عودة قوية برجيم اللبن والتمر اللي ماهي متحمسه لا تدخل

السلام عليكم
كيفكم بنات ...؟؟؟؟
حبيباتي ايش رايكم مين تبدأ معايا رجيم اللبن والتمر
نفسي مايجي العيد الا واحنا سمبتيكة ...وصرراحة فيا حماس ماتتخيلوه
والله تعبت من السمنة والملابس الضيقه ..كان وزني 60 وفجاءه صرت 73 في 8 شهور
انا باقولكم نظامي واللي حابه تبدأ معايا تسجل وزنها عشان نشجع بعض
حأفطر5 تمرات وكاسه لبن او زبادي علبه بس المهم تكون اكتيفيا عشان الامساك
وبعد المغرب باشرب شاهي اخضر مع بردقوش منها ينحفني ومنها ينظم لي الهرمونات وبعد العشا باتقهوي ومعاها5 تمرات كمان
وبعدين باسوي لي ترمس كبير شاهي اخضر وزنجبيل اتسلي عليه للسحور والسحور 7 تمرات وكاسه لبن
كدا المجموع 17تمره و3 كاسات لبن
وطبعا مشي كل يوم لا يقل عن نصف ساعه
وبعدو عن اي اشخاص تحسوهم حيأكلولكم انا عني ما باطلع لاهل زوجي الا ليله العيد
واللي تحس وزنها ثبت تكسر بيوم بس اشياء خفيفه
هاا مين تبدأ...؟؟
انا وزني 72