عطوني الحل شاسوي

1. عقب ماكمل سالته من هذي؟؟!!! قال حبيبة صاحبي

السلام عليكم
بناات انا متزوجة صارلي اربع شهور احب زووجي واهو يحبني ويمووت فيني
وحياتنا ويا بعض حلوة ويمكن فيها مشاكل بس على خفيف وبسرعة نتصالح في نفس الوقت الحمدالله
مابي اطول بدخل في الزبددة
من جم اسبوع اتصل رقم غريب على زوجي مو مسجل وكان التلفون جمبي فاخذته وعطيته اياه وعقب ماكمل سالته من هذا؟ قال صاحبي
انا استغربت قلت في داخلي صاحبه ومو مسجل رقمه غريبة
وعقب فترة رد اتصل هالرقم والتلفون بعد كان جمبي فعطيته التلفون وقلت له حبيبي اكو صاحبك متصل
وماعطيت للسالفة اهمية ولا شكيت فيه لاني واثقة فيه وقلت يمكن صاحبه مايستعمل الرقم كثيير عشان جذي مو مسجل الرقم
بس مرة من المرات واحنا قاعدين رن تلفونه وكان المتصل نفس الرقم بس كان وقته يبين صوت المتكلم لانه شكله زوجي مرفع على صوت التلفون انا سمعت صوت ناعم قلت مستحيل رجال صوته بهالنعومة وكان التلفزيون مشغل عطول نزلت على الصوت عشان اسمع صوت الي يكلمه بس تاكدت 100% انها بنية وظليت اطالعه واهو يتحجى باستغراب وبصدممة واهو بس يقول (اي لا مادري اوكي باي) طبعا في كل مرة لمن هالرقم يتصل يكون كلامه جذي

عقب ماكمل سالته من هذي؟؟!!! قال حبيبة صاحبي

قلت بالله؟؟؟؟؟ وليش تتصل؟؟ قال تسال عنه مقفل تلفونه ومايرد عليها وتظن انه وياي لان متفقين نروح مباراة قلت له لا والله يعني اهو مقفل تلفونه واحنا نبتلش واهي شلون تتصل لك اصلا وصاحبك ليش يرضى في الاصل؟؟ قال لا هذي زوجته بس لا تخبرين احد بالسر قلت له لا احلف انت بس ترضى انا اتصل لصاحبك واساله عنك؟؟ بترضى ؟؟ قال ايي عادي اذا ماكنت ارد عليج او ماتدرين وين انا قلت له اوكي خير عطني تلفونك باخذ ارقام ربعك وعطاني اياه وسويت روحي باخذ ارقامهم سالني شتسووين؟ قلت له لا تخاف ماخذيت رقم ولا واحد لاني بنت متربية ومحترمة مستحيل اسوي هالحركات قالي عيل شكنتي تسوين؟ قلت ماسوي شي اسوي روحي اخذ ارقامهم وقام يشيك في تلفوني يقولي اكيد خذيتي رقمها! قلت له شنوو رقمها؟ اصلا ماكان في بالي اني اخذه كلش بس كنت ابي احسسك شلون بيكون احساسك لمن اخذ ارقام ربعك
وبعدها مسح رقم البنت وانا قامت الافكار تدور في بالي واتحسفت لان ماجت في بالي فكرة اني اخذ رقم البنت للاحتياط بعدها قلت له انزين خبر رفيقك لايخلي حبيبته مادري زوجته تتصل اوكي؟ قال لا مابقول له قلت له لييش قووله انا مارضى صراحة اهي تتصل لك قال هذي عاادي عندها لانها اجنبية مو عربية قلت له بعد؟؟ اجنبية قال اي وانا مالي دخل اهي الي تتصل تسال مو انا اتصل ولا لي خص فيها وهذي اول مرة تتصل اصلا قلت له لا حبيبي هذي اكثر من مرة تتصل وانا اعرف رقمها اصلا اكثر من مرة اشوفها تتصل
وزعلت عليه واهو وزعل ويوم ثاني يوم رحت الشغل كنت اكلمه وقلبي يعوورني ومن يسالني شفيج اقوله مافيني شي واهو حس فيني وقال خلاص بقول لصاحبي يقول لزوجته ماتتصل وانا استانست وقمت اتشكره ويوم رجعت من الشغل لقيته مسوي لي مفاجئة في الغرفة وجايب لي هدية واستاانست طبعا وقلت له قلت لرفيقك لا يخلي زوجته تتصل ؟ قال لا اخاف يظن اني خاتم في صبعج
انا سكت عنه وخليت السالفة تمر قلت اذا اتصلت لي شغل ثاني وياها مو وياه
وامس الليل اتصلت يوم كنا بنام انا وياه وتسال عن زوجها بعد وماقلت له شي
الحين شاسوي يا عضوات
للمعلومة الرقم عندي اخذته
اتصل لها او لا؟؟