عروس متوهقة

1. أولا: البيت و نظافته


2. ثانياً : طلباتي

السلام عليكم ورحمة الله وبركاته
صباحكم خير ورضى من الرحمن وكل صباحاتكم كذلك !!
بداية هذا اول طرح لي هنا وددت لو أجد بينكم مشورة طيبة من اخواتي الفاضلات /
سأشرع بدون إطالة
انا فتاة عمري 21 تزوجت من شهرين ونصف وكحال اي عروس جديدة اواجه يومياً الكثير والكثير من التحديات والصعوباات << مغامرات زورو
سأسرد كل ما يؤرقني في حياتي الجديدة وأرجوكم رجاء حار بأن لا تخيبوا ظني

أولا: البيت و نظافته

ما اقدر عليه مع إنه مو كبير بس انا اخر العنقود وما تعودت على الشغل عند اهلي أبد احس دايم بيتي حايس ولا اعرف اطبخ ابد الا الآن طبخت يجي بس 4 مرات والغسيل اذا غسلته يقعد متكااوم جبال بدون كوي ما ادري ليش ما ابي اسوي شي بالبيت ابد

ثانياً : طلباتي

أذبحوني موتوني شرشحووني بس ما اطلبه طلب واحد ان شاء الله اكون ميته جوع هذا الشي ذابحني وهو احيانا يسوي انه مو فاهم يبيني اطلب مثلاً الحين الدوام جا اوكي _ انا ادرس بالجامعه _ وعندي اغراض ناقصتني للجامعه وقبل يومين طلعنا قال وين نتمشى قلت اي مول << تلمح لشي الاخت
ودخلنا الموول وكل شي ابيه قدام عيني بس ما قدرت اطلب وطلعت بخفي حنين بينما هو يهلكني طلبات بكل عين قويه ويصحيني من عز نومه بس عشان اسويله اكل وهو رايح الدوام تعبت احسه اناني
ثالثاً :
دموعي جاهزة لاي سبب وهو مزحه ثقيل حبتين وانا انجرح وابكي صار يقول والله اتكلم معاكي زي ما اتكلم مع المدير عشان انتي ما تتقبلي المزح
ادري طولت عليكم بسس والله قلبي مليان وبنفجر من الكبت حتى اخواتي ما اقدر اقولهم شي لاني جربت افضفض ولاحظت ان المشاكل تكبر
ارجو الافادة منكم ولكم جزيل الشكر مقدماً