عرايس الرياض خطواتي بالتجهيز قبل اسبوع والأماكن الي اعجبتني وجلسات الليزر الي سويتها

السلام عليكم ورحمه الله
مبرووك لكل العروسات
ومبروك لي >>برا
ههه
موضووعي اني بنزل الأماكن الي جهزت منها
وشفت كيف الأسعار الأسبوعين الي طافوو
وتجربتي مع الليزر وهيك
حبيت ابربر عشان غيري لعل وعسى يستفييد
اول شي
لملاابس البيت
من بجايم شورتات
بناطيل
قمصان نووم
وشورتات قطنيه عليها رسومات وحركات
وشحاطات للبيت
>> الهرم الهرم الهرم الي دورين
اتوقع ع طريق الميه
روعه لهاالأشيااء بس
ثاني شي رحت له
سيتي مااكس حلو
فيه اشياء منوعه
يعني اخذت لبس طلعات وبجايم واكسسورات
وسكارفات وكمان بناطيل يعني
اخذت اشياء كثيير
ثالث شي رحت له
خريص بلازا >>روعه التخفيضات
احلى المحلات الي دخلتهاا
كوتون عنده بناطيل نازله جديد الوانه روعه
خاصه الأزرق الهلاالي
والتنانير روعه والجكيتات الرسميه
يعني محل روعه
ثاني شي زااراا كماان روعه
فيه جكيت رسمي يجي 3 الوان فيه جنان كماان
ثالث محل اعجبني اوشوو اتوقع كذا اسمه
وبيرشيكا
هذا الي لفت نظري عندهم واخذت اشيااء منهم
راابع شي واكثر شي شريت منه
الريااض موول
جزمه روعه والواان المووضه اللحمي والوردي الفااتح روعه
واحلى شي بالرياض مول لا تتعبوون نفسكم
بوابه 3 بس
كلها محلات عندها فساتين طلعاات كشخه
من الاسترتش والفساتين التركيه
واسعارها مثل الماركاات يعني مافيه شي رخيص
بس روعه بضااعتهم
خامس شي
غرناطه اقووا تخفيضات مرت علي بجد
نيو لوك روعه ومحلات ثانيه بس ناسيه اسمائهم البديات والجليهات
والتنانير القصيره والسكارفات
وخاصه الكشكات تبع الأكسسوارات اكسسواراتهم روعه وغاليه اسعارهم شوي
وكمان
ساادس شي
البلاد مول
فيه قمصان النوم وكم بجايم حلوة
وبناطيليعني فيه اشياء قليله اعجبتني
سابع شي
الأندلس
اخذت منه اكثر شي
العطووراات
واكسسواراات واقمشه وكم لبسه للطلعه بس
هذي الأماكن الي جهزت منهاا
وبعد التجهيز
رحت لمستوصف الأقصى عشان الليزر
>>شلت منطقه البكيني والشنب والأبط
شغلهم روعه
ومعااملتهم مره حلوة
سوت لي الليزر وحده اسمها ريانا
مرره طيووبه وتحملتني كثثير لان الليزر اوجعني شوي الا ابكي
ههه
بس النتيجه روعه
اول ماجيتهم اعطوني ورقه اقراها
فيها تعليمات اذا مسويه تقشير ولا حاطه كريمات تبييض
ليزر
قبل ايام مايسوون لي
قلت ايه مقشره منطقه البكيني
قالو لازم تجلسين اسبوع كمان عشان نسوي لك ليزر للبكيني وصرفت لي كريم
عشان الترطيب خلا هالفتره
واسمه dermagor Erycalm
قلت لهم اجل ابدو الحين بالأبط والشنب
مع العلم اني مدرعمه لليزر ولا اعرف انه يوجع
يعني داخله مدري شسالفه
الا تحلق ابطي وشنبي
وتبدأ بالشنب
لما شالت حسيت باألم يعني
الليزر يووجع يووجع والله وارووح وطي اتمسك فيها شي الا ابكي
وهي تهديني مايوجع هذا عشان اول مره وتقعد تهديني وتشيل
وتحملت شسوي
بعدين جت للأبط قلت حار خفضي الحراره وخفضت لي وربي كمان يوجع
>>من بغا الزين ماقال اح
وصاابره اقول خلاص بتخلص
لحد ماخلصت
وبعد ماخلصت راح الألم
مدري عشاني كنت اجهل بالليزر وانصدمت فيه
لاكن يوجع بس الي تحاول تتحمل تسلك
وعطتني اول ورقه دخلت المركز الي فيها التعليمات
قالت موجود فيها الكريمات الي تستخدميها بعد الليزر
وهو كريم بتنوفيت بعد الجلسه ب4 ساعات لمده يوم فقط
بعدين استخدم كريم الترطيب من ثاني يوم الى اسبوعين من بعد الجلسه
واسمه laino body milk
وكمان واقي شمس
النتيجه
اول يوم شفايفي الحدود غمقت بس كم يوم ورجع طبيعي
ابطي بعد اسبوع طلع مو شعر لاكن رؤوس شعيرات ههه
رحت لجلست الرتوش بعد الجلسه الأولى الي دفعت للأبط والشنب 300ريال بس
وجلست التوش مجانيه بعد الجلسه ب10 ايام او 14 يوم
رحت والشنب مااحتاج رتوش من اول جلسه راح والحمدلله
تذكرت الألم وقلت يستاهل صبري
والأبط سوت له رتوش
تذكرت كمان لاني خليتها تخفظ حرااره الجهاز عن الشنب وعشان كذا طلع الشعر
مره ثانيه ماراح اقول لها نزلي الحراراه
وسوت لي الرتوش ولحد الأن لي اسبوعين ماطلع الشعر وناسه
وبالنسبه للبكيني
لانه حاار
خليت الممرضه تشيله لي
الألمم حيل يوجع
وازعجت الممرضه من كثر ماتمسك فيها كأنها ولااده
ههه
وحاولت اصبر واوقف شوي واخليها تكمل
اظطريت اخليها تسوي لي
لان مااقدر اسوي لنفسي ماستحمل الألم
وسويت جلسه وحده بس
ورجعنا من الريااض لمنطقتناا
والحين طلع الشعر خفيف
لازم اكمل جلسات وحتى الرتوش راحت علي ماقدرت احضرها
بحاول بعد العيد اروح واكمل الجلسات
للبكيني بس المره الجايه
بقوي قللبي
واسويه بنفسي ماراح اخلي الممرضه تشيله لي
بس وربي
مع انه لحد الان بااقي لي الا انه راحه الليزر
انصحكم فيه وبقوة
ووصفت لي الدكتوره كريم لتفتيح المنطقه الحساسه من صيدليه الحبيب
مايوجد الا فيها تقول استخدميها وان شاء الله يفتح لك المنطقه اسمه
neostrata
pigment lighteing gel
وبالنسبه لفستاني
رحت اسواق مكه وفصلت عندهم بعد شهر يطلع
ولقيت قسم خاص للنساء ودخلته
لقيت استديو تصوير روعه نسيت اسمه>>ماتحفظ ابد
وحجزت عندهم لانهم مسويه صور لوحده صديقتها وشفت شغلهم
اتمنى تستفيدو من الي كتبت لو بالقليل
وتدعون لي اهم شي