عندك خدامه تعالي ابيك شوي

أهلين يابنات وش أخباركم ان شاء الله تكونون بخير نفسي اليوم تناقش مع بعض وبكل صراحه عن وجود الخدامه في البيت بدون حاجه ماسه لها يعني بيتك صغير ضيوفك قليل ماعندك وظيفه ماتعانين من أي مرض طيب ليش جايبنها ؟ لأن والله انقهر من حال بعض الحريم تعاني من كسل ورباده وضيقة صدر وسمنه مفرطه تلقين الوحده عندها بزر ولا بزرين وجسمها رايح فيها فالحه بس في الأكل والنوم ومشاكل مع الزوج ساعه تقولك زوجي يتحرش بالخدامه ساعه تقولك الخدامه عيونها زايغه على زوجي ومن ذا الحكي واللي تقول زوجي خانني مو شرط مع الخدامه لا برا والسبب اهمالك لنفسك لأن وجود الخدامه في البيت يحرمك من اللبس اللي يحبه الرجال ويحرمك من الجسم اللي كل رجال يتمناه لان بتكون عندك زياده في الوزن من كثر ماانتي جالسه وهذا كله بسبب الفراغ لو الوحده قامت ببيتها وزوجها بنفسها وقسمت شغلها بالله بتلقى وقت لها المشاكل ؟ أنا أبي الكل يتفاعل وكل وحده تشوف السلبيات اللي كتبتها وتطبقها على نفسها وتشوفين هل هي موجوده فيك ولا لا واتمنى من كل قلبي أن كل وحده عندها مشكله في بيتها بسبب خدامتها تذكرها عشان الكل يستفيد وياليت يجي وقت ويمنعون الاستقدام عشان يصيرون الحريم مثل حريم اول ماشاء الله عليهم نشاط وحيويه وسنع ومشكورين والله لايحرمني منكم