فاتحتي خطيبك في موضوع تأجيل الحمل

حبيبتي اول شي الف الف الف الف
والله انا توني ما بعد انخطبت عشان يكون عندي معرفه
بس حبيت ارفع لك الموضوع

عمري هو اللي طلب مني اني انا ناجل موضوع الحمل شوي<<انا طرت من الفرحه وقلت ايوه بليز قالي خلاص اوكي.......
يعني اهو اللي بيقولك اصلا وده يشبع منك بيقولك والله اغار ع اطفالي ياخذونك مني؛؛ههه
رحت للدكتوره قالت لي تعالي ع شهر 6<<احسها بدري مره..........
والله ودي بنونو بس اخاف الدلع يروح مني...ودي ادلع والعب واعيش 6 شهور وناسه..بعدين يجي نونو

اب

بصراحه انا فاتحته وياليت مافاتحته
فهمني غلط
وماحسيته تقبل الفكره
بس زوج عن زوج يفرق بعضهم يتقبل وبعضهم لا

اب

هلا حبيبتي
انا اتزوجت السنة اللي راحت في رجب وكده كنت اقوول تأجيل وماادري ايش وهو كمان يقول بندلع بعض اكثر
بس سبحانه ربي حملت بعد شهر وكانت ردة فعلي اني فرحت من قلب لانه احساس غير صدقيني
وهو كمان كان فرحان اكثر مني ..
دحين جاني ولدي فوفو
صدقيني شوفته تغسلي قلبي ربي يخليه لي يارب
خلي الموضوع على ربك وعلى التساهيل احسن
الله يوفقك يارب

انا فاتحته قلتله ما ابغى احمل ن بدري وكدا
قالي خليها على ربنا
ماعنده مانع هوا
بس شكلي حفتح الموضوع معاه تاني دا الاسبوع
ابغى اسمع منه هرجة اكيدة

ا نا فاتحته بعد في الموضوع
قالي اوكيه لا تحملين بدري
بس مونع لالالالا
يعني حاجات طبيعيه مو مضمونه بس بحاول اقناعه اني استخدام منع حامل
عشان هو كان يشتغل بمستوصف شاف كثير قصص من المونع الحمل وخاف علي بصراحه اقناعني بكلامه

حبيبتي ما نصحك بمانع حمل ابدا
ممكن تضبطي دورتك الشهرية مع الدكتورة وتقولك على الايام اللي سبحان الله يقولوا عنها عقم طبيعي
ما يصير فيها حمل وفي ايام تكون البويضه جدا نشطة وتضبطي مع زوجك
اما موانع ابدا ما انصحك لا انتي ولا اي احد
اعرف كذا وحده من قرايبي استخدمت بحجة الدراسة والآن 4 سنين من دكتور لدكتور عشان تحمل
لأنها خربت على نفسها بيدها
انتبهي يا اختي
وتقدري تفتحي معاه الموضوع بطريقه غير مباشره
فلانه صحبتي حملت بعد الزواج بشهر تخيل مسكينه مره تعبانه وحايسه واخلااقها صايره مره زفت
مع الوحام تعرف نفسية الوحده تتغير تخيل حتى ملابسها اللي اشترتها كرهتها مره استغربت منها
وزوجها مره معصب صاير لأنه ما انبسط الا اول اسبوعين
الله يعينهم
بتلاقيه اليوم الثاني قالك ايش رايك ناجل موضوع الحمل وننبسط سوا ونعيش حياتنا
الرجال مره يتأثروا بتجارب غيرهم ويحطوها بعين الاعتبار وهذي الفتره الرجال يحب يسمع
نصايح من اصحاب التجارب ويطبقها
في مواضيع لازم تسويلها مقدمات وولف ودوران عشان ما يفهمك غلط ويستوعب
وفي نفس الوقت يكون مقتنع
وهذا الاسلوب انا استخدمه كثير مع زوجي واحس مع اغلب الرجال يمشي
لا تقولي للرجال ابغا او حاسوي كدا كانه امر او فرض عليه رضيت والا ما رضيت لا ما ينفع كدا
قوليلو من باب اخذ الرأي والاستشارة والحيره وانك انت حبيبي اللي حتساعدني في حيرتي وتنصحني
الرجال طفل صغير قدام حرمته فاستغلي هذا الشي
وكمان لا تنسي تختاري وقت مناسب تفتحي المووضوع
وهوا رايق وانتو حلوين مع بعض عشان يتقبله بصدر رحب
والله يوفقك ويسدك والف مبروك مقدما
واسفه ع الاطاله
حبيت اوضحلك قد ما اقدر كيف توصلي له الامر بطريقه حلوه وما تزعله