عدت شوفتي على خير

1. يابنات ياحلوات ابشركم عدت شوفتي على خير

يابنات ياحلوات ابشركم عدت شوفتي على خير

تخيلوا ماكنت عارفه وش البس وكنت مستحيه وخايفه المهم لبست تنوره سودا وبلوزه سودا>>بديت حياة الولد بالأسود
دخلت وكانت امه موجوده وعمته رحت باخر المجلس وجات امه جنبي وتلعب بشعري وترفعه من على وجهي وبصراحه طفشتني قمت وخرت يدها المهم وقمت طيران على جوا شوي الا جات امه تقول يقولك مره نحيفه لازم تمتلي شوي وادخلي ثاني مره يبي يشوفك زين عاد انا كنت واصله حدي مره قلت لا معليش ما اقدر قالت الله يخليك بس بيقولك وش اسمك وكيفك وزي كذا المهم قلت ماني داخله الا وامي معي ودخلت امي بعباتها والله يابنات يوم شاف امي نزل راسه بسرعه حسيت انه مؤدب وكبر بعيني هع هع وجلست قال كيفك يا ساره ؟؟ وانا طناش ولا لي نيه ارد عليه المهم فجأه قررت اني اطالع فيه المفروض هو يستحي وينزل عينه علشان انا اشوفه طول الوقت مبحلق فيني
المهم رفعت عيني وهو فك الابتسامه على الآآآآآآآآآآآآآآآآآآخر يمه قلبي عورني ونزلت عيني قعد شوي وبعدها قام بسرعه ونزل السياره وجاب الطقم قالت امه يبي يلبسك عاد انا حلفت انه ما يلبسني قال طيب بس اعطيك بيدك خذيته منه وراح وانا منتهيه
بعد كم يوم دقت امه وكلمت امي وبعدها كلمتني وتقول فيصل يقولك مره مشتاق لك ومعليش امي طفشتك وهي تلعب بشعرك>>انتبه ان اخلاقي تجاريه هع هع
المهم تقول وهو راجع من الجامعه يفكر فيكي وانا حمرت وخضرت وزرقت من الاحراج وتقول ليش كنتي لابسه اسود كان لونتي له انا مارديت عليها وقامت ترقع تقول شكلك بسرعه لبستي قلت ايه
والله يابنات ما كنت متوقعه اني بأعجبه مره بس الحمدلله عدت على خير عقبال كل الفراشات يارب
يلا يامتزوجات قولوا لنا وش صار معكم يوم شوفتكم ..
ودعواتكم لي بتيسير اموري..