عزايم الأولين وحريم الحين

1. للحريم (غدا +قهوة عصر + عشاء المغرب


2. مايجيبوون أطفالهم

السلام عليكوم
هذا اول موزوع لي
أتمنى انه بالمكان المناسب
حيا الله الكل والجميع ولا تواخذوني على القصور ان حصل لان هذا اول موضوع لي ,
المهم من الملاحظ على بنات جيل الثمانينيات الميلادية (عجز ها الجيل) انهن يحبون يتذكرون ذكريات اول حتى ولو كانت تعيسة
0 فانا من الناس الذين يحسدون شباب هذا الجيل على زمنهن المزين بالتكنولوجيا(احمدوا الله على النعمة )
ولا اذكر ايام الطفولة كلها بشكل جميل لانني احب الحاضر
ندخل في موضوعنا او القصة التي نحب انا ومن في عمري سردها على بنات ها الايام وخصوصا اذا اجتمعنا في عزيمة وتتلخص العزايم في تلك الفترة في الامور التالية:
العزيمة لازم تكون غدا >>وع الكلام دا كان زماان هه قراوه 0
المعزومين رجال +حريم +بزران

للحريم (غدا +قهوة عصر + عشاء المغرب

اذاتغدوا الرجال يقلط بعدهم اللاولاد وبعد ذلك الحريم والبزران ( والله الحقران )
اذا تغدا الجميع يأتي دور البنيات الجذعات من 10 سنوات الى 17 سنة - فتعطيهم راعية البيت قمصان من قمصانها وتبدأ رحلة غسل المواعين وكنس المقلط والشب على الشاهي والقهوة وفرش الحوش وتعبية صحون الحب استعداداً لحريم الجيران
0
تنتشر رائحة لا تنسى في الجو وهي خليط من ( قشر بردقان - رز ولحم - طيب ليمون حق المغاسل - قهوة تفوح - بقايا بخور من قبل الغدا)
عند كل مغسلة تجد احدى حريم الاخوال والعمان تتزين لحريم الجيران ( تبودر وتطيب وتكد راسها وتكحل )
اما الرجال فيكونوا قد اخلوا المنزل للحريم , والبزران في الشارع , والبنيات في المطبخ يفوطن الكيسان والملاعق ( ان وجد )
الحريم مايروحون الأ بطلعة الروح الناس تنعس وهم جالسيين هه
لاويجوون من قبل المغرب اذا كان عشا
واذا غدا الساعة 11
ووه يالقرو مادري متى يتعلم هالنوع
>>هذا أول
لكن الحين فيه أشياء حلوه

• أن الناس تجي ساعة وتمشي ماتطول
• أو اذا كان عشاء يحضرون العشاء ويمشوون لو كان قريب

مايجيبوون أطفالهم

• المره او الحرمه تكوون ذوق بجلستها بتعاملها مع البيت ومع المكان اللي جالسه فيه مهما كان
• البنات الحيين ملكاات بالبيووت بس يأمرون وينهوون .
• الإستقباال الحين ذووق وراقي ويستقبلونك للباب ويخرجووك بعد يعني تحسي بإحتراام ..
• الذوق بالكلام اللي الحين صاار لازم وواجب واللي ماتعرف تتكلم عليها السلام

تخفف على اهل البيت مهما كان وتكون نظيفه وراقيه بمكانها وجلوسها..

• وهي جايه الا تجيب بيدها شي ماتدخل فاضيه تنقل شنطتها بس يعني هديه لأهل البيت اذا كانت اول زياره واذا جارتها او ناس متعوده عليهم تجيب حلى فطاير اي شي

المهم حريم الحين ذوق
فيه اشياء سلبيه ماودنا نذكرها
هذا اللي ذكرته انا اللي عندها شي تفيدنا عشان نستفيد
ونعرف أخطاءنا ونعدلها ..خاصه المقبلات على الزوااج >> خلاص زمان قبل تحوول
فيه اشياء نسيتها ذكرووني
بإنتضاركم حبايبي