غرفة المعلمات خآآآآآص ببنات التطبيق

جبت لكم نصايح بنات طبقوا ..
إن شاء الله تستفيدون ..
أبقول لكم خلاصة تجربتي :
أول يوم أو يوم المشاهدة لا تقيسين عليه أبد ومسألة إن البنات مزعجات ومراهقات ومايسكتون أبد هذا شيء لابد منه أهم شيء قلة الأدب الزايدة وأنتِ بطريقتك تقدرين تكسبينهم .
إذا دخلتِ الفصل مهما كانت نفسيتك ( خايفة , معصبة , مبسوطة , تعبانة , مستحية )لا تبينين لهم وحاولي تكونين ملتزمة بهدوئك وصمتك طول الوقت خصوصاً أول ماتدخلين وعادي لو تجلسين عشر دقايق وشوفي شلون صمتك راح يأثر عليهم ويسكتون غصب عنهم وبدون أي مجهود منك .!
لا تكثرين النقاش معهم ولا تصارخين عليهم ولا تدققين بأي حركة تصير داخل الفصل وأنتِ تشرحين خلي لغة التفاهم ( العيون ) أسهل لك بكثير وأريح لأعصابك .
قبل كل هالأشياء توكلي على ربك وإدعي إنه يسخرهم لك وأخلصي النية لله
نصيحه
- خليك على نفس شخصيتك لا تتصنعين وكل مازاد احترامك لهم زاد احترامهم لك
- اللي تقلل أدبه غيري مكانه
- لاتستعجلين على الهواش خلي نظراتك هي سلاحك
فيه نقاط حلوه اثناء ماانتي تشرحين :
- حاولي تسوين لدروسك عروض او لوحات او اي شي يساعدك بحيث لو نسيتي نقطه يصير مرجع لك ..
- لا تركزين على بنات معينات ( سواء اثناء الشرح او بالمشاركه ) < خلي نظراتك على الفصل كامل وحاولي كل الفصل يشارك معك ..
- شفتي بنات يتكلمون وسط الحصه ومشتتين انتباهك لا تصارخين عليهم ولا تسكتينهم فقط فرقيهم حطي كل وحده بمكان أختصار للوقت عشان ماتضيع الحصه
- حاولي تسوين وسائل تعزيز للطالبات
برب

الله يسعدك كانك حاسه فيني
انا عندي السبت شرح وشايله هم

خديجه بنت خويلد
الله يوفقك .. وييسر أمرك ..
بقول شي بما أني طالبة ..
البنات يكرهون اللي تعصب وتصارخ .. ويتطنزون فيها ولاعليهم منها ..
بس اللي تصير ساكته وتتعامل بالنظرات وربي نخآآآآآآف منها ..
نحسها هيبة وشخصية .. بس اللي تصارخ ندري ان ثقتها بنفسها مهزوزة ..
عشان كذا نمسكها تعليق من هنا لين بكرة ..
موفقين حبآآآيبي ..
<< الله يجنبكم البنات اللي مثل بنات مدرستنا خ

