علاج الثعلبه

اختى خذى فص ثوم واقسميه بالنص وفركى مكان الثعلبه بالثوم لين يحمريوميا لمدة اسبوع اتمنى لك الشفاء العاجل

ادهني مكان الثعلبة بخل الثوم مو زيت الثوم
او
عصارة نبات الصبار ادهني فيها مكان الثعلبة

السلام عليكم ..
هذي وصفه قالته لي أم صديقتي تحكي لي كيف عالجة صديقتي من الثعلبه اللي كانت تعاني منه حوالي 15 سنه بالرغم بالرغم ماخلت دكتور ولاحرمه مداويه الاراحت له بس مافادها غير هذي الوصفه بالرغم هذي الوصفه ماخذتها من حرمه كبيره في السن والوصفه هي ::
شوك الجمل وهذي صورته وتلاقينه في البر وهي وجبة الجمل المفضله !!
وفازلين
الطريقه::
تحرقين الشوك على النار الين يصير لونه أسود مفحم وبعدين تخلطينها مع الفازلين وتحطينها على محل الصلع أو الثعلبه وش راح تلاحظين بعد 3 أيام أنتفاخ محل الصلع بعده ب3أيام راح تشوفين ظهور المسام بعد ماكان محل الصلع أملس مافي أي فتحة مسام بعدهاا راح تلاحظين ظهور الشعر ..
ملاحظه جداّ مهمه::
عيبه يخلي الشعر خشن بس من جد يعالج وماراح يطلع الثعلبه مره ثانيه ..
وللمعلميه::
أم صديقتي هذي معلمه أبتدائي وتقول حاطه هذي الوصفه في الدرج حق مكتبها وكل من شافت بنت فيها صلع أو ثعلبه تناديها عندها في المكتب كل يوم وأهي بنفسها تحطه لها وتحلف أن الامهات يجون يشكرونها ويسالونها وش هي الوصفه وكانت تعالمهم تقول مابي كل أم تعاني مثل ماعانيت في بنتي...
منقوله

نصيحه اخووي ججا ثعلبه راح دكتور اسمه حلمي بخالدالطبي بجده بالسامر وعالجه ووفركي بالثووم

الله يجزاكم خير ما قصرتو

حبيبتي فيه زيت مره حلو اسمه البرنسيسه ولون كرتونه اصفر لتكثيف الشعر ويقلل التساقط قبل سنه كنت استخدمه وصفته لي دكتورة الجلديه مره يغير الشعر ونتيجته روعه بس الحين دورته ما حصلته اذا لقيتيه ياليت تعلميني وين حصلتيه وموفقه يا رب

على مسؤليتي الثوم
احنا جلسنا اربعة شهور ندور حل لاختي قربت المدرسة وهي قربت تصلع والحمداللة فاسبوعين طلع شعر والشعر الي طلع ناعم وقوي ماشاللة

اب

انا اعاني من الثعلبه ومازلت اعاني أسال الله لي ولك الشفاء ولجميع المسلمين
تعبت وانا ادور علاجات له افضل من الثوم مالقيت اخذيه ودقيه لاتقطعينه بالسكين لالا دقيه
بيد الهاون ويله افركي المكان المصلع
رحت للاطباء ورحت لحرمه تعالج الحرمه قالت لي استخدم ورق الحنا واستخدمته بس مو لوحده مع الثوم استخدمته
وقالوا سمن القطران من المنطقه الجنوبيه وحاولت اجيبه واستخدمته ومافيه نتيجه غير الثوم مافيه
والآن اتعالج عند دكتوره واخذت حقن كرتزون بس لامانه ماخذتها براسي لاني خفت الحين اخذها بمنطقة الحواجب
وسويت تحاليل شامله لانه احيانا يكون له سبب زي نقص احد الفيتامينات او غده او غيره واحيانا يكون ماله سبب او سبب نفسي
الافضل تسوين تحاليل لانه احيانا يكون لها سبب فتعالجيه لانه مافي فايده ينبت الشعر وبعد فتره يرجع لانه تقول الدكتوره هاذي جراثيم بالدم طيح الشعر
وجربي شوك الجمل اللي قالت لك الاخت عليه لانه هو الوحيد ماجربته
خلاصة الكلام اي شي حار ينبت الشعر
الله يشفيك ويشفيني وجميع مرضى المسلمين
الجلسة القادمة(لحميدان) تحمل الامل .. فلا تبخلن عليه بالدعاء
•. أكْثِرُوا منْها قَبْلَ أنْ يُحَالَ بَيْنَا و بَيْنها .•