عروسه مغتربه ينفع عنوان رواية تعالو واسمعو

1. الاجازه الشهر.. حابه اسوي الاشياء التالية


2. 1- اخلص فستان الزواج ومتعلقاته


3. 13- طقم شراشف وسجادات الصلاه بصندوقهم مع مصحف

سلامز أحلى بنانيت وأحلى فراشات.. تحسو سايره بس امر عليكم وابلشكم بدي المواضيع..
انا بكرا حيكون آخر يوم امتحانات نهائيه وعندي اجازه شهر... وحابه يكون دا المووضوع المكان اللي اسالكم فيه وتسألوني ونستفيد <---ترا عندها افكار واسرار من الصين لا تستهينو فيها خ

الاجازه الشهر.. حابه اسوي الاشياء التالية

أولاً: اتعلم الاشياء الاساسيه في الطبخ طبعا الله يخلي ماما لكن قولو لي ايش ابدا اتعلم في الاول وايش نصايحكم.. انا عندي الحمدلله خلفية ليست بسيطه لكن نفسي اتعلم بشكل متعمق اكثر... بس ماراح ابين لزوجي اني فاهمه بالمطبخ عشان يتفاجأ ويعجبه لما اسوي اي شي.. مو يقول اصلا هي تعرف خ
ثانياً: اسوي جدول لنفسي للعناية بجسمي وبشرتي وغذائي وثقافتي العامه وحتى ديني.. ناويه يكون الزواج نقطة تحول في حياتي اكون انسانه افضل بكل شي..
يعني ياريت تقولو لي بالزبط ايش الاشياء اللي لازم اسويها والنظام الغذائي اللي لازم اتبعه والاشياء اللي ابتعد عنها ونصايح الحريم خ لا تبخلو عليا وابشرو بدعوه خالصه بالثلث الاخير من الليل لكل من ساعدتني لو بكلمة وحده..
ثالثاً: اسوي جدول للتجهيز وهذي مشكلتي الرئيسيه... يابنات مدري من فين ابدأ.. شوفو انا فكرت اني اقسم الاشياء كالتالي..

1- اخلص فستان الزواج ومتعلقاته

2- ابدأ بملابس البيت والنوم واللانجري ومتعلقاته يعني قولو لي ايش اخذ بالزبط.. كله قصير ومشخلع ولا اخذ مرتب وطويل.. كم اخذ؟؟؟ افيدوني بجد
ناويه اخذ تنورات قصيره- شورتات- افرولات- بناطيل جينز- بناطيل الوان ثانيه- برمودات- فساتين خفيفه قطنيه او شيفونات او ستان للبيت- بجايم قطنيه طويله وقصيره وبرمودات- قمصان نوم طويله وقصيره ملونه ومنوعه- ارواب الحمام (طقمين)- ارواب لقمصان النوم 3 الوان رئيسيه- سليبرز- كعوب وشوزات اغراء خ على قمصان النوم- لبس سباحه لما نروح شاليهات خاصه كثيره هنا بماليزيا- حركات مع اللبس تبع السباحه- لبس رياضه لو بغيت اسوي رياضه خ اوقات الفراغ
3- الشنط والجزم راح اخذ الوان رئيسيه والباقي بعد ما اجهز ملابس الخروج اخذ عليها- شنط للجامعه وجزم للجامعه الله يعزكم حركات- طقم شنط للسفر- شنطة للمكياج- شنطة للذهب- شنطة للاكسسوارات- صنادل مريحه للبيت والزيارات الخفيفه والتسوق والسوبرماركت- بوكات ماركات وبوكات عاديه على الشنط
4- الاكسسوارات- ماراح اخذ قليل بأكثر منها والوان رئيسيه من كل لون كذا شكل واشكال ثانيه اللي يعجبني وبعدين طبعا على ملابس الخروج وملابس البيت كمان- احزمه- بروشات- شرايط- بكلات الشعر- اطواق- حركات غريبه- نظارات شمسيه
5- اطقم الماس- لاحظتها هنا في ماليزيا روعه اسعارها ب 2000 و 3000.. ناويه اخذ لي طقمين قيمتهم فيهم.. اظن واحد منهم للزواج.. فستان الزواج
6- الذهب اذا رجعت السعوديه جهزت من هناك
7- عبايات ناويه اخذ لي 4 عبايات لاني بعيده عن السعوديه واخاف اورط.. لذلك بأفصل 4 عبايات ثنتين فخمه للزيارات وثنتين للجامعه والخرجات العاديه
8- اكسسوارات البيت- ناويه اجهز بعض الاشياء لبيتي يعني طقم التسريحه وغرفة النوم- مفرش السرير ناويه اخذ 3 كامله- شموع وبعض الحركات بغرفة النوم- سلال وكذا...
9- العطورات- ناويه اكثر منها يعني باخذ عطور فرنسيه ثقيله وبارده وللبيت واطقم شاور لي وله عدد 2 او يمكن 3 لان بيكون طقم نستخدمه بالسعوديه وطقمين اذا رجعنا..
10- ادوات العنايه- طقم بديكير مع كريماته وسكرباته وكل متعلقاته- طقم مانيكير نفس الشي- طبعا مانيكير الوان احبها مره- مزيل مانيكير- قطن- فوط صحيه- طقم فراشي للشعر لي وله- فوط للشعر للحمام وحمام الزيت- طقم الحمام (ليفه وعنايه وخرابيط)- مرطبات للجسم وبعض برامج العنايه الخاصه فيني- فرشاة اسنان عدد 2- معجون الاسنان- خيط للاسنان- عود اذان- علبة خياطه للاستخدام الشخصي وعلبة للشنطة صغيره- صيدليه صغيره- ادوية احتاجها لاقدر الله (مسكنات)- ميزان حراره اذا ماكان موجود بالصيدليه- مناديل معطره لاستخدام الشنطة- مجموعة ريفريشمنت (حلاوه نعناع- علك- الخ) تكون مرتبه بطريقه حلوه بسله.. مشقر- ماكينة براون- شمع جاهز- امواس حلاقه للضروره- ملقط- ام ذكروني لو نسيت شي
11- المكياج ناويه اخليه اخر شي عشان ماينعدم ولاني محتاره من جد ايش اخذ بس افيدوني بهالنقطة بليز
12- فساتين عدد 2 طبعا عندنا بعد الزواج ثاني يوم يكون حفله تشبه الزواج ببيت اهله فلازم البس فستان فخم.. محتاره ايش افصل وفستان ثاني عشان لو كان فيه مناسبه بهذاك الوقت..

13- طقم شراشف وسجادات الصلاه بصندوقهم مع مصحف

14- مباخر وعود للاستخدام الشخصي وللضيوف- مبخره كهربائيه- فحم سريع الاشتعال- فواحات بروائح مختلفه لكل غرفه نمط معين..! احب هالطريقه تعطي انطباع ان كل ركن بالبيت له ميزه معينه!
15- قميص الدخله ( محتاره فيه) كان خاطري افصله بس شكل فكرتي ماراح تمشي.. يمكن اشتري شي ساده واركب له حركات من عندي!!! وش رايكم اشتريه ولا اخليه قبل الزواج من السعوديه!!!! لان شكلي ماراح الاقي شي طويل ومستر!!
ام هذا اللي ببالي الحين ذكروني لو نسيت شي... وافيدوني باللي تقدرو عليه امانه!!!!
تحياتي لكم...
بنت جده