عضوة جديدة واريد المساعدة

مشكورين خواتي
الصراحه أفكاركم تجنن
راح اضبط أموري وأول ما سوي المفاجأة راح اقول لكم

السلام عليكم ورحمة الله وبركاته
مرحبا خواتي
أنا عضوه جديده في اامنتدى
بعد ماتصفحت الموقع وعجبني سجلت معاكم
أنا بطلب منكم طلب وابي مساعده منكم
إذا ممكن تعطوني أفكار جديده لمرور سنة على زواجنا
لأن في يوم ميلاده سويت حركة وايد حلوه وان شاء الله تستفيدون
خذيت عربة خشبيه وحطيت فيها دبدوب كبير ومعاه مجموعه من الهدايا وحطيت في العربة قلوب
وزينت الحجرة كلها بالفلوب فصارت الحجره فضيعه وكتبت على منظرة الحجره بالحمره كل عام وانت بخير حبيبي
فأول ما شاف الحجره وايد استانس وتفاجأ من اللي سويته
المهم أحين باقي شهر على مرور سنه لزواجنا فأبي أفكار احلى وغريبة عن اللي سويته له في يوم ميلاده ارجوكم تساعدوني

ماشالله عليك
والله فكرتك مرة حلوة
واحدة من البنات في المنتدى كتبت فكرتها ... وبصراحة كانت مميزة
عملت شهادة عند محل وكتبت فيها ان هذي الشهادة حصلت فيها على درجة امتياز كزوج مخلص وحنون و......الخ , وكلام كثير حلو ما اذكر ايش بالضبط ...وقدمتها لزوجها في يوم زواجهم
اتمنى اني اكون افدتك

يم يم يم .. ليال هذه انا اللي كتبت الموضوع ههه
أم عبدالله تقدرين تشوفين الموضوع و هو عنوانه "تبين حركه بسيطه تخلي زوجك يموت من الفرح "
تلاقينه في الصفحه الثالثه او الرابعه
و فيه التفاصيل ..
و اتمنى يعجبج

هذا هو الموضوع .. عشان ما اتعبج وياي ..
سمعوا بقول لكم
آنا مخطوبه من سنه و شهرين و تدرون الحياة تتغير و الروتين الملل يسيطر على حياتنا بس لازم نغير صح ..
عاد كل شيء رومانسي و معروف سويته حق خطيبي (( ورد ، شموع ، هدايا ، مفاجآت )) و صار لي تقريبا شهرين ما هديته شيء .. و هالايام بعد بدأت الجامعه ولا اشوفه وايد و بعد عشان احنا نجهز الشقه ف اوضاعنا الماديه اختلفت شوي
ام ادري انكم متحمسين تبون تعرفون الحركه
المهم مره خطرت في بالي فكره تدرون شنو هي ؟؟؟؟؟؟
رحت قرطاسيه للي يبيعون فيها اقلام و اغراض مدرسه و بعد يسون انشطه و بحوث حق الطلاب
و سويت عندكم هذه الحركه زين بقول لكم شنو هي لا اطلعوني جذيه
خليتهم يصممون لي شهاده من ورق مقوى و يكتبون فيها
(( شهاده تفوق )) العنوان
هذه الشهاده منحت الى ............... ( الاسم الكامل عشان شهاده رسميه ) و ذلك لاتمامه .........(المده الزواج ) من
الزواج بعلامه امتياز ، حيث اجتاز الزوج هذه المدة بالحب و الاخلاص و القلب الحنون . حيث منحت هذه الشهاده
كدليل على الكفاءة العاليه و الجدارة في الحياة الزوجيه .
زوجتك ....................( الاسم الكامل )
( التوقيع )
و ما حبيت تكون الشهاده طويله عشان الشهادات الرسميه مافيها كلام وايد ... 3 اسطر بالكثير
وخطيت الشهاده في سيارته و فوقها ورده .. والله انهبل و ضحكته ما تفارق فمه .. و راح تشوفون التغير
اللي راح تسويه هالشهاده .. عزمني على مطعم و على سينما و اشترى لي فستان و ساعه كان خاطري فيهم
و طبعا حبيت اعطيكم هالفكره عشان حياتكم يصير طعمها احلى
ولا تنسوني من الدعاء

بسم الله الرحمن الرحيم
روعه نموله افكارج حلوه وايد
الله يخليلج خطيبج ياربي..
ويسعد الجميع في كل حياتهم

مشكورين فراشات على الافكار
لاسف مخي ما يشتغل بها السوالف
تحياتي

مشكورين خواتي
الصراحه يا نموله فكرتج وايد عجيبه شكلي بسويها
بس ما عندكم حركات اسويها في الحجره أو الهدايا انا ماخذت له من قبل شماغ وعطر و نعال وجوتي ( الله يعزكم) ومحفظه وساعه احس الهدايا خلصوا إذا في اشيا ثانية وحركات جديده خبروني

طيب انا راح اساعدك باختيار الهدية اذا سمحتي لي
إذا ميزانيتك وسط:
شو رايك في قلم رسمي وحلو
او شنطة رسمية حقت الورق والشغلات هذي
او ممكن تجيبن له بدله
او لبس سبورت
او جيبي من البودي شوب مجموعة كاملة للعناية فيه مثل غسول الوجه والمقشر ورغوة الحمام والشامبو ,.......
وإذا مريشة (عندك ميزانية):
جيبي له جهاز جوال
او لاب توب
واذا مفلسة:
جيبي له وردة
او اكتبي له رساله
او انتي كفاية
ههه
اتمنى اني اكون فدتك