عروسه و محتارة كيف ارتب شنطي بالسفر ادخلي و خلينا نستفيد

بسم الله الرحمن الرحيم
السلام عليكم و رحمة الله و بركاته
كيفكم يا عرايس .. ان شاء الله المزاج رايق ..
شوفوا يا حلوات انا بصراحه حابه اننا نستفيد و نفيد
يعني اغلبنا ما باقي على فرحها الا كم شهر
فأكيد بعد مشيئة الرحمن لا بد من السفر بشهر العسل
و ترى السفر مع زوجك يفرق كثير عن سفاراتك مع اهلك
من جميع النواحي .. يعني مع اهلك اهم شي وناستك ما تشيلن هم اي شي
عشان كذا لازم نتعاون و كل وحده سافرت من المتزوجات تفيدنا
اش اهم شي مو بس من ترتيب حتى بالتعامل خصوصاً اللي بتروح الخارج بتشوف بنات و حركتات و كيف تتعامل مع غيرتها ؟
و كيف ترتب وقتها هناك خصوصا انك بتكونين اغلب الوقت برا من مول لمنتجع بغض النظر فين سفرتك داخل و الا خارج
انا قريت لوحده كاتبه انها كانت تلبس كلوتات قطنيه وقت ما تكون برا الفندق عشان تأخذ راحتها و استفدت منها الله يجزاها خير
بعدين نبغى نعرف كيف رتبتي شنطك اخذتي اكثر شي جنزات و تيشرتات ..؟
اخذتي قمصان و الا بجايم و الا كوكتيل ..؟
العباية اخذتي عبايتين و كنتي تغسلين عبايتك اذا رجعتي لاني متعوده مع اهلي اسوي كذا و بكل يوم عبايه عشان الثانية تنشف على مهلها ..؟
الميك اب و العطور .. الاستشوار ..؟
شنطة اليد اش يكون فيها غير العطر و المرايا و المرطب و المشط و الكحل و المناديل ..؟
( ما خلت شي ههه)
و لا تنسين تأخذين معاك موس و مسك طهارة و اعواد اذن و دهن عود ..
نبغى نستفيد تكفون الله الله بالردود لاني بجد محتارة
الله يوفقنا و يكتب لنا الخير و يمتعنا يا رب بكل ما يرضيه علينا
و الله يتمم لنا على خير جميعاً