عندي الحل لمشاكل شعركم كلها والله العظيم عن تجربة

1. وطريقه استعمالي له كالتالي:


2. بأول اسبوعين استعمله مرتين باليوم الصبح مرة وبالليل مرة

السلام عليكم ورحمة الله وبركاته
اول شيء اهنيكم كل فراشه بالمنتدى هذا الحلو واقول لكم كل عام وانتوا بخير بمناسبه شهر رمضان المبارك عسى ربي يعيده علينا كل سنه وانتوا بخير
نرجع لموضوعنا اليوم جبت لكم شيء يخلي الشعر روعة والله يشهد على كلامي وفوق كل هذا بعيد عن الخلطات والريحه اللي مو حلوة وهو:
تونيك اميرا هذا سلمكم الله تلقونه بالصيدليه او الجمعيه اثنينهم فيه بس انصحكم تاخذونه من الجمعية لانه ارخص
وترى فيه منه شامبو بعد بنفس الاسم (شامبو أميرا )

وطريقه استعمالي له كالتالي:

بأول اسبوعين استعمله مرتين باليوم الصبح مرة وبالليل مرة

وثاني اسبوعين اللي بعدهم صرت استعمله مرة بالاسبوع واحسن شيء حطيه بالليل بتحسين فروة راسج بارده والله يا بنات شعري تقدرين تقولين خف التساقط بشكل كبير صار ما يتساقط الا جم شعره بس قولوا ماشاء الله .....وهو زين ترى للقشرة بعد واللي شعرها خفيف راح يكثفه
بس ملاحظة مهمه ترى بثاني اسبوع راح تلاحظين تساقط الشعر راح يزيد وهذا بيكون فتره الشعر التعبان بس بثالث اسبوع بيخف بدرجه ملحوظة
وانا بعد هالاسبوعين ان شاء الله راح استعمله من 3 الى 2 بالاسبوع وخلاص نتايج ولا احلى جذيه مرتاحه من غير تعب
والله يا بنات شعري صار احسن وانا ما حبيت اقولكم عليه الا من بعد ما شفت النتايج بعيني احسن من الخلطات اللي تاخذ مننا وقت وفوق هذا تكون لها ريحه مو حلوة انا هذا التونيك ريحته روعة يعني ما راح تزعجج ان شاء الله
وعلى فكرة بنات انا احني شعري بالاسبوع مرة اغلي الحلبه تقريبا ثلاث ملاعق مع كوبين ماء وبعدين اصفي الماي واخذ الماي بس واخلطه مع الحناء من الليل ومثل باجر احطه بشعري من 4 الى 5 ساعات
واي سؤال انا حاضرة وماتنسونا من دعاويكم الحلوة مثل ما عودتونا