أول شي احذري ااحذري انك تتصنعين شخصيه ..!
انا والله مو مدح لنفسي .. بس ماعمري دخلت فصل قل ادبه عندي الا واحد ..!لان ماعرفت اتعامل صح والسبب خطأي طبعاً لان اللي معي اجبرتن على تصرف كانت حابته وكان انتظارها وانا مرافقه معه لذا فضلت اللي تبغاه هي .. والتصرف انه تسكر الباب ونجلس برا ..
والطريقة هذي مو طريقتي ..
نجي نشوف ..
بالنسبة للإنتظارات اذا كنتْ مشغوله وحابه اقرا او اي شي عندي..
ادخل عليهم .. واعطي نظره شامله للكل كلها احترام << يعني مو تحدي
راح يكون فيه بعض منهن ماجلسن هنا راح اتكلم انهن يجلسن بشي من حده كبيره ..بعده اسلم واخبريهن ان هذي حصة انتظار وسولفن وخوذن راحتكن بس بهدوء
الوقت هذا ملككن انتن .. و خلي الباب مفتوح واجلسي متطرفه وشوفي شغلك .. طلعت اصواتهن .. لاتسكتين حاولي تكلمينهن وقولي انا طالعة شوي علشان تاخذن راحتكن مو تزعجن وترفعن اصواتكن ومن هالكلام ..
أما اذا دخلت وانا فاضيه ماعندي شيءنفس الحكايه بس من بعد ماخبرهن ان هذي حصة انتظار اخيرهن حابين تسولفن وتاخذن راحتكن لحالكن ولا ندردش مع بعض .. ان قالوا لا بنسولف لحالنا قولي اوكي بس بهدوء واطلبي كتاب اواي شيء تتسلين فيه وان قالوا لا بندردش معاك قولي خير وبركه
أنا اول شي اتعرف على الاسماء واي بنت حركه او عليه شوي حركات من بعد مااخذ اسمه اقول .. والنعم .. << راج تفشل
وبعدين اقول تبغون موضوع انتم ختارونه ولا انا اقول << انا دايم يقولون انتي قولي ..
افتح اي موضوع حساس لهن ومناسب لعمرهن ..
اما عن الاعجاب .. الصداقه .. وقت الفراغ ..<<باسلوب سلس جداً
واعطي الفرص لهن بس بشكل منظم واحذر ان يكون فيه فوضى اثناء النقاش
هذي بالنسبه للانتظارات وفيه كثير عارضن بمسألة الدردشه معهن لكن هذا الشي من منطلق قاعدة وضعته لنفسي ( احب ان اضع بصمتي في مكان ذهبت له ولو بالبسيط ) وايام التطبيق ايام كثيره ..!
اما الدرس ..
كان من اهم شروط المشرفه واللي يتحكم بالدرجات بشكل كبير لنا ضبط الفصل ..!
فأول ماادخل نفس الحكايه ايضاً اعطاء النظره الشامله << وانا ركزت عليه كثير لانه فعلاً تبث في نفس كل طالبه انك حاطه العين عليه وشايفته ..!
بعدين السلام واسئلة الدرس السابق وابدا بالدرس ..
اثناء الدرس خلك حركه شوي .. خلي حركات الايدين تلعب عندك لان هذا يجذب .. اثناء الشرح حاولي تشرحين للجميع مو تركزين على كم من بنت خلال النظرات .. في حالة عدم المشاركه انتي قومي بنات ..
انا بحكم اللغة الانجليزيه كثير مااقوم بنات اما تبتسم واكلمها عن سبب الابتسامة واضغط عليها بهدوء .. تقول مااعرف ..!
اقول مافيه شيء اسمه مااعرف انه هنا جينا علشان نعرف ونتعلم .. ومااجلسها لمين مجاوبه طبعا باخر لحظه من بعد مايئس اقول الاجابه وتقولها وراي ..من بعده لازم اشجعها واثني على حسن التجاوب
ايضاً شيء شفته حلو .. اذا تجاوبت معك طالبه اكثر من مره قلي قبل ماتجاوب وش اسمك .. وامدحيها << راح يتشجع الغير لمدحك ولاتبخلين
اذا انتهيتي من درستس قبل انتهاء الوقت .. لاتطلعين خليك داخل الفصل .. اسألي عن اسمائهم والمتفوقات ..الخ << هنا انتي تدرجتي معهم من الشدة للين وهذا هو اللي يسبب الانضباط وعكسه الفوضى ..
عمر الهيبه ماتجي بالصراخ بالعكس تدل على ضعف وشخصيه مهزوزه
إذا دخلتي على أحد سلمي ترى السلام لله
إحترامك لغيرك هو إحترام لذاتك قبل كل شيء
أنآ أقولتس من سآبق تجربه ببنآت الكليه لآ صآرن معلمه ]
- لآ تعطين البنآت وجه ترآ يتمآدن أحيآناً ,
- خلي أسلوبك على مآ قآلوآ البنآت ب النظرآت لآ تهآوشين ,
- وخليك محترمه أهم شي ولآ تصآرخين أبداً أبداً ترآ الصرآخ شين والهوآش بعد ,
- لآ تآخذين وتعطين مع البنآت وضحك وسوآلف حركه شينه أقوى شي ,
- أحسن طريقه بالإنتظآر تجبين معك قلم وورقه
وتكتبن أسم أي بنت مشآغبه وعلى طول للوكيله ,
- فيه بنآت لآبد واللقآفه منهآ إيش أسمك أو وشي عآيلتك
لآ تقولين لآ لآن ترآ رآس مآل البنآت جآيبن أسمك جآيبنه ,
- وأدَّي وآجبك بأكمل وجه وخليك مستعده نفسياًً وتصرفي بطبيعتك ,
1-طبعا لاتصارخين أبد بس طيري العيون ولا ناظري بإستحقار إذا ماأعجبتس شيء .
ولو شفتي وحده تغش من الكتاب أو معه شي مخالف لاتقولينله سكريه إمشي وأنتي تشرحين وخوذيه منه بدون ماتقطعين الشرح
2- إذا نسيتي شي من الشرح لا توضحين للبنات مثلا(أنا مره أقول للبنات نقاط ونسيت الأخيرهوعجزت أتذكرة قلت
يالله يابنات من تعيد النقاط اللي قلتهن وتقوم كل بنت تقول نقطه وأنا أفتح دفتر التحضير وأقرأ النقطه الي ناسيته
وأقوله لهم
صديقتي كانت حاضره الدرس معي تقول مابان عليتس إنتس نسيتي شيء )
3- أول ماتدخلين بينطن البنات تسمحين أروح أودي دفتري ، تسمحين أروح للباث روم قوليلهن إن خلصت الدرس
أطلعكم خ
4- حاولي إنك تكتبين بعض المعلومات على السبوره تساعد البنات إنهم يحفظونهن مثل الارقام , المدن , التواريخ
أي شي مهم إكتبيه باالهامش الي هو آخر السبوره
موفقين ..

