فراشاتي حبيباتي هل ترضين أن تكوني الزوجة الثانية

لا تبخلن بآرائكن بانتظارها

لا ما أرضى
,,,

انا قبل ما يخطبني زوجي ربي يسلمه خطبني قريب لنا متزوج من غير تفكير رفضت مستحيل اتزوج واحد متزوج لو اجلس طوول عمري من غير زواج مع اني كنت صغيره 21 سنه
بس مدري وش يحس فيه جاي يخطبني انا ولا جاي يخطب وهو وخشته ع باله بوافق عليه مالت عليه <<<
لان الحرمه بطبعها الغيره وانها تبي زوجها لها لحاله انا ماني من النوع الي يقبل القسمه ع 2 ابدا لان الي بتتزج متزوج تفكر انها بتاخذ كل شي نص وانا ما ينفع معي ده الكلام ابد
وبعدها بايام قليله جاء خطبني زوجي ووافقت فديته

لآ مستحيل
كثير يخطبوني متزوجين ومطلقين وأرفضهمم

أختي سويتي أذكري سبب الرفض ماهو ؟
أختي التونة صحيح معك حق الغيرة في كل امرأة على وجه الأرض لكن الآن نُحن في زمن المغريات لكن هل تفضلين زوجك أن يلجأ للحرام لاقدر الله أو يتزوج بالحلال ؟
بصراحة سألتكم هذا السؤال لأن قريبتي جاءها واحد متزوج سمع عن أخلاقها و حُسن تربيتها و رجاحة عقلها و طلب يدها للزواج أهلها تركوا الرأي لها مع إنها في أوائل العشرينات و هو في أواخر الثلاثينات
قريبتي حيرانة في اتخاذ قرارها بنعم أو لا
هي تقول : (شباب الحين مايعرفون مسؤولية الزواج البنت تبني أحلام كبيرة و لما تتزوج يجلس معها شهر و يطلقها وش استفادت هي ؟ غير إنها حملت اسم "مطلقة" و أنتم عارفين معاناة المطلقات في مجتمعنا لكن البنت لما تتزوج واحد متزوج لتُصبح زوجة ثانية له بالعكس هذا الرجل يقدر يتحمل مسؤولية الزواج و عنده خبرة أكثر في الحياة الزوجية )
عاد أنا قلت لها أطرح كلامك للفراشات و أخبرك بآرائهن
فلا تبخلوا على قريبتي بآرائكن حتى تتخذ القرار السليم

ومين قال ان كل الشباب طايش وما عنده مسؤليه ويطلق زوجته لا ابد هذا مو كلام منطق ابد
وفيه كثير اعرفهم مو كثير الا كل الي اعرفهم متزوجين 2 وربي اتعس ناس انا ما اعمم بس اقولك ع الي اشوفه واسمعه مافيه وحده اعرفها متزوجه واحد متزوج الا ندمانه ع اليوم الي نولدت فيه
صراحه صديقتك هي حره في قرارها بس انا اشوف انها ما تواقف دام صغيره وش حاده ترى المتزوج والله عذاب في عذاب وهي حره

الزواج نصيب
و غريبه اهلها ما عارضوا ماشاءالله
في ناس 30عمرها حتى مطلق اهلها يرفضوه
خليها اهم شي تستخير
واذا تسهلت امورها الله يوفقها

وبنسبه لسؤالك يا ام مجوودي
والله لو اني ماني مقصره مع زوجي وما فيني عيب من عيوب الي تخلي الرجال يتزوج كعدم الخلفه ومن ها الكلام
والله مرضى يتزوج علي صراحه عندي اطلق ولا زوجه تناشبني بعمري اقوله لك بكل صراحه يمقن في كثير راح يعارضوني بس بنسبه لي انا زي المثل المصري
زي الفريك محبش شريك
واللي يبعني بغالي ابيعه برخيص
ههه تحمست لسؤال بس هذا جاوبي وشكرا

انا مخطوبه برجل متزوج والله يتمم زواجي على خير يارب
ادعي ربي انو يرزقني الزوج الصالح التقي الي يسعدني ربي معه ويكون عون في حياتي بطاعة الله
خطيبي والحمدلله رجل ناجح في عمله ملتزم امام مسجد
ولكنه متزوج ولا هو كبير اكبر مني ب 5 سنوات
رضيت فيه لان التعدد امر دنيوي مارح ياثر على ديني واخلاقي
صليت الاستخاره اكثر من مره يخطبني فيه وارتاح له بس اذا فكرت بالتعدد ارفض
لحد ماتقدم لي هالسنه فكرت من ناحيه الدين وتركت امور الدنيا وش يعيشني وش يلبسني وش يوكلني عندي ولا عند زوجته الاولى كلها تركت التفكير عنها
التفت فقط باخلاقه ودينه ولقيته رجل مناسب والرجال شاريني
حنا بالدنيا نبي الي يساعدنا على طاعه الله ويستر علينا ويخاف الله فينا
نبحث عن الزوج الصالح
اما زوجةالاولى الله يصبرها يارب ونكون مثل الاخوات ويارب
من رائي انو صديقتك ترفض وتنظر الي منه
واذا هو شاريها راح يرجع لها ويتقدم
ويانسوان اذا ماتبي زوجك يتزوج عليك ادعي ربك انو يسخره لك وولا يشوف اجمل منك
اذا اردت ان يدوم الله لك كما تحب فكن له كما يحب