عندج شيله وتعفسه وخايفه تغسلينها تعاوا عندي الحل

السلام عليكم آنساتي
وفراشاتي الحلوات
كلكم تلبسن شيل حرير ومع تكرار اللبس تتعفس الشيله وتتكفس وكل شيء وندري انه اذا غسلناها بتستوي كأنه عالجها تيس(2)
لكن في طريقه عبقريه عشان تغسلين شيلتج بدون ما تتعفس والله تستوي كأنها جديده توج شاريتها يلا بدينا بسم الله:-
أولا: إطوي الشيله وسويها صغيره كأنج توج مطلعتها من جيسها إطويها وسويها مربعه.
ثانيا:أخذي برميل فيه ماي وحطي فيه صابون لوكس اللي نستخدمه لغسل المواعين والصحون وحطي كميه مو قليله وايد ولا كثيره وأخلطيها في الماي .
ثالثا:دخلي الشيله في الماي والصابون وطلعيها كذا مره نقعيها وطلعيها بسرعه دخليها وطلعيها كم مره ولا تعصرينها كوني حذره لا تعصرينها.
رابعا:طلعيها من البرميل وحطيها تحت صنبور الماي وشغلي الماي عليها وضغطي عليها واهي تحت الماي عشان يطلع الصابون بدون ما تعصرينها خليها تحت الماي الين ما حسيتي ان مافيها صابون ولا تعصرينها حتى عقب ما تسكرين الماي.
خامسا:حطي الشيله في وسط فوطه واطوي الفوطه والشيله داخلها.
سادسا:أكوي الشيله وفيها الماي عشان ترجع لج جديده.
وبس بس لا تعصرونها اذا استوى فشيلتكم شي ترى والله اني جربت ورجعت شيلتي جديده جربوا وجوفوا الوصفه السحريه