فراق الحبايب

ياقلب يتحمل ألم طيف الحبايب عن عينه غايب بويّه
لوجبل ماظل وانهدم وبهمه ذايب من هالمصايب بويّه
صار الحزن من بعد الأهل من قلبي حاجز كل محل
وبهمه ذايب من هالمصايب بويّه
من فارقوني وودعوا روحي بعللها فقدت أهلها بويّه
قلبي وضلوعي تفرقوا نشدوني عنها من جا ضعنها بويّه
ياروح وياقلب البقوا عندي بعدها وآمالي عندها بويّه
صرت أنا خيمة وطيحوا منها عندها وآمالي عندها بويّه
شترجى منهم والوجل من قلبي حاجز كل محل
وبهمه ذايب من هالمصايب بويّه
شحشي عن ليلي من يجن وبنار فكري يشعل لي جمري بويّه
فراق وحبايب من تعد أتمنى عمري وسدني قبري بويّه
ذبلت جفوني وعالوجن كل دمعة تجري يرسمها دهري بويّه
لورايده تبحر سفن بحدودي تسري يبحرها قهري بويّه
لادمع جف مني وخجل من قلبي حاجز كل محل
وبهمه ذايب من هالمصايب بويّه
بعيوني وقبالي الشمر كان بجمعهم مااحد مثلهم بويّه
وياهم أنا وماامل ساعتي منهم مادامي يمهم بويّه
وعيوني صارت كل شكل تنظر وجههم من فارقتهم بويّه
تاليها من عيني التهل دمعاتي الهم سالت صورهم بويّه
حتى اليسليني همل من قلبي حاجز كل محل
وبهمه ذايب من هالمصايب بويّه
من عيني ماي وبالقلب نيران بالدم بالحسرة والهم بويّه
منها علي ّ صارت سحب بأحزاني تلتم ودنياي تظلم بويّه
فراق الحبايب عالمحب بيّه يتعلم وبروحي خيم بويّه
لجروحي صرت آنا درب وماإلها مرهم وبكل جرح دم بويّه
مااحد مثل ضيمي وصل من قلبي حاجز كل محل
وبهمه ذايب من هالمصايب بويّه
ياقلب يتحمل ألم طيف الحبايب عن عينه غايب بويّه
لوجبل ماظل وانهدم وبهمه ذايب من هالمصايب بويّه
صار الحزن من بعد الأهل من قلبي حاجز كل محل
وبهمه ذايب من هالمصايب بويّه