عرايس صيف 2009 هي ليلة عمر كيف حابة تكون

السلام عليكم يا حلوين
صباحكم فل و ياسمين
احنا هلا باخر 5 و الاعراس حتبلش انشالله عخير
و أكيد كل العرايس الحلوين معجوءين بالجهاز و الفستان و الصالون و كل هالأشياء
انا عروس متلكم و اكيد كل وحده فينا بتحب يكون عرسها من أجمل ما يكون من حيث لبس و ديكور و طله
هلا البنات كتير فاتحين مواضيع كتير حلوة لتجهيزات العروس و العنايه بالجسم و البشرة و ديكورات العرس و ما إلى ذلك
بس في شغله بحسها مو موجوده بالمواضيع
اللي هي أفكار دخلة العروس و أفكار بتقدر تعملها العروس خلال الحفله
كمان الأغاني اللي ممكن ترقص عليها او تدخل عليها
يعني كل شي بتقدر تعملو العروس في الحفله من أولها لاخرها
لحتى تطلع حفلتها مميزة و ما في منا
أنا كل ما أعمل بحث بالنت عأفكار ما بلاقي الا زفة الحوريه، زفة سنين عمري, زفة الثلج، زفة أميرة القلوب، زفة المليونيره، زفة سندريلا .... الخ
و البنات عم ينقلوها من منتدى لمنتدى
عم أحس انو هاي الأفكار مبالغ فيها كتير
و مو متخيله حالي أعمل أي فكره منها
و مو متخيله أي عروس تعملها
ما حتطلع حلوه نهائيا
لأنو بيقلب من عرس لعرض مسرحي
و بيخرب جمال العروس و الهالة اللي حواليها في ليلتها
عشان هيك فتحت هاد الموضوع لحتى نطرح فيه الأفكار الحلوه و بنفس الوقت الواقعيه
في افكار كتير حلوه و بسيطه ممكن تخلي العرس روعه و تضل الناس فتره تحكي فيه
بس القصه محتاجه خيال واسع
و أفكار حالمة
ورومانسية
و فكرة مني و فكرة منك
وانشالله بتطلع أعراسنا من أجمل ما يكون
و بتحكي كل الناس عنها انشالله
بس المهم ما بدنا انانيه و كل وحده ما بتحكي فكرتها لحتى ما تعملها التانيه قبلها
كل وحده حفلتها بمكان و معازيمها بمكان
و وقت ما نساعد بعض انشالله حتطلع حفلاتنا أحلى كمان و كمان
و اللي بدها تاخد لازم تعطي يا صبايا
اتفقنا
أكيد اتفقنا
و انا متأكده انكم كلكم طيوبين و بتعقدو
يلا يا بنات
فلتبدأ الأفراح و الليالي الملاح
وألف مبروك لكل عرايسنا الأمامير
و عقبال كل البنات يا رب
وحكون أول وحده
انتظروني