روعه تطبق المقادير بحذافيرها بدون زياده او نقصان
امانه اللي تسويها تقولي وتدعي لي بالذريه الصالحه تكفون
واي سؤال انا بالخدمه حبيباتي،،،،
على فكره راح انزل لكم تطبيقي لهذي العجينه بالصور سويت كرواسون
وجبل القرفه واقماع