فاونديشن المناسبات

الستك فاونديشن
لوز باودر ذهبيه بلمعه من ماك او شبيهتها من ميك اب فور ايفر
الدول فينيش البودره من كيرولاين
كيك فاونديشن
فاونديشنات سائله من ماك وكيرلاين وميك اب فرايفر اللي يناسبج اكثر انتي واختيارج
اللمعه اللؤلؤيه من كيرولاين

× × × 0 فاونديشن العرايس 0 × × ×
الطريقه الأولى : تناسب تقريبا اصحاب البشره الجافه والمختلطه
( 1 )
نحط الستيك فاونديشن من كيرولاين على كامل الويه ... وراح يعطي تغطيه لكل البقع والعيوب
وراح يكون كبيس حق الفاونديشن
( 2 )
نحط اي نوع فاونديشن انتي يناسبج على شكل نقط على كامل الويه ...وانا افضل فيتا كولر من كيرولاين وايد حلو ( اللي فجهة اليمين من الصوره )
( 3 )
بالاسفنجه نحاول انوزع الفاونديشن السائل بالطبطه وبرقه مو بدفاشه او تسحيب حتى يكون كل الويه متناسق..وتدمجيهم مع بعض
( 4 )
هذي الخطوة مهمه عشان يساعد على ثبات الفاونديشن اكبر قدر ممكن .... انا احب استخدم هاللوز باودر من كيرولاين وهي تقريبا تناسب كل البشرات ... بالاسفنجه وبالطبطه اوزع كل اللوز باودر على كامل الويه وراح يظهر اللوك المخملي للفاونديشن (:
( 5 )
عشان يكون الويه فيه لمعه لؤلؤيه ...بالفرشاه اخذي شوي من هالبودره ومرريها على كامل الويه بمقدار صغير مب وايد مثل طريقة ايمان السيد اللي تابعوها ..... او ... وانا افضل ان الويه مايكون فيه لمعه كبيره ممكن تستخدميها شوي على الخشم لتحديده ... او تحطيها تحت العيون عشان يعطي لمعة لؤلؤيه تحت العين ...طبعا اذا كان اللوك يناسب هاللون اللؤلؤي
او ممكن تستخدمي اللوز باودر الذهبيه الحلوه من ماك او ميك اب فورايفر ..واتمرريها بالفرشاه بخفه على كامل الويه او تحطيها تحت العيون بالفرشاه وراح يعطيج لوك رهيب وحلو خاصه الحنطاويات
( 6 )
نبدأ نشنغل على مكايج العيون ونحط طبعا لوز باودر تحت العين عشان تشيل المتناثر من الشادو بكل سهوله
اخر خطوه وعلى السريع بالكومباكت باودر من كيرولاين اللي اسمها دول فينيش... وعلى السريع انمررها على كامل الوجه ...لانها تنظف الويه وتعطيه صفاء ولوك مخملي صافي ونظيف
بعدها نحط البلشر والروج ونكون انتهينا (:
× × × × .................... × × × ×
هذي طريقة احمد قبيسي وتنفع لكل انواع البشرات وخاصه الجافه ...الطريقه الثانيه تنفع لاصحاب البشره الدهنيه ....
ملاحظه : الماكييره ايمان السيد تستخدم نفس الطريقه ... باستثناء اللوز باودر...يعني هي تسوي كل الخطوات وبعد ماتحط فاونديشن اتثبت المكياج بالكومباكت باودر...يعني تستغني عن اللوز باودر... واللي عنده السيديات بيلاحظ انها تستخدم نفس الخطوات وتقريبا نفس الماركات
تابعوني >>>>>

