عنايه للشعر تمنع التساقط وتطول الشعر وتكثفه على نظافه وبدون خلطات يوميه وريحة وحوسه

1. ثاني شي قلنا ( انبولات فيجي )


2. واسبوعيا حنه وسدر بهالخلطه

بسم الله الرحمن الرحيم
شلونكم حبايب قلبي
حبيت افديكم بعنايه حلوه للشعر
بدون حوسه وخلطات يوميه وريحة ثوم والا ريحة حلبه وغيره
هالبرنامج راح يخفف التساقط ويطول الشعر ويكثره باذن الله مع الاستمرار
بسم الله وماشاءالله
نبتدي
في شي يوميا وشي يوم وترك وشي اسبوعيا
انا افضل السبوح يوميا وعقب السبوح استخدمي تونك سورسير يوميا عقب الشور على فروة راس نظيفه مع التدليك الخفيف واهوا يخفف التساقط ويطول الشعر وينبت شعر يديد
هذا اول شي ( تونك سورسير )
يوم وترك انبولات فيجي تستخدمينهم عقب الشور تحطينهم وتدلكين فروة راسج عدل واماكن الشعر الخفيفه ولمن تدلكينه عدل تنطرين شوي وبعدين تحطين تونك سورسير لان قلنا تونك سورسير استخدام يومي

ثاني شي قلنا ( انبولات فيجي )

واسبوعيا حنه وسدر بهالخلطه

( 6 قفاش حنه يمنيه نوع جيد + 3 قفاش سدر + قفشه صغيره ملح ناعم + قفشه صغييره شاي ورق+ قفشه صغيره نسكافيه العادي ) تخلطينهم في ماي حار وتخليهم على الاقل 6 ساعات بعدين تدفين الحنه اشوي بماي حار او تسخنينها اشوي وتحطينها على راسج دافيه اشوي مو حاره ههه لا دافيه حلوه بس الملح والقهوه والجاي ذوبيهم اول بماي بروحه بماي حار بعدين خلطيهم معاهم احسن وخلي هالخلطه عليج فوق ال4 ساعات ولفي راسج عدل بشيله قطن ودفي راسج عدل مدل عشان ماتصير عليج بارده الحنه ترا مو زينه اذا بارده تصدع الراس خليها دافيه ولفي راسج بربطتين ثلاث وغطي بشال او شي متين عشان يستفيد الشعر عدل وهالخلطه ريحتها حلوه حتى تنظف فروة الراس وتخلي ريحتها فررش ونظيفه
وللعلم انا شعري دهني ما احب احط دهون وزيوت
اللي شعرها جاف ممكن تستفيد وتسوي حمام زيت مره كل 10 ايام بصالون معروف او تحط زيت زيتون اصلي او زيت النارجيل جوز الهند البنفسجي
وانا افضل هالانواع من الشامبو ( شامبو الاطفال جونسون - شامبو سلفكرين بالبيض او بالزيوتن- شامبو فيجي لتساقط الشعر - شامبو سورسير)
ونصيحه اخيره كثري شرب ماي وعصير برتقال هالشيين حلوين للشعر ولمعته وصحته
ماشاءالله
اتمنى تستفيدون مثل ما انا استفدت
منقول للفايده