عندي مشكله وابغى حل بسرعه

السلام عليكم
عندي مشكله مره كبيره وابغالها حل بسرعه بس ابغى حلول منطقيه
هذي صديقتي مشكلتها مع زوجها والشغاله
هي واثقه ان مابينهم شي اصلا زوجها مره محترم والشغاله كبيره بالسن
المشكله انه طايحله بموال له كم يوم يسال عطيتي الشغاله اكل ولو كانوا بيطلعون يجيها ويقول لاتنسين تقولين لها تتعشى
ويشتري بطاقه اتصال ويلح على صديقتي اتها تكلم لها وصديقتي ماتقصر تكلم بس اهلها مايردون ويجي كل شوي ويذكرها
واشياء كثيره من هالقبيل والمشكله انه يعرف ان صديقتي تغار وهي دايم تقوله مالك دخل ترى هذا الشي ينرفزني ويزعلني وهو ولا هامه
المهم اليوم جابو غدا من برا ولما حطته صديقتي على السفره وقعدت تنكب الغدا بينهم بقى قطعتين دجاج وحطت وحده بالحافظه للشغاله والثانيه حطتها لها جاء قال حرام الشغاله مالها قالت فيه بالحافظه قال لا مافيه قالت والله فيه قال اقول مافيه جت صديقتي عصبت واخذت قطعت الدجاجة ورجعتها الحافظه وقعدت من غير شي قام ابو الشباب يهاوش ويقول اللي ياكل على ضرسه ينفع نفسه واحسن قومي ولا تاكلين وانا ماسويت شي يزعل ومن هالكلام جت صديقتي عاهدت نفسها انها توضع حل لهلمشكله اللي مضايقتها من مدة وزعلت جاء يراضيها وعيت ترضى طبعا لانه مااعترف بغلطته ومصر على انها هي الغلطانه وصارت مشادات بينهم وكبرت السالفه وهو يهدد بالطلاق
تكفون نبغى حل يرضي الطرفين ومايظلم احد
وان جيتوا للحق صديقتي عمرها ماظلمت الشغاله بالعكس ساعات تبديها على نفسها