الطريقة الثانيه : تناسب البشرات الدهنيه
( 1 )
نحط الستيك فاونديشن من كيرولاين على كامل الويه ... وراح يعطي تغطيه لكل البقع والعيوب
وراح يكون كبيس حق الفاونديشن
( 2 )
هنيه الفرق بين الطريقه الاولى والطريقه الثانيه .... نستخدم الكيك فاونديشن بدل الفاونديشنات السائله او الكريميه .... وطريقتي اللي وايد احبها ودوم استخدمها ... اني استخدم فرشاة توزيع الفاونديشن من ماك ... ابللها بالماي وعلى الكيك فاونديشن واقعد الون الويه شرات اللوحه خ .... يعني بالفرشاه امرر الكيك فاونديشن على كامل الويه ...وهذي الطريقه تقلل من ظهور الدهون واتخلي البشره متماسكه ومايزيت الويه بعد فتره ... ونصيحتي للاخوات اللي يعانوا من بشره دهنيه .... قبل لا تبدوا اتحطوا الستيك فاونديشن ...يعني قبل لا تبدوا تشتغلوا وتحورفوا بويوهكم ...حطوا جل من ميك اب فور ايفر ...هالجل ينحط على الاماكن اللي اتدهن شرات الخشم والخدود من فوق...وخليه لين ماتتشربه البشره ... وبعدها ابدي اشتغلي على ويهج ...وبتلاحظي انه الدهون قلت بنسبه كبيره هذا اذا ماختفت اصلا (:
كل الخطوات القادمه نفس اللس سويناها في الطريقه الأولى
( 3 )
هذي الخطوة مهمه عشان يساعد على ثبات الفاونديشن اكبر قدر ممكن .... انا احب استخدم هاللوز باودر من كيرولاين وهي تقريبا تناسب كل البشرات ... بالاسفنجه وبالطبطه اوزع كل اللوز باودر على كامل الويه وراح يظهر اللوك المخملي للفاونديشن (:
يتبع >>>>>>>>>

( 4 )
عشان يكون الويه فيه لمعه لؤلؤيه ...بالفرشاه اخذي شوي من هالبودره ومرريها على كامل الويه بمقدار صغير مب وايد مثل طريقة ايمان السيد اللي تابعوها ..... او ... وانا افضل ان الويه مايكون فيه لمعه كبيره ممكن تستخدميها شوي على الخشم لتحديده ... او تحطيها تحت العيون عشان يعطي لمعة لؤلؤيه تحت العين ...طبعا اذا كان اللوك يناسب هاللون اللؤلؤي....
او ممكن تستخدمي اللوز باودر الذهبيه الحلوه من ماك او ميك اب فورايفر ..واتمرريها بالفرشاه بخفه على كامل الويه او تحطيها تحت العيون بالفرشاه وراح يعطيج لوك رهيب وحلو خاصه الحنطاويات
( 5 )
نبدأ نشنغل على مكايج العيون ونحط طبعا لوز باودر تحت العين عشان تشيل المتناثر من الشادو بكل سهوله
اخر خطوه وعلى السريع بالكومباكت باودر من كيرولاين اللي اسمها دول فينيش... وعلى السريع انمررها على كامل الوجه ...لانها تنظف الويه وتعطيه صفاء ولوك مخملي صافي ونظيف
بعدها نحط البلشر والروج ونكون انتهينا (:
تابعوني >>>>>>>

× × × 0 فاونديشن المناسبات المميزه 0 × × ×
هالطرق راح تكون مناسبه للي عندها زياره خاصه مثلا ...ولا سايره عرس ... وبعد الفاونديشن يظل ثابت ومايتشقق
الطريقه الأولى : اصحاب البشره الجافه
( 1)
نستخدم السوبرا كولر.... هذا الفاونديشن يعطي تغطيه كبيره واحلى شي حق اللي يعانوا بالجفاف لانه كريمي ..وبالاسفنجه ناخذ منهم وبالطبطبه نوضعه على الويه .... اذا بشرتج مافيها اي عيوب تقدري اتحطيه بكميه قليله ..واذا كانت فيها بقع واثار ظاهره .... تقدري اتحطيه بكميات كبيره ....او ...فيه طريقه ثانيه ... حطي الستيك فاونديشن اللي سويناه في العرايس...وحطي فوقه السوبرا بالاسفنجه ...طبعا هذا اذا كنتي رايحه لعرس يقربولج او تبي تكوني مميزه شرات شغل الصوالين (:
( 2 )
نثبت السوبرا باللوز باودر طبعا ..... وانتي واختيارج ...اللوز باودر اللي ترتاحي لها ..بس انا افضل حق المناسبات والاعراس استخدم هاللوز باودر من كيرولاين ...لانها تثبت الفاونديشنن بطريقه فعاله وكبيره
طبعا نحطها بطريقة الطبطه
( 3)
بعد مانشتغل على العين وانخلص منها ... على السريع نمرر الكومباكت باودر الي تفضليها على ويهج كامل عشان اتصفيه بشكل كلي.... وانا افضل حق الاعراس والمناسبات استخدم الدول فينيش من كيرولاين
وانكمل بعدين البلشر والروج واذا بغيتي اتحطي شوي لوز باودر ذهبي او لؤلؤي تحت العين او ع الخفيف على كامل الويه انتي وراحتج شرات الخطوات اللي في شغل العرايس
يتبع >>>>>>>>>

