غرفة نوم اخو زوجي كابوسي يارب فرجها

السلام عليكم ورحمة الله وبركاته
مشآكلي ما تخلص ، ولعل الفرح قريب يارب
بنات الحمد الله على كل حال
لكن انا كل ما ارتحت فترة وقلت راح اتحسن وتتحسن نفسيتي وراح اشوف الحياة بشكل احسن
يطلع لي شي يرجعني للصفر
الحمد لله على الحال
انا لي فترة مريحة نفسيتي رغم كل الظروف ورغم برنامج جدارة ورغم كل الضغوط
أولاً زوجي عنده اخوه اكبر منه بسنين ، وما شاء الله دخله هو وزوجته عالي حوالي ال24 شهرياً ماشاء الله الله لا يضرهم
ومحد يقدر يطلب منه ريال لانه ما يعطي احد وجه
الا زوجي كل راتبه 3000 ولله الحمد وما يطلبون الا منه ، لانه يسكت
هذي اول مشكلة
ثاني مشكلة
اخوه هذا غير بيته وغير غرفة النوم
طبعاً نحنا بعنا غرفة نومنا من زمان لانه احتجنا فلوس ومحد طالع فوجيهنا
قام اخوه قال بدال ما ارميها اخوي اولى
وعاد هو عطاها زوجي بحسن نية ومساعدة والله يجزاه خير
انا يوم قاللي زوجي قلت لا ما نبغاها عادي انا ارتاح اذا نمت عالارض ،
وكان ذاك اليوم معزومة عندها رحت وبكل ثقة لاني ما اخذتها ف مالها شي عندي عشان تعايرني فيه
رجعت البيت لقيت زوجي ركبها ، ومسويها مفاجئة يحسب اني بافرح ما يدري انها بتسبب لي نكد
الغرفة حلوة ماعليها ونظيفة وما قصروا صراحة مدوا لنا بشي زين
بس الكرامة
نظراتها لي يا ناس تحسسني انه لها افضال علينا
طبعاً هذي السالفة قبل رمضان باسبوع
حاولت فزوجي نبيعها وبفلوسها نشتري سرير ودولاب أو غرفة وطنية
مارضى يقول الوطنية يومين وتتفكفك وغرفة النوم مقفلة محد بيشوفها
المشكلة انها تشوف نفسها علي خلقة ..... من قبل الغرفة
رغم انها اكبر مني بكثير
اذا جلست تتكلم عن الحمل وما الحمل رغم اني احيانا اكون بالصالة وهي بغرفة ثانية ما اسمعها تفتح السيرة
بس اذا جلست
لدرجة مرة سلفتي الثانية وحماتي وجارتهم جالسين على صحن في العشا
وانا جالسة معاهم
وكلهم ما شاء الله حوامل
جات اختها وهي حامل وما لقت مكان تجلس
حزنت عليها حامل واكيد جوعانة وقمت عشان تجلس
قالت سلفتي ام الغرفة :: اصلاً هذا الصحن للحوامل بس وضحكت
مدري هي ضامنة ان عيالها يدومون لها ولا ايش
هي ضامنة ان العز اللي هيا فيه يروح ولا لا
احيان احسها طيبة معايا
واحيان احسها تشوف حالها علي
ما عرفت لها
وذلحين كل ما اتذكر انه في يوم بتجيني ويمكن تشوف غرفتها مدري وش ممكن تسوي
أحس نفسيتي عدم
يآرب لا تحرمني الوظيفة و الذرية الصالحة في هذا الشهر الكريم
بنات ادعولي الله يرزقكم
ودي بوظيفة و تتحسن احوالنا وودي نتعالج ونروح دكتور زين بدال مواعيد الحكومي بين الموعد والموعد 3 شهور
والتحاليل شهرين
ادعولي بالذرية الصالحة فهذا الشهر الكريم
بنات احيان لما انسدح صرت اتخيل انه عندي نونو
وانه نايم جنبي
واخاف انقلب عليه
صرت اصحى بدري وا اخفف نومي عشان اذا صار عندي نونو ، وبكى اصحى ااكله
اصحى ارضعه من صدري
اغير له
امشط شعره
اناغيله
ههه
يا عمري على الاطفال
ااكله واشربه ينام جنبي
ادفيه
يلعب معايا
يلف اصابعه الصغيرة على اصباعي
الله يا بنات
تدرون اني شاريه لوشن الاطفال عشان بس اشم ريحتهم
تجنن ريحتهم
الله يرزقني واياكم الوظيفة والذرية الصالحة وكل ما تشتهون .. اتابعكم من الجوال