أفكارنا في الأحتفال بالمناسبات

1. مرحبا أخواتي

مرحبا أخواتي

أنا مب متزوجه لكن أحب هالسولف ودايماً أنا وصديقاتي نحتفل بيوم ميلادهم وطبعاً أنسوي حركات غريبة جداً وهي كالتالي:
1- في يوم ميلاد صديقتي ماخبرناها إن بنحتفل معاها لكن أتفقنا مع أمها وقبلها بيوم كانت مقررة أنها أتسير الصالون رحنا بيتها وزينا البيت كامل وسوينالها كيكة عليها صورتها زحطيناها في الصالة والأتصالات قائماً عشان ما تتدخل علينا فجأة المهم دخلت البيت والمكان ظلمة وشافت مرة وحدة طلعنا لها وكلنا لابسين لبس نانسي عجرة آه ونص وأحتفلنا معاها وتمت تبكي المسكينة من الفرحة .
2- (وحدة ثانية ) نفس الشي قبل عيد ميلادها بأسبوع حسسناها إن ما بنحتفل بعيد ميلادها وفي نفس اليوم خلينا أختها تتفق مع زوج صديقتنا أن يعزمها عالعشاء عشان يحتفل معاها بعيد ميلادها وهي كلها خطة عشان ما تكشفنا المهم والهدية كانت فكرتها وايد أتظحك (صديقتنا صدرها وايد صغير وحياتها وموتها أتكبره لكن من دون جدوى) خذنا لها ستيان وحطينا فيه فلوس (لأن كنا متفقين في عيد ميلاد أي وحدة من الشلة نوديلهم فلوس أحسن) وزينا الهديا في علبه حلوة وكبيرة المهم رحنا لها البيت كلنا وأتخبينا في غرفة بنتها ولما وصلت هي البيت من الصالون عشان تطلع مع زوجها وراحت ولبست وهي في انتظار زوجها عشان يطلعون طبينا عليها كلنا وأحتفلنا معاها وعطينها الهدية وكانت وايد أتظحك .
3-الثالثة طبعا كانت تعرف أن بنحتفل بعيد ميلادها وكتنت الفكرة أن كل وحدة تلبس لبس يعني تنكريه وحدة لبست غجري وحدة لبست لبس هاواي وحدة لبست لبس الأطفال وغيرها لفت عمرها بشريط أبيض وحدة لبست قميص نوم وغير والهدية كانت بالشكل التالي صندق كبير وايد حطينا فيه أصغر ثم أصغر ثم أصغر وفي أخر علبه حطينا رسالة كتبنا فيها sory ما قدرنا ناخذ لج هدية لانه صرفنا فلوسنا في الملابس التنكرية بعدين خلينا ولدها الصغير يخبرها أن الهدية في خلف علبة من العلب وهي أدورها وحصلتها وكانت فلوس طبعاً
4- الرابعة أحتفلنا بطريقة ثانية كلنا لبسنا قميص أسود وجينز لان البنت دايماً هذا لبسها وورحنا لها البيت وهي كانت في الدوام وأتخبينا في حجرتها وهي رادة من الدوام عشان أتنام طلعنا كلنا في وجه والهدية كانت عبارة عن 4000 درهم كلها دراهم خردناها وحطيناها في أكياس بيضاء وخلينا وحده من صديقاتنا تلبس لبس الحرامي المخطط أبيض وأسود وأطلب علنا في نص الحفلة وتعطيها الخردة والله كانت تحفة صدق خافت البنت .
5- الخامسة بتكون إنشاء الله شهر 5 وطبعاً شوفو من ألحين خططنا حك الحفلة وهي أن وحدة من صديقاتنا أتمثل على البنت إلي بنحتفل بعيد ميلادها انها حامل وقبل عيد ميلادها ب3 أيام أتقول إن هي عكت أو بسم الله مات الجنين في بطنها المهم وإنحدد يوم عيد ميلادها عشان أنزور صديقنا إلي عكت طبعاً تتفاجأ أن كنا لا بسات لبس ممرضات والهدية بتكون في علبة أسعافات أولية وأنحطي على الكيكة صورة مديرها تكرها وايد .
طبعاً هذي أفكار أعياد ميلاد تقدرون تاخذون منها أفكار عشان أزواجكم