فديتكم الله يخليكم بسرعه طلب

السلام عليكم ورحمة الله وبركاته ...
أختي نونا هذي فكره عن البيئة البحرية ...
1- تجيبين علبة كرتونه مربعه أو مستطيله كبيره ...
2- تقومين تقص جانب واحد من الجرتونه بحيث يصير شكله كأنه تلفاز ...
3- قومي بطلاء الكرتونه من الداخل باللون الازرق وحطي بعض التأثيرات بالألوان كأنها بحر ...
4- أما أنج تقصين صور أسماك أو تحضرين مجسمات من الألعاب وخرميها من الأعلى وربطيها بخيط الصيد الشفاف ...
5- لزقي الطرف الثاني من الخيط بسقف الكرتون من الداخل ... فيصير عندك سمك غير ثابت ...
6- وحطي بأرضية الكرتونه من الداخل بعض مجسمات الطحالب البحرية و القواقع و المحار و أسماك القاع ...
7- وبالأخير قومي بتزيين الكرتونه من الخارج على ذوقج ...
وتقدرين تطبقين نفس الطريقه على البيئه الصحراوية ...
وأتمنى أن الفكره تعجبج ...
.

يعطيك العافيه اختي عروب وفكرتك حلوه وانا عندي فكره عن البيئه البحريه بعد ......
تاخذين فلين شكله مربع ويكون سميك شويه مو خفيف بسرعه ينكسر وتاخذين التظليله حقت السياره بس اللون الازرق .. اكيد عرفتيها ... وتغطين فيها ثلاثة ارباع الفلين من كل الجهات .. اتمنى تكونين فهمتي هالجزئيه ... والربع اللي ماغطيتيه حطي عليه صمغ السائل وكبي عليه تراب وغطيها بالتراب زين ويصير شكلها كأنه بحر وشاطيء .. بعدين اخذي كرسي صغير (( حق الجوال )) مثل اللي بالمحلات حتى لو تشترينه من محل جوال وحطي في الشاطيء من العاب بنتك او اختك مظله وكرة صغيره والعاب الرمل اذا حبيتي ... بحيث يكون المنظر بشكل عام وكانه حقيقي ..
هذا اللي ببالي الحين واتمنى اكون افدتك واضفت لك شيء جديد
تحياتي لك

مشكورين يالغاليين على الافكار الحلوه
والله يجزيكم الخير