عطوني ارائكم يا حلوات

انا زوجي نفس الشي لو اسوي اللي اسويه مستحيل يفتح فمه
بس شنقول غير الصبر مفتاح الفرج
والله بيفرجها وها لا تنسين انك انتي تحاولين تسوين العكس معاه لما تشوفيه لابس امدحيه
وعطيه من الكلام اللي يحبه قلبك وصدقيني مستحيل ينساها لك ويمكن يمكن يمدحك ولو مره بحرف واحد على الاقل والله المستعان

لا تقولين الرجال ما يتفرق معه
يمكن ما يتكلم لكن يلاحظ ويشوف
انتي لاحظي عليه اذا لبستي وكشختي ما يتقرب لك ويجي لك وكذا
وبرضوا لا حظيه بلبس البيت العادي>>>تلقينكم جالسين مثل الاخوان والا لا؟؟
انا لاحظت على زوجي بالصراحه لانه برضوا ما يتكلم ولا يمدح ولا يعلق..كل الرجال كذا
ومشكوره اختي على الموضوع

GLORIOUS
حبيبتي حتى لو كشخنا اللي عندي ما تفرق معه ولا يقرب وسي يو

يسلمو على السؤال اللي يجدد تساؤلاتي انتبه او لا؟؟!!!!
الاخت اللي قالت كل الرجال كذا اسمحيلي اقول لك لا لان في بنات كثير رجالهم ينتبهون حتى جدتي تقول ان جدي كان دايم يمدحها تقول لو طالعه من الحمام وانتوا بكرامه هذا وهو جاهل بس احنا مالنا الا الصبر والدعاء بس انا تحليلي انهم مساكين ربي ماعطاهم من حلاوة الروح واللسان عشان كذا مايقدرون يعبرون والمصيبه انك بعد ماتغيرين من شكلك او لبسك يقول لك الشكل الاول ترى كان احلى!!!!!!!!!طيب ليش ماقلت لي من اول؟؟؟!!!!!!!!
اتمنى تتقبلون ردي رايي

الصدق والله انا لا زوجي يتكلم عادي وينتقد وايام يرمي ملابسي باالزباله ويجيب لي غيرها وكل هذا وانا ما نا بالبي يعني مفاجاه
والحمد لله ابوي الى الان يتغزل باامي ويمدحها قدامنا
اما قصة خالي
فمثل ما قلتم لوايش ما تلبس زوجته ما يتكلم ابدابدابدابد
يقوول انتقدتها مرره وحده وعلقت علي تعليق سخيف
فله لان متزوج خمس سنين ولا ختى ايش لون هذا ما يسال

يمكن هاذا طبع زوجك مايتكلم كذا بعض الرجال مايتكلمون بس يكون عاجبهم
ترى الطبع يغلب التطبع وانتي ماتقدريت تغيرين في طبع انسان بس اهم شي انك مهتمة في شكلك وصدقيني هو مهتم بس يمكن مايعرف يعبر وهاذا اغلب الرجال يعانون منه

والله صادقين أنا زوجي من النوع اللي ما يتكلم ولا يعلق بصراحة أحيانا أطفش بس والله أحيانا ألاحظ نظراته تتغير أذا أنا كاشخة يعني يشوف بدون تعليق !!!!!!!! بس مين يفهمهم أنا ما سوينا كذا إلا نبي كلام حلو أو مدح أو شئ يفتح النفس عشان نتشجع نعمل زيادة!!!!1

انا اذا لبست وكشخت وهو ماتكلم
أسأله وانشب بحلقه حتى يتكلم ويطلع اللي عنده
عشان افرح واكون مبسوطه وارضي انوثتي
(( وش اسوي مافيه الا هالطريقه اللي مشت معي ))

انا اقولك الطريقة
اول ماتلبسين روحي جنبه وقوليله حلو ؟؟ او مثلا شرايك بلبسي الجديد بس طبعا بدلع وابتسامة واكيد بيرفع نظره لك وبيلاحظك وبيرد عليك وكل مره تلبسي جديد سوي نفس الشي وبعدين راح يتعود