عطر شموخ من محلات بصمه زمن للعطورات الفاخره

مراحب يابنات
جبت لكم اليوم عطر توحفه وخطير
من جد يابنات وانا بصراحه احب الزين لي ولغيري
يعني مانب من النوع الي يخبي
اي شي اجربه ويعجبني اروح اعلم خواتي وزميلاتي بالدوام وكل الي اعرف وانتم بعد لكم نصيب
شوفو باختصار وماابي ازعل البنات الثانيات
المحل هذا موجود فقط في الرياض يعني الي بينبسطو بنات الرياض او الي تعرف وحده هنا توصيها وماادري اذا كان له فروع ثانيه خارج الرياض
وبدون ماتجربونه وعلى مسؤليتي الخاصه ولاتقولون الناس اذواق وكل وحده ستايلها غير
انا معكم في هالقاعده بس هذا المخلط غير والله غير
وراح يعجبكم باذن الله
وتراه ثابت يعني ماابالغ ولا لي مصلحه
ووالله العظيم اني مااعرف صاحب المحل ولا تحسبوني اسوي دعايه
ومن حلف له بالله فليرضى
بس اخذت منه عينه لعطورات كثيره وتراه من النوع الي اذا جيتي المحل عطاك عينات لعطوراتهم المميزه علشان كذا عرفت العطر
وجربته ولو تدرون وش صار فيني
صرت احلم فيه وذا تحركت تفوح الريحه ماشاء الله تبارك الله
ومافي مره ماحطيت منه الا وسالوني عنه وطبعا كل سؤال وراه سؤال يكبر بنظري اكثر واكثر
وريحته ثابته عل اقل ثلاث ايام وتبقى بالملابس وانا احطه اغلب شي على شعري
يابنات لاتفوتونه روحوللمحل وخوذو عينه له وراح تصدقون كلامي
والمفاجاءه الي ابقولكم عليها
ترا المحل الحين مسوي تخفيضات حلوه
والعطر يعبيه لك بثلاث مقاسات
الصغير كان ب 60 صار ب40
والوسط كان فوق الميه بس مدري بكم صار ب90
والكبير كان سعره فوق الميتين صار ب150
وانا اليوم رحت مخصوص لرويال علشان اشريه بس تخيلو طلع مخلص
وانتظرت نص ساعه لين جابو ه من فرعهم الثاني .....
اتاري الناس عليه وانا مدري
تراي التخفيضات الى نهايه رمضان وبس الحقو عليه
ونسيت اقولكم عطراته الثانيه بعد حلوه مثل سحاب ورقم 2 والشيوخ والراقيه و...
وهذا الي اذكر
ملاحظه :: الي بتروح تشتري وهي مغمضه الحجم الكبير لانها اذا خذت صغير راح تتحسف بعدين واذا رجعت تاخذ العبوه الكبيره تلقى الخصم مخلص
وبس والله تعبت
دعواتكم لي حبيباتي
نسيت اقولكم وين تلقون المحل
في رويال مول
في اسواق الاندلس
يابنات الموضوع هذا من باب ارد الجميل لكل اعضاء الفراشه
لاني استفدت منكم كثير وحابه هالمره افيدكم