عندك موقف طريف اومحرج مع زوجك تعالي

وهذي بعض المواقف لبعض البنات تفطس ضحك
1
هذي وحده من البنات تزوجت وراحت للخارج مع زوجها بعثه للدراسه له ولها..
.المهم شافت ذا الحمران العطران ورومنسيتهم قالت خل اسوي مثلهم .
.وخاصة انهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسه الهاديه.. فقامت يوم من الايام قبل ماتروح للمعهد قالت
خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفه ومن ذا الحركات.
..قالت إذا رجع وشاف الحركات هذي اكيد بيستانس شوي...المهم يوم رجعت من المعهد
شافت زوجها نايم في الصاله عاد هي استغربت وراه تارك السرير ما امبطح عليه...ويوم صحى
وسألته قال الله يصلحك وش انتي حاطتن لي من هالعشب على السرير وشلون انام عليه(الله يقلعه مايميز بين الورود والعشب).
...بالله مو المفروض تنثر على السرير تين شوكي عشان يتأدب
2
هذي وحدة تقول مره وصلني زوجي للمدرسه اللي كنت معلمه فيها الصباح قلت له وانا نازله راح اشتاق لك ياحبي.... قال انزلي انزلي لا تروح عليك الحصه الاولى ..
آآآآآآه بغيت اصفعه بالمسطره ))
3
وفي وحده لاهي ولازوجها يدلون الرومانسيه وكانت بيوم راح تنقل لبيت ملك المهم شارت عليها
إختها إنها تشتري حركات فطلعت مره هي وزوجها يشرون شموع اشكال والوان وبعد فتره هي كان
زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس
شاف الدنيا ظلام يوم دخل على زوجته ولع النور وطفى الشموع قالها الله يهديك الحين أنا شاريهن لاطفى الكهرب
قمة التحطيم

هذي وحدة تقول مره وصلني زوجي للمدرسه اللي كنت معلمه فيها الصباح قلت له وانا نازله راح اشتاق لك ياحبي.... قال انزلي انزلي لا تروح عليك الحصه الاولى ..
آآآآآآه بغيت اصفعه بالمسطره ))
هههاي
ربي فطست ضحك مسااكسن من جد
ضباان ---

ههه
مواقف من جيد توحفه
طيب انا مره صارلي هالموقف
كنا طالعين بالدرج
وانا طالعه قبله وامشي
قام يقول وش هالمشيه الدلع وش ذا الغرور
والله بس خلص كلمته طاخ طحت من طولي
واستحيت قعدت اضحك وهو يضحك
يعني من جد كان موقف يضحك قمت قلتله انت عيونك حاره
<<تقلب السالفه عليه خ
...
وفي مره موقف قالي قومي سوي قهوه
قلت مافيني حيل تعبانه
قام قال قدام امه وخواته بصوت عالي شوفوا فلانه السودانيه وطاح وجهي وتمنيت الارض تبلعني
خ((عذرا لاخواتي السودانيات))..
ودمتم

ههه كملو

ههه
يسلموا

هذي وحده تقول اول ما تزوجت كنت ادرس وكان يوديني زوجي للجامعه وياخذني ..
المهم .. انا جالسه انتظره وكنت واقفه في الشارع واشوفه بعد كم سياره .. المهم جلست استناه
يوم وصل عندي .. وانا امشي بغنج الا واطيح ذيك الطيحه طراخ
جلست على ألارض ما يشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي !!
موقف اخر
بقولكم اليوم عن وحده اعرفها اول ايام زواجها تقول كنا طالعين واحتجت الحمام مره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خ

ههه ههه
وش هالموآآآقف ... أن شآء الله مآنطيح فيها
تسلمين يآقلبي

خ
اما راعية الزيتونه خ نكته

موقفك مع النقاب ههه
اشوى انك ماخربتيها وسويتي اللي فهمتيه ههه