عمري ماتوقعت هذا بيصير لي

1. السلام عليكم ورحمة الله وبركاته


2. مدري وشلون ابد في مشكلتي بقول لكم من زوجي

السلام عليكم ورحمة الله وبركاته

مدري وشلون ابد في مشكلتي بقول لكم من زوجي

زوجي جاف معي بس تجيه فترات يعطيني وجه كانت بينا مشاكل كثيره وكبيره بس قلت من طلعت في بيت لحالي واهله تحتي المهم بعد طلعتي غيرت من اطباعي تقريبا 80% صرت احاول اتفهمه بكل الطرق والحالات ونجحت الحمدلله بشهادة اخواته وشهادته وهوخف جفافه معي بس مافيه حوار بينا يعني مايقولي اي شي عنه وحتى لو مرض مايقولي وانا صرت زيه مااقوله اي شي عني مع اني اول احكي له كل شي في وش يصير معي بس بعد ماشفته كذا كيفت نفسي على اطباعه ورضيت واشغلت نفسي بعيالي وهم ولدين 5 سنوات و3 سنوات مرت 7 شهور واحنا على هالحال بس من شهر ونص تقريبا تغير صاريعاملني كأني عروس وش تبين وش تامرين اطلبي وانا انفذ فرحت بالبدايه وقلت الحمدلله ربي استجاب دعاي وحنن قلبه علي وسخره لي بس يافرحه ماتمت انقلب فجأه بدون سبب زعل حتى بدون ماأغلط عليه وماصار بينا اي مشكله حاولت افهم السبب معاملته الزينه فجأه وانقلابه فجأه مارد ماعطاني اي سبب احتسبت الاجر وقلت انا تعودت اطباعك تبلد قلبي من زمان رجعنا زي اول عادي ثم رجع بمعملته الزينه جت اهلي ظروف وراحوا عند اختي في مدينه ثانيه ينامون عندها يومين قلت لزوجي بروح معهم انام قال لا قلت والله ماتفقدنا حتى ترفض فتح لي محاضره انا افقدك وانا ابيك وش اسوي لك اذا ماصدقتيني المهم رحت مع اهلي وهو بين فترة وفتره يتصل ويسأل عني وعن عيالي وعن اهلي ورسايل بالجوال مع انه مايحب يكلم او يرسل بالجوال كثير واسغربت قلت يمكن عشان ظروف اهلي ونفسيتي تعبانه عشانهم يبي يخفف عني رجعت لبيت اهلي وجاء اخذنا في السياره شفت وجهه قلت فيه شي سألته مريض قال لأ وجلسنا على هالحاله 3 ايام بعدها في الصباح قبل لايروح لدوامه قال انه يبيني اكلم ناس عشان اقولهم اني موافقه على زواجه علي انا انصدمت قلت صادق تبي تتزوج قال ايه قمت طلعت من الغرفه وانا اصيح جاء قال انتي الاولة والغاليه وماراح ينقصك شي وانا ماجيت اراضيك جيت اعلمك بس انا مابعد دورت بس افكر بالزواج وراح وانا تقطع قلبي من الصياح
الظهر رحت دوامي جلست ساعه ماعرفت حسيت اني مخنوقه قلت له يجي ياخذني وجى ورجعنا للبيت وحاولت افهم وش قصرت فيه قال ماقصرتي ابد ومافيك عيب بس ابي اتزوج حاولت وحاولت انه يقول انه يمزح لأني ماصدقت انه بيصير ابد طلع وخلاني وانا اصيح وبس جلسنا يومين مانكلم بعض شفت اخته وقلت وسألتها بالله تقولي الحقيقه وقالت انه قايل لها بتزوج حاولت تعرف السبب ماقال لها نصحته انه يتمهل واني تغيرت ماصارت مثل اول بس قال لها بفكر رحت له اصيح واترجاه قلي وش تبي واسويه وش تبي واعطيك بس بدون اجابات مقنعه سألته بالله يرحمني وعياله ولا يخرب بيته بيده مارد علي ولواني اتحمل الجاره تحملت لاني احبه وعشان عياله بس والله شي صعب مره تنازلت في اشياء كثيره بس مقدر احد يشاركني في زوجي مستحيل اتخيله مع وحده غيري والله ان الموت اهون علي من اني اشوفه مع وحده ثانيه بعد محاولات قال خلاص يصير خير الصبح وجلست طول الليل مانمت اصيح واطلب ربي يصرف عني هالبلى وادعي على من شار عليه بازواج في الصباح فتحت السيره مره ثانيه قال قفلي الموضوع قعدت اترجاه واصيح انه يهون عن الزواج ترجيت وترجيت لين حسيت ان ذليت نفسي ذل عمري ماعشته وبعدين قال خلاص ماني متزوج بس اسكتي بروح لدوام ماخليته ترجيته يحلف على المصحف انه ماعاد يفتح هالموضوع ولا يتزوج علي رفض وقال انا كلمتي وحده ماصدقته لانه قالي كم مره كذا ويرجع في كلامه حاولت انه يحلف لي رفض وقال خلاص انهينا الموضوع وطلع وانا ماأطمئن قلبي وشلون اقدر ارتاح واطمئن معه اللي مرت مثلي تجاوبني نوروني الله ينور عليكم والله نفسيتي تعبت تعبت ابي ارتاح من تزوجت وانا في مشاكل يوم خفت بعد ماطلعنا وقلت الحمدلله استقرت امورنا وقلت بترك الحبوب عشان ربي يعطيني بنت لان نفسي ببنت من زمان بس جاب لي سيرة الزواج ماقول الا حسبي على من يتسبب في خراب البيوت من اللي يشاورون بالزواج على زوجته الله لايوفقه دنيا ولا اخره الله يورينا فيهم عجايب قدرته من يفرق بين زوج وزوجته ادعولي انه يسخره لي ويصرف عنه الزواج ويصرف عنه النساء كما صرف عن يوسف النساء طولت عليكم بس والله من شي في قلبي لا تلوموني!!!!!!!!!