فجأه جيك بوم

Q8ya

19-03-2022 - 01:14 am

السلام عليكم بنات بقولكم حالتي ياربي
بيوم ال14 من الدوره اللي اهو يوم الجمعه اللي طاف ياني عوار الدوره جنها شوي وتنزل وتكرمون لمن اروح الحمام احس حرقه بالبول واليوم اللي عقبه خفوا العوارين المهم اليوم زاد عليي وايد وفوق هذا المهبل يحرق ويحك وفجأه جيك بوم عقب الفطور رحت الحمام وانا اتعذب من الحرقه في مكان البول والمهبل مسحت ولا اشوف دم وردي وخيوط دم بلون الاحمر اتسغربت لانه اليوم ال18 من اول يوم الدوره مستحيل تكون الدوره واساسا الدوره اذا بتنزل مو جذي وهالمنظر اول مره اشوفه المهم رحت الطبيب قالتلي بويضتج كبيره ممتازه ووقت التبويض الحين واستغربت تقولي ليش التبويض متاخر عندج وانا استغربت وسالتها ليش هالدم اللي نزل وما فهمت شي عليها المهم سويت تحليل ولو وطلع التهاب حاد في البول يا بنات انا الحين ابي اعرف هالدم وخيوط الدم اللي نزلوا شنو اول مره يصير فيني جذي تكفون ساعدوني هل اهو انغراس البويضه في الرحم بس شلون لانه الحين فترة التبويض على قولة الدكتوره ولا التبويض قوي عندي تكفور ردوا عليي يا صاحبات الخبره

التعليقات (9)

الارجوانه الذهبيه

19-03-2022 - 04:08 am

صار لي اول ماتزوجت مثلج حرقان في البول مع الم ووجع تحت والم في البطن ونزل علي دم نقط وطلع عندي التهاب شديد في البول لاتخافين كلا شربي لترين ماي وأخذي مضاد حيوي وبيعطونج فوار لونه اصفر وان شاء الله تخفين ولازم تشربين الماي لآن قلة الماي يسبب لج هالاتهابات
والله يعينا ^_^

إشراقة أمل

19-03-2022 - 05:09 am

اتوقع الدم مع البول خرج

((مجرد فتاة))

19-03-2022 - 06:10 am

الله يسر لك

بنت معيذر

19-03-2022 - 07:11 am

الله يحفضج وبصراحه ماعندي اي فكره حبيبتي

"جوريه"

19-03-2022 - 08:12 am

خيوط الدم هذي دليل على التبويض ياعمري مو الدكتوره قالتلك ان هذي فترة التبويض؟؟؟؟
صدق ان موعد التبويض متاخر بس انشالله انه جيد هالمره علشان كذا نزلت خيوط دم لانه تكون من علامات التبويض اصلا ،،،،،،،،،،،
ماتشوفين شر حبيبتي والله يرزقك الحمل السليم يارب

انا حبيبت زوجي

19-03-2022 - 09:13 am

لا حبيبتي خيوط الدم نزلت من شدة الالتهاب اللي عندي

كبرت بقلب طفله

19-03-2022 - 10:14 am

الله يشفيك إن شاء الله
وخير باذن الله
والله ماعندي خلفية بس ما حبيت أقرا مشكلتك وما أدعي لك
سلامتك ياعسل

أم حازم25

19-03-2022 - 11:15 am

Q8ya ان شاء الله تكوني حامل,أنا بحملي هذا حصل معي نفس الشي,نزل دم قبل موعد الدورة واعتقد هذا عبارة عن محاولة انغراس البويضة على جدار الرحم’المهم الآن ما تتعبي حالك بالشغل وحاولي تريحي حالك قدر الاستطاعة وان شاء الله ما تيجيكي الدورة وتكوني حامل

Q8ya

19-03-2022 - 12:16 pm

الإرجوانه الذهبيه - إشراقة أمل - أنا حبيبة زوجي
الله يعطيكم العافيه على مروركم الطيب بس حبيت اقولكم انه
الدم نزل من المهبل والدكتوره قالت لي انه الدم ماله علاقه بإلتهاب البول
__________________________________________________ _________________________
مجرد فتاة - بنت معيذر - ريما
مشكورين على مروركم حبايبي والله يعطيكم العافيه
__________________________________________________ _________________________
جوريه - أم حازم
مشكورين على مروركم والله يعطيكم ألف عافيه لأنكم مريتوا وطمنتوني
بس يا أم حازم انتي قبل الدوره بكم يوم نزل عليج الدم وشلون يصير انغراس البويضه
او محاولة انغراس البويضه في جدار الرحم والدكتوره قالت عندج تبويض .... ؟؟؟!!!
هل ممكن انه يصير التبويض وإنغراس البويضه او محاولة انغراس البويضه في جدار الرحم
بنفس الوقت ومع بعض ياريت تفيديني حبيتي ويا بنات اللي تعرف جواب لسؤالي فيدوني الله يجعله ي ميزان حسناتكم
__________________________________________________ _________________________

خواتي ساعدوني و ردوا علي←
أختناimmortalityحامل لولولولولولوللولي→