عريس يرفض العروس ليلة الزفاف

والله هذي اكبر مشكله ...
ام احس كلهم على خطأ ..
ومشكوره على حسن طرحك ..
بارك الله فيك ..

مشكلة والله

انا الصراحه اشوف ابو مالو حق يغصب ابنو على الزواج لانو لازم يكون مقتنع فيها وهو الى يبغاها لانو بعيش معاها طول حياتو لانو لو صار اقل مشكله ابن بيحط الوم على اهلوو انا صراحه مع ابن هو يختار الى يبغاها بس ما يعمل هادى الحركه البايخه لانو حرام بيجرح العروسه من اساس يقول وانتهى الموضوع

انا اشوف انه مدام جاته الجراه امام الناس كان جاته وهو مع ابوه في البدايه احرج نفسه واحرج ابوه واحرج العروس

ياشين العادات الي كذا والمظلوم في كل الحالات البنت مالها اي كلمه وربي عادات تقهر

بصراحه كلهم غلطانين الاب والابن ..
الاب مايحق له ارغام ابنو بالزواج ولزواج مو بالغصب لانو مصير عائله بيروح ضحية الغصيبه ..ايش ينفعو لو بكره جابو اولاد وتطلقو وضاعو الاولاد مو حرام؟؟
والابن كمان غلطان عشانو سكت كل هالمده وبالاخير جاي يتكلم ويقول ما ابغاها ؟؟ ليش يعني ما تكلم من زمان فين شجاعته لما غصبه ابوه عليها وما اعتقد فيه شاب بهالزمن ينغصب على شي ما يبغاه البنت صح يمكن لكن ولد ؟؟ ليش ماعنده قرار ورأي كيف بيتزوج ازا ما كان له رأي ؟؟ صراحه حركته بايخه مره يمكن يقول عشان اعلم ابويا واقهره قدام الناس بس ايش ذنب البنت حرام عليه كان فكر فيها .. او على الاقل كلمها وقال انا ما ابغاكي ارفضيني عشان ابويا غاصبني عليكي ازا كان خايف من ابوه كدا ..والله لو انا مكانها قطعت لسانه قدام الناس وقلت ايش فايدتو لسانك ليش ما تكلمت من اول جاي دحين مسوي فيها رجال خ
هادا رأيي الخاص . .. تقبلي مروري

الاب غلطان باجبار ابنه
والابن غلطان لانه راح يتكلم عن مشكلته قدام الناس ويحط نفسه واهله والعروس واهلها في موقف صعب
لو انه صارح اهل العروس مع اهله وحلوا المشكله بينهم افضل

اكره دي العادات ..
وطبعا اثنينهم غلطاانين الاب والابن .. الاب عشاان غصب ولده ع وحده مايبغاها ..
والابن عشاان احرج ابوه قداام النااس ..

كلهم غلط الاب المتسلط والابن الضعيف .........
بس اللي راح فيها البنت المسكينه وشلون تقبلت الصدمه ..........