والله انا اطبق بس المدرسه اللي اروحلها مدري كيف نحضر حصص بس وعندنا احد بالكلاس يعني التقييم مدري مين بقيمنا يمكن عشان تخصصي صعب شوي عشان كذا مانطبق ممكن ؟!! دعواتكم بنات

وعليكم السلام ورحمة الله وبركاته
"
غاليتي:
أعجبتني كثيرا فكرة الموضوع . ولكن أتمنى أن يبقى المغزى من الموضوع .
وألا يكون للطلبات أو أن يصبح مجالا للدردشة. وإلا سأضطر إلى إغلاق
الموضوع.
"
بارك الله فيك ورفع قدرك في الدارين.
"
وتستاهلي التقييم والتثبيت.

}{ عشرة نقاط مهمة لك غاليتي حتى تظفري بدرس نموذجي}{

السسلآم عليكم ورحمة الله
الله يسسعدك يً "غرآسيآس" الموضوع جاء بوقته
انا عندي تطبيق الترم الجآي :(
ومرآآآآآ شآيله همة مو عآرفة كيف ح اتصصرف ولآكيف بششرح <~وحدة تكره التدريس هع
آلمشكلة مو هنآ ! آنآ بسس خايفة من "حوبه" بنات التطبيق ايآم مآكنت أدرس !
والله يً كنآ نستهبل عليهم آنآ وصحبآتي ! لدرجه غير متصورة !!
ودحين جاء دوري !
يً رب تستر عليآ
* أتمنى الموضوع يلقى صصدى وتفآعل بين بنآت التطبيق والمعلمآت الخبره