الطريقه الثانيه : لاصحاب البشره الدهنيه
راح نستخدم نفس الطريقه الفوقيه بس بدل السوبرا راح نستخدم الكيك فاونديشن (:
( 1 )
اللي يعانوا من بشره دهنيه واملعوزتنهم وايد فافضل شي انهم يستخدموا الكيك فاونديشن لانها تشد البشره وتقلل المسامات والافرازات الدهنيه ... طبعا انبلل فرشاة توزيع الفاونديشن بالماي وعلى الكيك فاونديشن وانحطه على كامل الويه .... او ممكن تستخدمي هنيه الاسفنجه بدل الفرشاه ...وهذي الطريقه نفسها اللي يسويها احمد قبيسي حق المناسبات والفنانات (:
( 2 )
نثبت الكيك فاونديشن باللوز باودر طبعا ..... وانتي واختيارج ...اللوز باودر اللي ترتاحي لها ..بس انا افضل حق المناسبات والاعراس استخدم هاللوز باودر من كيرولاين ...لانها تثبت الفاونديشنن بطريقه فعاله وكبيره
طبعا نحطها بطريقة الطبطه
( 3)
بعد مانشتغل على العين وانخلص منها ... على السريع نمرر الكومباكت باودر الي تفضليها على ويهج كامل عشان اتصفيه بشكل كلي.... وانا افضل حق الاعراس والمناسبات استخدم الدول فينيش من كيرولاين
وانكمل بعدين البلشر والروج واذا بغيتي اتحطي شوي لوز باودر ذهبي او لؤلؤي تحت العين او ع الخفيف على كامل الويه انتي وراحتج شرات الخطوات اللي في شغل العرايس
تابعوني >>>>>>>

الطريقه الثالثه : لاصحاب البشره العاديه
( 1 )
وزعي الفاونديشن اللي دوم ترتاحي له ... سواء بايدج او بالاسفنجه او بالفرشاه انتي وراحتج
طبعا اذا بشرتج فيها عيوب فحاولي اتغطيهم قبل بالكونسيلر
( 2 )
ثبتيه باللوز باودر اللي تفضليه من كيرولاين ولا ماك ولا ميك اب فور ايفر او نارس او اي ماركه ثانيه.... وانا احب اللوز باودر مال ميك اب فور ايفر
او
( 3)
بدل اللوز باودر ..على طول ثبتيه بالكومباكت باودر اللي عندج ...واذا بغيتي لمعه ذهبيه او لؤلؤيه فممكن على الخفيف تستخدميهم
بعدها اشتغلي على العيون والبلشر والروج (:
حبيت اشارككم فيها ...وماعليج الا تسيري السوق وتشتري هالادوات وتحاولي شوي شوي اتجربي هالستبس على ويهج لين ماتاخذي عليها ... يعني تقدري اتسويلج مكياج عروس وانتي فالبيت ... واهم شي طبعا فمكياج الويه ...هو الفاونديشن ...كل ما كان قريب من لون البشره ... وصافي ومخملي يسر الناظرين...كل ما كان مكياجج راقي... وعاد شغل العيون انتي وخبرتج فيه .... (: .... ماعليج من كل هالطبقات ...بعد مرور عشر دقايق كل شي راح يتناسق وبتحسي ان هالطبقات خفيفه مو ثجيله
++++++++++++++++++++++++++++++++++++
موضوع عجبني نقلته للفائده وصاحبة الموضوع
سامحه بنقله والدعاء لاختها بالرحمه والمغفره
++++++++++++++++++++++++
ولي بالدعوه الحلوه

الله يجزاك خيرعلى النقل والله يرحم ويغفر لخت اللي كتبت هالموضوع

الله يعطيك العافية
عالنقل الرائع
والله يرحم اخت كاتبة الموضوع
وموتى المسلمين
والله يحقق امانيك